居食屋「和民」 (1亞太中心) (已結業)

食日本野又想抵食，「和民」係幾好既選擇，不過當然多人啲先抵食啦。餐廳內外食物選擇有幾款套餐，當然都有得散叫，但套餐望落十分吸引，好多野食，一於叫套餐。四人歡聚套餐 $578有季節前菜、健康野菜沙律、極味意式薄切鮭魚、一品料理、食事、鍋物(大)、飲品。--季節前菜、健康野菜沙律、極味意式薄切鮭魚呢三個係固定商品，姐係叫套餐一定有，季節前菜每人一份，主要係蓮藕、牛蒡，好爽脆。健康野菜沙律、極味意式薄切鮭魚，兩樣都好大份，四個人share嚟食好適合。--鐵板豚肉野菜炒一品料理有得揀，我地揀左鐵板豚肉野菜炒，份量唔多，野菜為主，勝在夠味同埋夠鐵板鑊氣。--海老牛油果披薩另一款一品料理就揀左海老牛油果披薩，海老即係蝦，估唔到細細份既pizza都有放蝦係上面，有啲香草/牛油果醬，食落都有牛油果既味道。--和民石鍋泡菜飯以為呢到既石鍋泡菜飯會只得素菜，原來都有加牛肉，牛肉仲用日本醬油醃製過，所以甜甜地，再加埋泡菜、芽菜、蒽等配料，又有飯焦，香口。--照燒雞壽司卷每件都放上照燒雞，乾身左少少，加啲sauce會好味啲 。--蕃茄&香草牛肉壽喜燒食日本野點可以唔食壽喜燒，我呢個食肉獸緊係揀牛肉壽喜燒，有分

「和民」呢個名聽得多，但慚愧地都係第一次食，今日同朋友一行四人，如果唔係朋友話食和民又錯過咗試和民既機會，因為佢有和民信用卡，有折扣再抵啲。環境餐廳好大，以卡位為主，而座位與座位之間有個高既屏障，私隱度好高，不過因為屏障高叫服務員就難啲，建議可以加個鐘仔方便叫侍應。四人歡聚套餐 $578(和民信用卡$549)包括季節前菜、健康野菜沙律、極味意式薄切鮭魚、一品料理(6選2)、食事(6選2)、鍋物(大)(4選1)、飲品(19選4)。季節前菜由牛蒡、磨茹、蓮藕、蘿蔔組成，用上醋醃製，酸酸哋，清新開胃。健康野菜沙律好大盤，有麵包粒、煙肉乾、甜椒絲，再加上大量芝士粉，最classic好食既沙律款式。極味意式薄切鮭魚超過十片！本身已經醃左咸咸地，質素平庸。一品料理——海老牛油果披薩一品料理有雞翼、炸雞、天婦羅、餃子、披薩、炒豚肉。揀左海老牛油果披薩同鐵板豚肉野菜炒，海老牛油果披薩餅底好薄，比較細份，但個味道可以，幾好咬口。一品料理——鐵板豚肉野菜炒同樣細細份，上枱時仲係嗞嗞聲，重醬汁味，炒得入味，不過豚肉唔多。食事——照燒雞壽司卷食事有壽司、滑蛋豬柳、牛肉飯、蜆烏冬、石鍋飯2款。揀左照燒雞壽司卷及