Ocio (已結業)

今日母親節🤓同媽咪去左葵芳行街 順便就係新都會食埋個晚餐先回家😙 呢間媽咪食過話唔錯 所以我就再同媽咪再食過 😚母親節既價錢雖然貴平時小小但都可以接受🥰我地叫左呢個套餐（A + B + S）$288（未加一）。咁就可以揀兩款主菜加一款小食☺️A9 刺身帶子明太子意大利粉帶子唔算多 但咬落都唔會太韌 驚喜的係佢個汁☺️ 好好味 真係有種日本既味道 明太子亦好香。稍微唔夠熱姐！B7 特級牛柳（8oz）拼虎蝦（5成熟）牛柳咬落有小小似牛腩既口感 有一絲絲既感覺😂 口感幾淋！ 虎蝦size正常 口感彈牙有鮮味！S5 芝士焗蠔（3PCS）焗蠔偏細隻 無咩肉 下次都係叫翻雞翼好味啲同抵食啲🥰套餐加多$23，可以揀飲餐湯/咖啡茶/沙律（三選二），如此類推。我地個日就揀左餐湯同檸茶：是日餐湯係忌廉蘑菇湯凍檸茶少冰

👍🏻環境餐廳播放歐美歌曲，環境優美適合拍照，餐桌是雲石紋，拍食物也好好看，餐廳大約有二十幾個座位，建議book枱。🍚食物[👍🏻是日餐湯-粟米湯]湯用黎餸食物一流，唔好一口氣飲晒，一路食主菜一路飲會更好，一杯仔湯分量，如果配埋餐包會更好。[👍🏻紐西蘭香煎羊架意份$118]羊架大大件，二舊羊餸意粉剛剛好，意粉烹調時有放鹽帶有鹹味，加上醬汁，味道突出，旁邊配上沙律菜冇咁油膩感。[👍🏻黑松露雜菌飯$73]有濃郁黑松露雜菌味，雜菌分量適中，啲飯粒粒分明，好有口感，香氣四溢。

Ocio開到黎葵芳，當然要試吓啦！推廣緊一系列龍蝦的菜式，連早餐都有龍蝦窩夫，實在令人震驚🤯可惜我食晚餐如果唔係都試吓食龍蝦做早餐😌美國波士頓龍蝦飯$158芝士焗嘅龍蝦🦞肉質厚實，鮮甜既龍蝦肉配香濃焗芝士，剩係食開邊既龍蝦肉緊係唔夠喉😏叫侍應拎鐵鉗就可食埋蟹鉗入面嘅肉就perfect la。雖然得半隻，不過肉都唔少，不錯！至於risotto係用蕃茄汁煮既，粒粒軟硬適中，滲透茄湯之餘又唔乾，而且蕃茄夠曬開胃，唔會食滯😋每啖飯都好滿足，令人再三回味呀！美國安格斯肉眼配薯條$198Menu有寫有10oz ，所以都好大塊，但薯條竟然得咁少，仲擺喺塊扒下面整到林晒😣不過論質素而言係高既，肉質鮮嫩，牛味濃，又有小小脂肪，大食的朋友可能需要多小小薯條先得呀😆餐湯係粟米湯😍有粒粒粟米，而且粟米好甜，應該係新鮮粟米黎🤡餐飲叫左杯特飲，巨峰提子梳打，顔色一般，好似檸茶咁，但味道可以呢！

上星期日先同屋企人係度食左一次lunch咁岩今個星期日又係落葵芳 而葵芳又冇乜其他選擇 冇乜餐廳想試 所以就食多一次呢間 反正佢有咁多款式 試下其他野都好 一去到餐廳已經2點幾 門口有少量人係度等位 等多一張已經到我地 好快就有人走 唔洗等好耐就可以入座 一坐底已經諗好左食咩了 上次見人食燒春雞幾正咁 今次就叫燒春雞食 成隻咁上 真係幾正 外面個層搽滿晒茄汁 好好味 另外仲配埋個BBQ汁 不過個人覺得冇味 唔洗點已經好好味 本身個茄汁已經好夠味 同埋雞肉都幾滑 唔會好鞋 仲配埋粗薯條今次仲叫埋個All days breakfast 有炒蛋 雞扒 煙三文魚 蕃茄 薯條 茄汁豆 豬肉腸 沙律菜 仲有一舊窩夫 配埋個楓糖醬 一黎到即刻試下塊雞扒先 塊雞扒皮好脆口 不過塊雞就冇乜味 舊窩夫唔知係我最後先食定咩 食個陣已經淋晒 可能黎到即食先係最好食 同埋唔點個楓糖醬既話會好乾 完全冇味 好難食 不過我之前係旺角分店食過佢地既窩夫的確係麻麻地講漏左今日個lunch跟既餐湯唔錯 今次係甘筍湯另外仲叫左杯荔枝沙冰同熱既蜜桃紅茶整體黎講都ok既 食物同飲品都唔錯 下次會再黎試下牛同豬 今次太飽食唔落甜