半島酒店大堂茶座

營業中

休息中

在KKDay訂了他們的Savour More Staycation package，包午餐、早餐及外賣下午茶。對半島酒店有期望是人之常情🤪。前台服務非常之有禮貌，我們還慶幸地被upgrade到海景套房，真是喜出望外！住嘅方面就一流啦，送贈嘅芒果生日蛋糕亦很好吃，但對於他們Lobby餐廳的食物就有點兒失望😮‍💨……中午在The Lobby 享用他們的set lunch. 當日可能比較多人，我們就座後要主動要求侍應斟水給我們。心目中有些少減分的感覺，但水到嘅時候，以為是凍冰冰，但原來係暖水，即刻加返分😅。因為坐坐下覺得有點凍，有暖水暖下個胃覺得好舒服👍🏻。Starter 選擇了蕃茄湯及法式肉批。主菜我們選擇了魚和豬。甜品就各一。我本人覺得前菜比主菜深刻，純粹個人喜好。蕃茄湯夠濃郁。配埋鬆脆的餅乾條和rice crispies 更有層次感👍🏻。這個法式肉批幾特別，有特色。主菜不是不好吃，只是由於是半島酒店，期望會高些。豬腩比豬柳好食，後者柴了。魚方面沒有什麼特色…返而好耐冇食cous cous , 對配菜更印象深刻😅今餐我最鍾意就係個甜品，朱古力味夠濃郁，碟中間仲「吱」了一條很粗嘅朱古力醬

今年生日半島有生日優惠套餐，指定西式套餐，每位都係380蚊再加一，緊係要黎試下，兩人以上仲有生日蛋糕送。半島既氣氛係無得輸，建築係以前英式風格，現場仲要有樂隊表演，餐具都特別靚過人。晚餐有前菜、湯、主菜同甜品。餐前麵包有三款。簡單的前菜。這個湯係甘筍湯，非常好味，好濃郁。主菜牛柳比魚柳好食，牛柳邊的薯批幾特別，一層一層的。食完主菜會有職員拎蛋糕出黎，今次係朱古力蛋糕，入面既類似厘子既生果係浸過酒的，食落好勁酒味，職員仲會比把好靚既刀你切蛋糕。最後仲會有甜品，朱古力球比蛋白霜好，蛋白霜有點似小時候食的花塔餅，沒什麼特別，朱古力球就有濃郁既朱古力味。最後最後仲有餐茶，餐具就係靚，慢慢品嚐最後既檸檬茶再聽聽現場既音樂，就係生活態度。