Bondi (已結業)

工廠大廈中的後花園，令人輕鬆既佈置，令人鼓舞既牆身句子，好好叉叉電！ 餐湯係青豆湯😚😚平時比較少飲，青bb既佢有少少忌廉花紋，令到個湯更香更滑！ 仲有餐包配有黑醋加橄欖油，包入面有唔同既榖物，加埋黑醋好開胃！ 前菜係泰式魚餅，食落好有冬陰公味，不過我唔太食得辣，哈哈.... 到主菜啦，黎左三文魚扒，同個汁好配合，個汁甜甜地！ 連旁邊既配菜都好好食，火箭菜，什菇！ 再黎意大利飯！有帶子，大蝦，好豐富！ 最後揀左甜品，係芝士餅，紅莓芝士餅，濃味芝士😍😍😍好濃好滑！好實在既感覺！

一放工就過去,所以雖然星期五都唔洗等位。環境唔錯,係暗咗d,如果光線充足d相信食欲都會大增~ 薯條好長~ 反而d配菜仲好味😅值得一讚嘅係服務態度~d waitress話頭醒尾, 主動斟水,仲好合時咁提醒我地上甜品~非常好👍👍👍