麵匠風龍

營業中

休息中

【豚骨湯拉麵】今天有事在灣仔處理，星期六，下午 1：45，到達時店有一兩個空位，不用排隊。點了豚肉湯拉麵，套餐配小食，我選了餃子。點餐後人開始散去。等了幾分鐘，拉麵先到。湯很濃。义燒有咬口。麵軟硬適中（對我來說）。玉子是流心蛋，超滑，好味。我覺得有驚喜。差不多食完麵，餃子才到。很熱，好味。我猜想應該是自家包的。而且即煎，所以等得比較耐。價錢不算平，但物有所值。期待下次再有機會到灣仔工作。下次會試蝦味噌麵。

📍麵匠風龍 𝑴𝒆𝒏𝒔𝒉𝒐 𝑭𝒖𝒓𝒚𝒖🧭灣仔軒尼詩道184號地下💰人均消費: HKD115早啲食 #麵匠風龍 唔洗排隊😎 一共兩款麵: 豚骨同蝦味噌，一於食晒兩款套餐🆗豚骨湯拉麵套餐 $110個湯有啲淡，好勁奶味，比豬骨味濃拉麵口感唔錯，叉燒兩大塊味道唔錯！⭐️蝦味噌拉麵套餐 $120同豚骨完全唔一樣，湯底幾香濃，唔太厚拉麵同蝦味噌湯夾啲！溏心蛋勁流心好香好好味⭐️小龍蝦蟹籽沙律 初初以為係龍蝦😂 不過個沙律好味好香口，可惜紫菜淋晒🆗餃子聞落比食落香，皮薄但有啲油，個餡都唔係好香不過不失#MFJ灣仔 #MFJ日本菜#mfoodjournal #foodie #hkfoodie #foodblog #hkfoodblog #japanesefood #japanesecuisine #wanchaifood #ramen #noodle #相機食先 #灣仔美食 #日本菜 #拉麵

逛完會展後留在灣仔搵食，想起bookmark了的麵匠風龍！店舖鄰近地鐵站口，對出又有巴士站，位置很方便。未夠6:30PM來到，內裡幾乎滿座，我們一行四人就要先等一等位啊！雖然店內全部座位都是吧枱位，但後方設有掛鈎掛袋或外套，即使我們一袋二袋的，也不會坐得不舒適。麵匠風龍只供應兩款拉麵：豚骨湯拉麵及蝦味增拉麵，可單點或配成套餐。我只單點了豚骨湯拉麵，配菜很簡單的只有木耳及紫菜，叉燒另外送上。先試一口湯頭，豚骨湯濃郁香甜，口感順滑不油膩，好好飲！拉麵軟硬適中，掛湯，每吃一口拉麵就嚐到濃厚的湯頭！叉燒肥瘦適中，燒至微微焦香，肉質不會太乾身。店家另提供辣芽菜、蒜蓉及七味粉，可按個人口味，隨意加入～～～小龍蝦蟹籽沙律，沙律綿滑得來，又能嚐到內裡的粒粒小龍蝦肉，面層還灑上櫻花蝦，用紫菜包裹沙律來吃，口感豐富又不會膩。餃子，煎得金黃香脆，肉餡都算飽滿，富有肉汁，味道不錯！濃厚豚骨湯，令人喝過不停口，喝完整碗湯，味蕾上只殘餘那陣香甜，沒半點味精帶來的口渴感，是難以忘懷的美味！

良心店不解釋 味道咁多年都係香港其中一間最接近日本拉面既鋪頭 百零蚊食到一個咁既質素好過去味千食啲港式變種拉面小食我最推介芥末蝦 口感做前菜一流不過今次黎咁啱可能賣哂而另一值得一提既係從未係香港其他拉面店出現過既另上煎叉燒, 因為冇浸落啲湯度所以口感仍然保持到叉燒應有嘅堅韌同香口湯底相對上亦較清 唔會太多調味蓋過拉麵特有嘅面感, 面身質地較硬 啱哂我呢啲鐘意硬身口感既人飲品可以加錢換渣啤酒/ 亦有供應冰麥茶同冰水小店經營不易 值得更多關注😀

灣仔有幾間拉麵店，各具特色。麵匠龍風雖然只提供兩款拉麵(套餐)，但午市都好多人排隊。 豚骨湯比一般豬骨湯底清，唔油，可以成碗湯飲晒。麵質有彈性，配木耳、葱，又香又爽口。半熟蛋用香料浸過；叉燒分開上，其實係醃過的薄豬扒，每次員工煎豬扒，整間鋪都好香，增加食慾清新的開胃前菜，少少酸，用紫菜包住食，又係另一種味道。味噌湯比豚骨湯濃，但唔鹹，加埋櫻花蝦、粟米，個人喜歡呢個多啲，可惜啲湯唔可以飲得太多！普普通通，煎得唔夠脆，味道一般。

麵匠風龍係一間位於灣仔嘅人氣拉麵店💛 而且都幾多人讚呢間拉麵，所以就算Lunchtime經常都大排長龍，我哋都去咗排隊試吓😛～ 拉麵舖入面唔大，只有10幾個bar枱位，可以近距離睇住師父煮拉麵👀 呢間拉麵店嘅拉麵款式貴精不貴多，只有豚骨湯拉麵同蝦味噌拉麵～ 可以選擇單點或者套餐，套餐就會有1碗拉麵、半熟玉子以及3選1嘅小食（餃子/芥辣蝦沙律/小龍蝦蟹籽沙律），比起單點一碗拉麵貴$30，但食拉麵一定要加半熟蛋嘅我，就加咗套餐，仲可以試埋原價每款$35嘅小食～ •🥢 豚骨湯拉麵套餐 $105豚骨湯飲落都算濃郁，但對比起蝦味噌湯就稍為淡味同埋單調～拉麵係用咗比較幼身嘅白麵，都幾吸收到湯嘅味道，但口感就比黃麵無咁彈牙～但加返啲爽口嘅黑木耳絲都幾夾～叉燒只有2片，大小同份量都偏細，但有心思嘅係啲叉燒係另上，因為每一片都喺上菜之前會加燒汁/醬油去煎香，食落口真係充滿油香嘅滿足感～ 不過我同朋友嘅兩碟都有同一個問題，就係啲叉燒嘅質素比較唔均勻🤔 因為兩片叉燒都係1片比較有油香，另1片就比較瘦，定係師父嘅刻意安排呢？🤔•🥢 蝦味噌拉麵套餐 $115蝦味噌拉麵嘅基底都係用返豚骨湯，再加上蝦油同埋蝦味噌，

收工時間6:30左右 2個人去到 等咗10分鐘就有位舖頭餐牌簡單直接 就係兩款拉麵可以加多$35追加成套餐配多一隻溏心蛋同四隻餃子不過因為我食唔到生蛋 同埋又想食多隻餃子所以直接單點拉麵同餃子1️⃣豚骨湯拉麵湯底清 唔油膩 但仍然充滿豬骨味叉燒建議放落湯盡快食 我有塊食到一半先放返落湯就已經乾晒麵質偏腍 好彩有爽口木耳絲搭夠2️⃣蝦味增湯拉麵湯底惹味濃郁 超有蝦既咸香味伴菜有甜粟米中和返蝦既濃味 必食推介！3️⃣餃子食拉麵點都要有份餃子先覺得完滿睇住師傅落完單即刻係雪櫃拎包裝餃子去加熱上碟熱辣辣 好岩過口癮

Ani-Com & Games Hong Kong 2021 香港動漫電玩節2021Had to try a nice bowl of Japanese ramen after 4.5 hours long wait plus 1 hour visit for the ani-com & games HK 2021.We searched this based on the Google map which is the closest of where we were at the time.The menu only have 2 main options and that saves us a lot of time. Immediately order and I can see how the chef marinated the meat.It’s very calm to sit at the bar table and I miss Japan. The taste brings back memories of me having a nice warm ramen

一去到就有條短人龍等緊，等左15分鐘左加就可以入座，店員有提醒牆上有掛鈎，可以掛袋同外套。朋友叫左豚骨湯拉麵加玉子，配餃子套餐（$105），佢覺得豚骨湯偏清淡，加上我地坐係風口位，好快就凍左又結左層膜，有少少影響覺得無咁好食。反而套餐嘅餃子有4隻，即叫即煎，熱辣辣上，又香脆又多汁，就算凍左都唔錯，食落有啲驚喜。我叫左蝦味噌拉麵（$85），湯比豚骨湯濃郁，仲有勁多櫻花蝦舖係面，麵幾正常，叉燒分碟上，有少少偏瘦，但都算可以。

灣仔隱世蝦味噌拉麵🦐由岩岩開都宜家都keep 住有幫襯 次次都大排長龍🤤店內位置唔多 想試一定要早啲排隊如果唔係根本食唔到🥲佢地只有兩款拉麵 👉海老味噌拉麵 (單點$85, 套餐$115)👉豚骨湯拉麵 (單點$75, 套餐$105)套餐就會多一隻半熟玉子同一款小食.🎈海老味噌拉麵呢到既拉麵濃度適中 就好似一幻咁我就算得濃到有少少苦🌚一碗拉麵上有大量蝦乾 令湯底更有層次感🤤推薦大家一定要加埋呢到特製既蒜蓉同芽菜 會更加惹味😋雖然濃味但唔油膩 而且好掛湯👍👍評分: 8/10.🎈小龍蝦蟹籽沙律作為跟餐小食真係好有誠意😭每次黎到都一定會加小食紫菜舖底要加沙律整成球狀 外觀已經好得而且啖啖龍蝦肉同蟹籽真係非常鮮味😍食到後面可能會有少少咸 但包埋紫菜食就剛剛好評分: 8.5/10.🎈芥辣蝦沙律呢個係滿一大碗既蝦 成日都食唔哂但又好滿足🤤蝦肉爽口彈牙 就好似食緊蝦刺身咁新鮮而且配搭芥辣醬唔會食到膩評分: 8/10.🎈餃子有份有4件 餃子皮做得好好👍外面香脆 再咬入去係軟糯既口感皮搓得好薄 可以話皮薄涵靚😋評分: 7.5/10.🎈總括而言作為小fans既我會推薦大家試蝦拉麵🤣豚骨我都試過但就少左蝦個隻

邊個話黃店冇好野食？其實俾心機總會搵到好食嘅。麵匠風龍已經食過不下一次，雖然佢的餐牌簡單，只有兩款拉麵，但拉麵店不嬲都係重質而專注做一樣食物。/蝦味噌拉麵套餐🌟湯底十分濃郁，很鮮的蝦味，又不會十分鹹，吃完所有拉麵湯底也剩下不多，而麵條的軟硬度適中，流心蛋的蛋黃煮得剛剛好🤤，這個拉麵有日本的水準。🤤叉燒另外分碟上，這裡的叉燒偏瘦，所以煎熱後比較乾，個人較喜歡有少少脂肪的叉燒。/餃子🌟套餐有4隻餃子，比正常一碟少，不會太飽。新鮮煎好就立即上碟，有少少香脆很好吃。

一開門就已經聞到好濃郁既湯底味 搞到我地胃口太開 於是乎就叫左2個拉麵 一客餃子 超好味🤩 每個座位後邊都有一個勾可以放野 好貼心1.蝦味噌拉麵👍👍👍櫻花蝦既香味同濃郁既湯底 溏心蛋同叉燒都好好味2. 餃子👍👍👍 餡既份量適中 個皮唔會話太厚 煎得啱啱好有啲焦咬落去脆脆口好有口感3. 豚骨拉麵👍👍👍個湯底濃郁但係唔會太多油同啲麵好夾 隻溏心蛋好滑好好味 叉燒同其他鋪頭唔同嘅地方係佢煎過跟住同麵係分開上嘅 所以佢keep到煎既香味

本身好中意食蝦湯拉麵香港賣蝦湯拉麵嘅舖頭唔多見到依間有 咁緊係要試下啦特登避開晚飯時間 諗住唔洗排隊點知9:30去到 前面都有成10個人等緊🙈不過舖頭入面都有位企唔洗企係喺街到熱住等😆咁就睇定menu先啦拉麵有兩款: 蝦味噌拉麵同豚骨拉麵小食有3款: 餃子、小龍蝦蟹子沙律同wasabi蝦沙律可以淨係單點或者要set 包括拉麵、溏心蛋同小食我要咗set: 蝦湯拉麵 + 餃子 ($115)另外要杯生啤 ($35)唔想叫野飲嘅話都無所謂每隔幾個位就有一壺水同一壺麥茶 好貼心😊蝦湯拉麵好味!😬湯夠濃 唔係死鹹 飲好多都唔口渴個麵煮得啱啱好 而且分量都好多仲有3大塊叉燒 如果肥d就好喇🙈餃子都好味 熱辣辣 煎得好香👍🏻加埋杯生啤 完滿!❤️抵佢咗多人排隊 一定會再返嚟

之前經過呢間拉麵店見到入面既裝潢好特別，十足十日本既特色，今次終於去試下呢間拉麵店！全店得16個座位（如果我冇數錯既話🤪），全部都係望住廚房整野食，由煮麵到遞到你面前都望到曬，所以好放心，有咩唔對路都即刻睇到！個碗會放係熱水淥拉麵果邊整熱佢，所以全程食麵個碗都係熱辣辣，超細心！呢到淨係提供2款拉麵：豚肉/蝦，所以追求多選擇既朋友仔就未必岩你地喇，但因為我有選擇困難症同埋唔食得蝦，所以一睇餐牌就知要叫啲乜😆🤟🏻套餐包埋一款小食同一隻溏心蛋，我同男朋友嗌左兩個套餐，小食就一個餃子一個小龍蝦蟹籽沙律。- 豚骨湯拉麵套餐個湯好濃好好飲！啲麵有用計時器，所以每一碗既水準都會保持到，然後就會見到店員係到fik走啲水，好神奇佢點整啲麵都唔會跌落地🤔🤣一食落去啲肉好好味，勁香！然後望到啲豚肉原來係店員續塊續塊煎出黎，一路食一路睇住佢煎，好想叫佢再加多啲肉俾我🤣🤣🤣（留意返平時我唔太鍾意食肉）- 餃子冇乜咩特別，不過不失。佢係用一部機器計曬時自動會出煙，所以應該個個食落既餃子都差無幾🤔🤔🤔- 蝦味噌拉麵套餐我唔食得蝦俾唔到意見大家，但我聞落去真係勁重蝦味！偷偷lam左啖湯，好明顯係用蝦煲出黎（放心我la