大本瀛日式放題

營業中

休息中

趁着長假期，親戚從內地來到香港，本打算帶他們去本地茶樓飲茶，但當中有年輕人想要吃日料，就帶他們先吃放題。選了大本瀛是因為有朋友推薦，說服務很好，就去試試了。重回正題，當天主要是年輕人想吃魚生，我自己就還好，三文魚厚切還挺好，帶子大蝦那些都是任吃的，另外有兩位長輩不吃生的，便嘗試了不同的熟食，想不到種類頗多，有串燒、炒物、炸物等等，全部上的時候都有冒煙，熱氣騰騰的！長輩都表示食物10分合他們的胃口，調味不會太重。基本上熟的都挺好，是比較少見的熟和生吃平衡質素的。當中還發生了一段小插曲，當天不知道原由，從九樓出電梯了，然後門口的人說和十樓是同一個老闆，本來都要進去了，然後家人說不是十樓嗎，就重回十樓了。去到十樓，門口姐姐說他們是就自己一間，沒有任何分店，也沒有和樓下同一個老闆，才發現不是第一次有這個情況了！所以大家入座前要小心確認好。

同老公出旺角拎信用卡禮品，喺呢頭搵食，有緣上到兆萬10樓呢間日式放題餐廳，喺接待處負責安排座位嘅店員很友善，臨走時還會打聽食客對食物的滿意度，欣賞這位哥哥敬業樂業的精神。店內環境以木製為主，感覺很舒服。當然先來一round刺身，魚類、貝類都好正，最喜歡帶子，鮮甜肥美，我們一向不吃生蝦，但見其他的客人都叫了好多蝦，魚生很新鮮沒有雪味。落咗單好快就已經有食物送來，清酒煮蜆好香酒味，不錯呢。這裏還有一些餐前小吃，尖椒皮蛋，辣青瓜，辣雲耳等等，非常可口。叫咗份飛天通菜，炒得卜卜脆，好爽口，也有泰式冬陰功湯，大大隻蝦，夠酸夠辣，掛住飲唔記得影相，好味，仲叫咗碟炒蜆，好惹味。鹽燒大蝦真係好大隻，新鮮。一口牛夠淋，牛仔骨夠香，羊架燒得啱啱熟，唔韌，非常好吃。香煎鯖魚同蟹粥，老公都喜歡。另外點了一個壽喜燒，有牛肉、鮮冬菇、金菇同菜，好喜歡甜甜地嘅汁食肥牛。越式蒜蓉牛油雞翼，新鮮炸起熱辣辣，勁香口，回味無窮。炸物叫了一些天婦羅，也有泰式蝦餅、炸蠔、芋頭丸子、芝士年糕等，這裏有我最喜歡的榴槤炸球，同出面食到嘅唔同，係貓山王嗰種，咬落去即刻有榴槤蓉流出嚟，超鍾意。最後嘅甜品揀咗3.6牛乳布甸及木糠布甸，老公

今晚同好姊妹黎到旺角這間好多人推薦話好的日式放題！環境都幾大空間，有一間間房間，如果人多，可以獨立訂一間房刺身好多選擇，如：三文魚、章紅魚、貝類等，最喜愛是珍寶帶子，好大片又鮮甜又滑！仲有泰式生蝦，連泰式醬汁，好野味又新鮮！壽司類有3張紙，火炙、手卷，細細粒，可以試多幾粒唔會好飽！我最愛鰻魚及火炙香蔥左口魚邊壽司！汁濃郁又好味！這裡的串燒及燒物好出色！唔乾又好香！燒菠蘿：好汁香甜！好嫩又開胃解渴🍍🍍🍍🍍燒冬菇及羊架好正呀！羊架又大塊又腍又厚肉！燒得好香又味道濃郁鹽燒珍寶大蝦：愛海鮮的必點！好爽口又鮮甜又大隻！口感一流這個天婦羅有6樣食材選擇，熱辣辣又唔會好厚皮！甜薯同茄子都好好味！炸物的，我超級推薦紫芯香芋丸及貓山皇榴槤炸彈，超超超級正呀！熱騰騰上枱，唔會好大粒，外脆內軟，香芋好香好甜；榴槤味濃郁又香滑，真的齒頰留香！回味無窮泰式料理好多種，冬蔭公唔會好辣，料又足又香！招牌九層塔炒蜆：炒得好香，微微辣！蜆肉好肥美！好好野味！飛天通菜：健康又野味！翠綠新鮮通菜日式花蟹粥：好綿的粥！蟹好多、好鮮甜！好豐富好多選擇的日韓泰美食！環境安靜又舒服！服務好、無漏單！

前幾日食完放題俾媽咪知道左又話要食，所以趁禮拜六放假，帶左佢去試下十樓呢間入到去幾闊絡，大部分都係坐到四人既卡位，私隱度高，有塊竹簾隔住，唔怕上菜時成日俾隔離枱望住哂可能因為午市既關係，唔算話好多客。野食唔算話非常多，但刺身壽司炸物煮物應有盡有。撞正period所以剩係點左幾樣刺身，包括有頭甜蝦、迷你甜蝦、三文魚同我的最愛珍寶帶子刺身質素唔錯幾新鮮，三文魚、帶子都好厚身好肥美蝦類雖然偏細隻啲，但好重鮮味。今次嗌既大部份都係熟食，但居然有驚喜炸物類：炸物類唔算太油，全部炸得好香口，炸粉唔會好厚，而且樣樣都即炸熱辣辣上枱。紫心香芋丸，內餡真係芋頭蓉，好香芋頭味，唔會太甜。吉烈帶子，呢個我同媽咪都一致決定要encore帶子，好厚肉，而且食落鮮甜，唔會好膠一陣雪味咁。台式鹽酥花枝丸，呢個偏油少少，而且鹽酥有啲鹹，但勝在好彈牙同好重花枝味。榴槤炸彈（上圖），如圖所見，炸到恰到好處，榴槤呈流心狀態，好邪惡呀流心芝士年糕（下圖），外脆內煙韌，一咬落去年糕既香甜同流心芝士既微咸香好夾，忍唔住一啖口氣啪哂成粒鐵板野菌炒雜菜，材料有椰菜、雞脾菇、秀珍菇，好多時食既日式炒雜菜都會好油好鹹，但呢度一啲都唔油不

同男朋友行旺角，經過兆萬見到傳單姐姐派傳單，發現大本瀛放題分時段收費，價值合理，當時太約下午6：30，見只需要$188一個人就可以食放題，又多選擇，又有刺身食，於是就同男朋友上去食個early dinner.到餐廳後還要有窗口位置，感覺好開揚，食飯心情都爽爽的。先去看看飲品，飲品絕對是這店的其中賣點，選擇之多，非一般只提供汽水選擇的放題店可比，只是單單飲品連啤酒種類應該已超過20種。及後當然是點菜哪，見到枱面的菜單，已經差不多10張菜單。看著哪麼多選擇的菜單，已經胃口開動，好想所有菜式都點點試試，第一個要點的，當然是刺身哪！排得靚靚的刺身上枱已經好吸引，每件刺身都厚切的。第一口要試的當然是三文魚，三文魚肥美，厚切的三文魚油脂很香口，放入口已經忍不住夾第二件了。很驚喜刺身還有泰式生蝦，還有很多泰式酸辣醬，完全符合我這醬怪的口味。而令人印象深刻的是200蚊不到的放題，竟然有象拔蚌壽司，而且象拔蚌口感，鮮味都很到位，象拔蚌成本不少，一向到其他放題店都難有這選擇，不難明白，成本高嘛，所以很值得一試啊！及後天婦羅上枱，上枱也是排得美美的，送到枱的時候食物仍然熱辣辣，好新鮮啊！吃酸的可以開開胃，令

呢排成日係旺角遊蕩ReU，上次食放題經過見到呢間大本瀛嘅廣告，午市加碼任食三個鐘感覺幾抵食，今日終於可以一試！呢度任食選擇更加多，A-J總共10張餐牌，分別有：刺身、壽司軍艦、特別壽司、卷物手卷、前菜小食、和風料理、一品料理、鐵板燒爐端燒、炸物天婦羅和泰國風情。等我分享下我食左乜嘢啦。A 刺身！挪威三文魚、有頭甜蝦、北寄貝、馬刀貝、珍寶帶子、日本角螺、鮑片。刺身大盛食材新鮮乾淨，三文魚切法奇特有新意。B 手握壽司、軍艦！花之戀、辣味三文魚軍艦。C 火灸黑松露壽司！火灸三文魚壽司、蒲燒鰻魚壽司、帝皇蟹棒壽司、火灸左口魚邊壽司、黑松露油甘魚壽司。D卷物、一口手卷！龍蝦沙律加州卷、吉列炸蝦卷。F前菜小食！味付螺肉、辛辣冷麵！G一品料理！香蒜煙肉焗北海道帆立貝。H鐵板燒爐端燒！岩鹽燒牛舌、馬來沙爹燒雞肉串、金菇肥牛串。I炸物天婦羅！吉列帶子、台式鹽酥花枝丸、海老天婦羅、紫心香芋丸、沙律海鮮卷。J泰國風情！飛天通菜、自家製手打炸蝦餅、香茅燒豬頸肉。午市人唔多，坐得好舒服，唔使等位而且上菜速度快，食物質素高。雖然無甜品，但係飲品種類多，連藍冰啤酒都有w 埋單兩人連服務費$436，價錢相若，值得一試

每次想約朋友吹水食飯，次次都唔知食乜好嘅時候，諗來諗去，"放題"必定是首選 ！ 又想多選擇， 找得方便， 上Openrice 睇睇先。 好多食家都介紹《大本瀛日式放題》， 食評十分正面。而在旺角食lunch， 仲可以食到飽飽去shopping。 食店位置十分方便，而且午市同晚市時段的食物是相同的， 真係可以放縱一天！預早book位仲可以有野送，三選一，我選了海膽刺身，兩個人送左一板！唔好錯過優惠！🎁🎁  刺身拼盤是食放題的第一回合， 又是指定動作， 刺身選擇有三文魚、八爪魚、海螺片、珍寶帶子， 北寄貝、有頭甜蝦、劍魚腩等...... 各種刺身賣相幾吸引， 新鮮有光澤 ！我個人比較喜歡三文魚、帶子和有頭甜蝦。 三文魚刺身， 特別肥美，油花分布平均;  帶子光亮潤澤，仲配上粒粒蟹籽，雙重滋味; 有頭甜蝦，大大隻，鮮甜肥美， 口感見彈性， 值得推薦壽司、卷物和手卷是食放題的第二回合，款式多達三十幾款! 單張上提供形形色色嘅壽司， 種類非常吸引。雖然種類繁多， 但我力有限，只隨意叫了幾款如花之戀、三文魚龍蝦沙律、和將燒和牛壽司， 一嘗壽司風味。 細細件花之戀， 外表吸引， 三文魚肥美可口，

日式放題食得多，款式大多是大同小異，今次就來到放題集中地旺角兆萬中心的大本瀛，試試日泰混合的午市放題~今次被安排坐於卡位，環境不會太窄，有足夠空間，地方光猛潔淨。食物選擇繁多，除了常見的如刺身、天婦羅等日式放題例牌菜之外，最特別的是還有經典泰菜菜式。這裡服務不錯，點菜後很快就上枱，而且侍應很勤快地執拾收碟，不怕一枱都是一大堆吉碟 XD 亦沒有出現漏單或點錯單的問題。壽司的飯size不會太大，而且沒有出現一夾起就散的問題。就算手卷都是一口迷你size，淺嚐完也不會過飽。清酒煮蜆裡面也沒夾雜沙粒，帶有微醺酒香。天婦羅還可以，粉漿不會過厚，剛上枱時新鮮熱辣。可見薄薄的一層炸漿包裹著紫薯，入口未至於太油膩。作為蕃薯控，最推介的是日式一口甜薯 XD 一口一粒，可以食到不停口，板燒牛肉骨和鐵板燒紐西蘭羊架調味不重，不會過鹹，燒完仍可保留肉汁，相反馬來沙嗲燒雞肉串的肉質就燒得有點乾。炭燒雞翼稍嫌燒得未夠香口，不過就無咁熱氣 牛油炒雜菌散發著濃濃的牛油香，帶出菇菌類獨有的鮮味。豉椒炒花蜆味道鮮香帶辣，不過還有個別兩三隻蜆未開殼。飛天通菜也是心水之選，炒得夠鑊氣，我自己不太吃得到辣，但這碟惹味之餘亦不會