影片
更多
2021-09-26
7665 瀏覽
Hugo’s係香港一間名氣老牌扒房，1969年開業，本身係位於彌敦道上既凱悅酒店。宜家已經搬左去尖沙咀K11上層既 Hyatt Regency 酒店大堂。裝修極有格調，有點似去左歐洲古堡一樣。入口處有好多個盔甲武士同見到有裝飾用既古劍。晚餐時間去，環境幽暗有情調。被安排坐係係好大張舒適既沙發圓座，.見套餐上面既選擇都岩食，所以兩個人點左一個經典套餐同散點幾樣野Share。.1️⃣🥖餐前麵包三款⭐️4/5麵包籃有法包、蒜蓉包及牛油酥。以餐前麵包黎計佢既蒜蓉包好出色，夠熱蒜蓉感好重牛油好香。有一段時間無食過牛油酥，外皮酥皮鹹香感重，內裡好軟熟，個人評價幾高。雖然餐包可以無限添食，但叫左好多主食都係淺嘗好了。 經典套餐 (5道菜 $1,388)2️⃣精選新鮮時令生蠔 配 乾蔥紅酒醋⭐️3/5侍應話今晚係法國生蠔 (唔知有無記錯)，一人份頭盤有兩隻。生蠔比較細隻，海水味唔算重亦唔算Creamy，配有自家製紅酒醋。唔知係唔係因為跟餐款式質素未算好高，我覺得絕對可以更好。.2️⃣布根地式焗田螺 釀 田螺肉、香蒜牛油⭐️2.8/5因為share 食所以餐廳上檯前好貼心咁每人分開三隻黎焗，田螺好大隻厚肉，香蒜牛油味非常
.
見套餐上面既選擇都岩食，所以兩個人點左一個經典套餐同散點幾樣野Share。
.
1️⃣🥖餐前麵包三款
⭐️4/5
麵包籃有法包、蒜蓉包及牛油酥。以餐前麵包黎計佢既蒜蓉包好出色，夠熱蒜蓉感好重牛油好香。有一段時間無食過牛油酥，外皮酥皮鹹香感重，內裡好軟熟，個人評價幾高。雖然餐包可以無限添食，但叫左好多主食都係淺嘗好了。
經典套餐 (5道菜 $1,388)
2️⃣精選新鮮時令生蠔 配 乾蔥紅酒醋
⭐️3/5
侍應話今晚係法國生蠔 (唔知有無記錯)，一人份頭盤有兩隻。生蠔比較細隻，海水味唔算重亦唔算Creamy，配有自家製紅酒醋。唔知係唔係因為跟餐款式質素未算好高，我覺得絕對可以更好。
.
2️⃣布根地式焗田螺 釀 田螺肉、香蒜牛油
⭐️2.8/5
因為share 食所以餐廳上檯前好貼心咁每人分開三隻黎焗，田螺好大隻厚肉，香蒜牛油味非常重。但個人認為蒜香味太重太鹹，完全蓋過左螺味，唔知係唔係因為咁係”布根地式”口味？
.
3️⃣龍蝦湯 忌廉白蘭地酒龍蝦湯 (席前火焰烹調)
⭐️3.7/5
Hugo’s 龍蝦湯係餐廳主打名物，每檯必點。我地就係因為見套餐有呢個湯先決定點呢份套餐。湯係玩席前火焰烹調，有少少似去睇表演。湯非常濃，酒味好重，Share好似分到一小粒龍蝦。個人從來唔係龍蝦湯嘅粉絲，淺嘗就好。自己覺得太濃酒味有點鹹，但同行者覺得呢個龍蝦湯好出色。
.
4️⃣法式黑胡椒牛柳 配 薯蓉、有機蔬菜
⭐️2.8/5
牛扒外表好黑，同行者叫左Medium生熟度剛好。因為我主力係食Prime Rib呢份牛柳只係試咗少少，個人覺得呢份牛樓個質感唔多似平日食開嘅牛扒，有少少似食緊煲湯一絲絲嘅瘦肉🙉。不過我只試咗一小件未必能作準。底薯蓉就唔錯。
.
5️⃣希戈榛子果仁醬疏乎厘 金萬利橙酒汁、朱古力干邑汁
⭐️4/5
甜品係呢套餐最出色嘅菜式，疏乎厘口感輕盈濕潤，面既榛子果仁醬甜度恰到好處。橙酒汁朱古力干邑汁唔算濃味，正合我胃口。
.
餐飲叫左奶茶，茶底好香。
.
A La Carte Menu
6️⃣皇帝蟹肉沙津 配 奧塞佳魚子醬、海鮮汁、自家製英式烤餅 $388
⭐️3.8/5
呢一份餐前小食一啲都唔平，不過見佢用上昂貴食材，人一世物一世點照試吓。沙律份量唔算太多係幾小口會食得完既份量，面鋪昂貴嘅魚子醬，主體係大量嘅皇帝蟹肉溝海鮮汁，再配上蛋白餅一齊食。蛋白餅同埋魚子醬😂其實冇乜味，不過主體蟹肉好鮮甜。整體正評！
.
7️⃣燒美國頂級牛肋骨肉 (席前銀車切片) $620
⭐️4.2/5
瑞士式煎薯餅 $60 ⭐️3/5
忌廉菠菜 $60 ⭐️3.6/5
黎得Hugo食飯Prime Rib 係主角。Hugo 好多款菜式都有玩席前燒/煮/整/砌，當然或多或少係噱頭。高大靚仔外藉廚師即場切牛肋骨，連埋骨上好厚好大塊。叫左Medium Rare，生熟度剛剛好，冇血水但肉身好滑。份量比我想像中多好多，最近都去過幾間高級餐廳點過呢一個菜式，Hugo份量都算係最慷慨（咁樣當然價錢或多或少都反映到）。牛扒軟滑係我好喜歡嘅質感，可惜因為同行者怕生，所以我需要一個人食晒全份，結果佢高質既Yorkshire Pudding我已經食唔到。呢份Yorkshire Pudding 係暫時我食過最好食嘅。另外額外加錢叫嘅煎薯餅同埋忌廉菠菜，我覺得比較普通，煎薯餅雖然份量好大但我覺得冇乜味似食緊中式蘿蔔絲酥餅，忌廉菠菜我就比較喜歡文華扒房版本。
.
8️⃣橙酒煮班戟 法式班戟、焦糖橙汁、金萬利橙酒、雲呢拿雪糕 (席前火焰烹調) $125
⭐️4.2/5
唔鍾意酒味嘅我以為呢一份signature dessert 我未必會鍾意，不過睇在佢又係席前再加上賣相幾靚仔，照叫一份試吓唔好留遺憾。結果除咗份prime rib外我全晚最欣賞就係呢個菜式。甜品份量唔多，得三小片法式班戟，但係個橙酒汁好香加埋一齊食感覺良好。個雲呢拿雪糕基本上影兩張相已經開始溶，當汁食都好滑。
.
送：Hugo’s 朱古力x3 及朱古力脆皮雪糕波波x4。朱古力脆皮雪糕波波有乾冰墊底打開個好打卡able，味道就正正常常四平八穩。反觀嗰三粒朱古力有驚喜，全部有唔同夾心，三粒都好食。
.
總結：環境服務都唔錯，幾適合情侶間喜慶節日用餐。餐廳搞咗好多打卡花巧野，好多席前烹調或者最後送嘅甜品都幾有心思，整體用餐感覺係良好嘅。不過食物水準未至於係我食過同級最好，以同級計計埋性價比入去，達係合格水平。
.
不專業食評nei.foodie
餐前麵包
78 瀏覽
1 讚好
0 留言
生蠔
88 瀏覽
0 讚好
0 留言
皇帝蟹肉沙津 配 奧塞佳魚子醬
74 瀏覽
0 讚好
0 留言
布根地式焗田螺
75 瀏覽
0 讚好
0 留言
法式黑胡椒牛柳
75 瀏覽
0 讚好
0 留言
燒美國頂級牛肋骨肉
68 瀏覽
0 讚好
0 留言
希戈榛子果仁醬疏乎厘
40 瀏覽
0 讚好
0 留言
希戈榛子果仁醬疏乎厘
33 瀏覽
0 讚好
0 留言
橙酒煮班戟
27 瀏覽
0 讚好
0 留言
橙酒煮班戟
22 瀏覽
0 讚好
0 留言
餐後甜品
22 瀏覽
0 讚好
0 留言
張貼
