但馬屋 (創紀之城五期(apm))

營業中

休息中

作為蕃茄愛好者，見到但馬屋最新推出嘅夏日蕃茄壽喜燒限定MENU，即刻約埋同樣愛好蕃茄嘅朋友仔黎食下😆今次揀左北海道夢之大地豚放題套餐($299/位)，任飲任食90分鐘，有主打嘅北海道夢之大地豚梅肉/西冷之外，仲有澳洲產長期穀飼牛😎裝修環境日式風格，以木系為主，呢到係一人一鍋設計，咁就唔怕同朋友口味不夾嘅問題👍🏻主要掃QR落單叫肉之外，另外出面自助區有好多野可以拎，有蔬菜、丸類、烏冬麵類等等，種類選擇都唔少，而且見D食材都幾新鮮😄調味醬料區同樣地多選擇，見到有冰青金桔，18禁辣醬等，都幾得意😆飲品有唔同嘅罐裝飲品，汽水、茶類都有，見到仲有自家製蘋果汁，味道清新😋先送上蕃茄壽喜燒鍋，見到滿滿嘅野菜放喺個鍋入面，然後職員會好細心幫手將D肉類沿住鍋圈鋪喺野菜上面，再倒入以新鮮蕃茄熬成嘅自家製壽喜燒汁，味道濃郁而唔會過鹹，酸酸甜甜，好開胃😍簡簡單單嘅蕃茄、冬瓜、秋葵、蟹味菇、蓮藕、洋蔥等吸收左醬汁嘅精華後，勁惹味🤤北海道夢之大地豚梅肉、北海道夢之大地豚西冷：呢到因為係用北海道豚肉，所以質素非常高😍切得薄身，肥瘦比例剛剛好，油花均勻，入口即溶而且唔會有油膩感。豚味香兼帶點甜味😋澳洲產長期穀飼牛：雖

🇭🇰但馬屋·北海道夢之大地豚套餐$289依家天氣凍D又係食打邊爐既季節啦 因為我男朋友唔食牛 所以我地今次就試左佢地個北海道豚肉套餐🐷佢個北海道豚肉肥瘦比例真係好靚 就咁點少少醬汁已經超好食 佢個澳洲牛肉片都唔錯既 油脂幾好 不過我自己要食曬一碟真係相當吃力🤭🤭佢呢個套餐仲有丹麥豬肉片添 呢個就中規中矩啦 建議大家都係嗌翻北海道個個開心D😈·美肌鍋 l 甘露鍋湯底方面佢呢度係一人一鍋既 所以佢滾得超快😏😏我自己就覺得佢個美肌鍋唔夠膠質 佢係似普通豬骨湯多D 反而佢個甘露鍋甜甜地咁唔洗點豉油已經好夠味😌·自助吧 l 飲品 l 雪糕之後佢個自助區都幾多野食 最欣賞佢有響鈴 索曬汁好正 而且佢D雞肉好嫩🐤之後佢既粟米 番茄仔都好甜 整體質素唔錯 而且佢係有Häagen-Dazs雪糕既 打完邊爐食翻幾球超級滿足🍨·#rbyeat#rby日本菜#rby觀塘 #rby葵涌 #rby屯門·📍觀塘觀塘道418號創紀之城五期(apm)4樓22號舖📍葵芳興芳路223號新都會廣場2樓251-255號舖📍屯門屯門鄉事會路83號V city1樓L1-8號舖

食火鍋放題我都會揀有高質牛肉先會去，因為自己眼闊肚窄，想留返啲quota食好野！今次揀左但馬屋，係因為朋友食過話唔錯，品質有保證呢度有幾款套餐選擇，價錢由$179-$329不等，按和牛級數而定，有五款鍋以供選擇，一人一鍋，鐘意食乜都叫乜，唔需要同人爭，限期90分鐘任食！7點幾去到餐廳已經見到勁多人等位，為左食好野，等位是在所難免幸好，都唔算等左好耐！我揀左$299日本產和牛及黑豚放題套餐配美肌鍋美肌鍋有雞肉既骨膠原，最岩女性喇朋友叫左意式番茄芝士鍋好香既番茄味，都唔錯架！Shabu Shabu 點少得既醬料基本既醬料都有齊，我最鍾意多多多蒜喇，落幾多都得，正呀！第一round黑毛和牛同豚肉黑毛和牛一捲捲用木盆盛載，色澤非常之靚！脂肪比例分佈平均，油脂細緻豐盈！淥一淥就食得，牛味濃郁，肉質較軟，帶有少許肥肉，令口感更豐盈！黑豚肉黑豚賣相都唔錯！同樣有平均既紋路，肉質粉嫩！講到味道，係比和牛鮮甜，而且油脂較少！除左可以任叫和牛豚肉，仲可以出去自助bar度拎其他食物，有丸、菜、魚、腸仔、麵、烏冬等任你選擇！食物種類雖然唔算好多，但勝在夠新鮮！飲品除左有罐裝飲品，仲可以選擇雜果賓治、橙汁、竹蔗