影片
更多
2020-04-27
1284 瀏覽
半島酒店大堂茶座 #尖沙咀❗️$500都唔使五星級酒店生日飯推介❗️朋友生日🎂咁啱見到半島酒店大堂茶座有birthday set， $500有找😍仲送原個生日蛋糕🤩🤩🤩諗都冇咁諗即刻book位試吓！果然冇令我失望，食物定服務質素都一流💕！Birthday reward set menu (3 course + free birthday cake)🎂$418/1佢哋一共有三款Menu，每一日一款，所以book位嘅時候可以問吓佢哋當日係邊一款，而我嗰日就係set C😆。香草蛋沙律配煙鴨胸小蘿蔔🥙Mimosa salad with smoked duck breast, raddish, herbs 個名好似唔吸引，但原來係魔鬼蛋😈將蛋黃換成蛋黃醬，邪惡惹味！最有驚喜果然係個煙鴨胸，切到勁薄身好似Parma ham咁😍煙燻鹹香味重，係個簡單而好味嘅前菜。青豆沙律配煙三文魚乾蔥及芥末籽汁🥗Green bean salad with smoked salmon strawberry shallot and pommery dressing 成日覺得佢啲名有誤導性，聽落唔吸引但全部都好好味💕原來係煙
❗️$500都唔使五星級酒店生日飯推介❗️
朋友生日🎂咁啱見到半島酒店大堂茶座有birthday set， $500有找😍仲送原個生日蛋糕🤩🤩🤩諗都冇咁諗即刻book位試吓！果然冇令我失望，食物定服務質素都一流💕！
Birthday reward set menu (3 course + free birthday cake)🎂$418/1
佢哋一共有三款Menu，每一日一款，所以book位嘅時候可以問吓佢哋當日係邊一款，而我嗰日就係set C😆。
香草蛋沙律配煙鴨胸小蘿蔔🥙
Mimosa salad with smoked duck breast, raddish, herbs
個名好似唔吸引，但原來係魔鬼蛋😈將蛋黃換成蛋黃醬，邪惡惹味！最有驚喜果然係個煙鴨胸，切到勁薄身好似Parma ham咁😍煙燻鹹香味重，係個簡單而好味嘅前菜。
青豆沙律配煙三文魚乾蔥及芥末籽汁🥗
Green bean salad with smoked salmon strawberry shallot and pommery dressing
成日覺得佢啲名有誤導性，聽落唔吸引但全部都好好味💕原來係煙三文魚為主，配上菠菜沙律同埋少許青豆，加上乾蔥同埋芥末醬，係個配搭普通但味道不俗嘅頭盤😆。
蕃茄濃湯🍅
Tomato soup
每日嘅餐湯都唔一樣，當日係蕃茄濃湯，聽到嘅時候其實有少少失望，始終唔係好特別🙈但點知個湯真係非常濃郁😳每一啖都有蕃茄粒，再加上洋蔥香草等等，香氣十足，酸甜度恰到好處🤤！
美國安格斯肉眼扒配賓尼士汁配意大利青瓜及燒薯🥩
US Angus ribeye steak, bernaise sauce, zucchini gratin, roasted potato
呢個肉眼扒真係冇得頂🤩脂肪唔多，但好嫩好嫩💕而且用咗炭烤嘅方法，有啲炭火嘅香氣😋連啲配菜都係有精心醃製過，特別係個茄子，超級淋但非常香口，連紅蘿蔔同埋粟米仔都係酸酸甜甜，非常好食。
馬頭魚柳配蔬菜糙米飯喇沙汁🐟
Amadai fillet on brown rice risotto with vegetables, laksa sauce
第一眼見到真係有啲嚇親，密集恐懼症即刻發作🙈但係原來非常脆卜卜，魚未算最滑，但夠鮮甜👍🏻特別欣賞佢底下嘅喇沙汁糙米飯，唔辣但係好香，鮮甜到有啲似龍蝦汁，非常美味😋。
焦糖蘋果配肉桂法式忌廉及雲呢拿汁🥧
Caramelised apple with cinnamon, creme fraiche, and vanilla sauce
睇個名仲以為只係普通蘋果，點知原來係我最愛嘅apple crumble🤩外層鬆化，內裏蘋果夠淋夠香夠甜🍎。只係略嫌雲呢拿汁唔夠香，似係普通忌廉，唔加反而仲好食😂！
熱情果慕絲配椰子雪葩 檸檬脆脆及蛋白霜花🧁
Passion fruit dome with coconut sorbet, lemon crumble and meringue flower
造型夠晒靚，味道不過不失，就係正正常常嘅熱情果慕絲🙈但略嫌酸左少少，而且雪葩食唔到椰子味。
咖啡及半島精選茗茶
Coffee or tea
嚟到大堂茶座，當然唔少得嘆番杯咖啡或者茶啦。
兩個人或以上仲送一個生日蛋糕🎉
Free birthday cake (table of 2 or above)
最後仲有原個柚子青檸慕絲芝士蛋糕🤩🤩味道酸甜唔錯。口感幾獨特，最頂個層有少少泡沫嘅感覺，夾住柚子蓉，底下一層海綿蛋糕，都算唔錯。
味道: 4.4/5
整體性價比: 4.8/5
整體來講絕對係滿足嘅一餐🤩每一道菜都水準之上，尤其是個牛扒真係超級好食😋😋而且半島酒店嘅服務態度好好，佢哋會留意着每一台客人嘅需要👍🏻$500都唔使就食到，仲要有原個半島酒店嘅蛋糕🎂真心覺得超值，生日嚟呢度慶祝真係冇得頂！
餐前麵包
59 瀏覽
0 讚好
0 留言
香草蛋沙律配煙鴨胸小蘿蔔
60 瀏覽
0 讚好
0 留言
青豆沙律配煙三文魚乾蔥及芥末籽汁
74 瀏覽
0 讚好
0 留言
蕃茄濃湯
69 瀏覽
0 讚好
0 留言
美國安格斯肉眼扒配賓尼士汁配意大利青瓜及燒薯
130 瀏覽
0 讚好
0 留言
馬頭魚柳配蔬菜糙米飯喇沙汁
36 瀏覽
0 讚好
0 留言
焦糖蘋果配肉桂法式忌廉及雲呢拿汁
73 瀏覽
0 讚好
0 留言
焦糖蘋果配肉桂法式忌廉及雲呢拿汁
134 瀏覽
0 讚好
0 留言
熱情果慕絲配椰子雪葩 檸檬脆脆及蛋白霜花
47 瀏覽
0 讚好
0 留言
Free birthday cake
82 瀏覽
1 讚好
0 留言
張貼
