奧壽司

營業中

休息中

今日約了男朋友到數碼港這間日本料理，之前情人節黎過好吸引好美味，這邊環境還是一樣的好：寬敞優質的感覺，以黑色枱椅為主的簡約的日式設計，牆上掛有多幅圖片！背景純音樂播放，服務也不錯，會主動添熱上熱茶、收碟、送上菜，好有效率又親切，點上了蟹粥，見我朋友未到，會遲點送上避免凍了，好貼心點了🍣🍣火炙壽司盛合：6件高質不同食材的壽司：不同新鮮高質魚類（三文魚、鰻魚、油金魚等）、鮮甜軟熟的帶子海膽、爽口美味厚身赤蝦；壽司飯好香軟，恰到好處！推薦喔！雲丹蟹粥🦀好鮮甜軟綿綿的足料蟹粥、用料有原隻蟹、粥配上蔥、冬菇片、海膽、蔬菜、紅蘿蔔絲等等，好甜好正又足料又美味！我們食了幾碗，份量都唔少串燒牛舌厚身3片牛舌，燒得好香脆，牛舌厚身爽口有咬口，配上胡椒粒，又香又入味！餃子雞翼燒得好脆口的外皮雞翼，內面是菜肉餡，好有口感，成隻雞翼脹卜卜好多料；土佐豆腐熱辣辣剛炸好的好大的4件豆腐，脆口薄薄的鬆脆外皮及內面滑滑軟軟的日本豆腐，上面更有紫菜絲及辣香明太子，真的好吸引好正好水嫩；叉燒拉麵大碗拉麵配料好足，包裝香甜味美黃金粟米粒、爽口健康的木耳絲、厚身軟腍唔肥又大片的叉燒、半隻入味的鹵黃金糖心蛋、爽口好足份量的拉麵

今日情人節男朋友訂了這間唔太多人的數碼港日本餐廳。幾好的環境，安靜的慢慢享受，但原來都好多客人，差不多滿滿；地方幾舒服又大大，有個大廚房見師傅在準備刺身。選擇都算可以、餐具及枱子好別緻我們點了燒粟米（好香又甜）鰻魚露筍卷（好香好野味的鰻魚汁、鰻魚肉香軟露筍健康）炸雞軟骨（好脆口好香）餃子雞翼（外面脆口燒得野味內餡是菜肉餡）魷魚筒（比較乾身，這個普通）泡菜炒飯（微微辣味、其他配料有煙肉火腿及雜豆等，也是普通）服務就普通，服務員不是好熱心主動幫忙，要等好耐才有人來

呢個星期去到幾偏遠下的數碼港，扮下上等人食貴價日本野。閒日夜晚黎食，係呢頭黎講預左唔會多人，地方闊落尚算清靜，吧檯位仲可以見到三位師傅即時處理刺身等。小弟點左一份細的壽司拼盤，總共9款壽司，除左加州卷外每款一件，望落刺身算晶瑩剔透，唔點壽司豉油食都有份鮮味係度，壽司飯食落仲係暖暖地，唔似出面果d整到凍冰冰。另外點左份刺身拼盤，有小弟最愛食的吞拿魚，食落一d都唔「鞋」，同其他刺身一樣都係厚切，唔係好捨得一啖吞哂成件，魚類唔腥，幾肥美，蝦好鮮甜。因為小弟鐘意食刺身，所以跟風叫左個是日special, 都係刺身類叫金目鯛，肉色幾嫩，帶粉紅色，肉質厚實帶點爽甜，除左有少少魚筋之外差唔多全部都係入口即溶，幾好食。之後再叫左幾份小食，燒魷魚筒，火侯還好，唔會燒到太燶太韌，汁唔算多但係都夠哂味，有點似離島的燴魷魚風味。餃子釀雞翼，燒得唔錯，餃子肉同個汁幾夾，可惜的係兩款熱食可能之前擺耐左，唔算太熱。最後一款係特色三文魚，即係三文魚魚生粒伴青瓜絲及鵪春蛋，不過可能自己食唔慣生的鵪春蛋，拌埋一齊之後有點膩。不過加上松子仁，多重口感都ok。總括黎講，壽司刺身類還是較好，最緊要刺身真係好新鮮。