baby café (已結業)

帶住BB食飯，真係有好多野要留意𠺢！要有BB凳啦，要安全啦。。。6點3左右來到，有位。我地要個位闊落，放到BB車的，侍應帶左我地去個角落位 。本來想叫羊扒的，但已經叫左豬同牛扒，我就轉左叫藍青口。上菜速度好快，餐湯係黑松露菌湯再加個牛角包。個湯味唔係太濃，牛角包就死死實實咁。餐沙律最讚，用左胡麻醬，有雞絲，蕃茄仔同沙律菜 其實個餐仲有個蟹肉多士，但食唔出蟹肉味，啲fd仲話似蝦乾，笑屎我。而且個多士硬左少少。主菜藍青口，唔知係我太遲食定本身唔多熱。我覺得凍左，無咁好食了。而且啲青口好細。另一個主菜，黑豚鞍。display好靚，但食起來，好"鞋"。個汁就ok ge。 下面墊左啲燒蔬菜，都幾健康。仲有個龍蝦仔配和牛，無乜特別，我淨係食左一嚿牛扒je。最後有木槺布甸，BB食唔停口 。都唔知真好食定鍾意食甜品。間野的display係幾靚的，價錢都合理，但就唔算得上好食。

原本對此餐廳毫無期望，亦唔知點解要用Angela Baby做賣點。居然有驚喜！叫咗兩個餐：angela三食及燒羊鞍。餐湯沙律不過不失。main course 味道一流！再叫左甜品：心太軟及蘋果批，價錢合理，質素亦可以接受。埋單唔使四百蚊，會再去。

與友人瑜伽後，友人有點餓，想吃點東西，podium的不是太大路便是吃過了。登上長電梯到8樓，再轉笠到11樓，Baby Cafe。所謂的主題餐廳是放了多張Baby大相，紙巾及餐牌上的set meal都是gimmick，幸好沒有把菜式夾硬跟Baby扯上關係。價錢不算貴，並且大多劃一收費，這是頗意外的。當然以這價錢，我們都沒有抱太大期望，只望不難吃便算了。結果令我們喜出望外。朋友選了Angela+Baby set meal，份量絕不欺場，而燒春雞也是熱滕滕的，還奉送荔枝茶一杯。我選了奇異果提子特飲及薯茸。餐牌說薯茸加了北海渡3.6牛乳，沒有考究有沒有此成份，但薯茸是甜甜的，加上炸煙肉頗可口。店內裝修簡潔，用料看得出不是上等貨，故昏暗燈光有效地遮蓋這瑕疵。突然，朋友哼起Justin Bieber的Baby~Baby~Baby~Oh~ 不錯!