百利冰室

營業中

休息中

今日早上約咗朋友係西灣河等，好耐冇去過西灣河，難得去西灣河，一於係附近搵下有乜好食，之後我去咗一間舊式餐廳「百利冰室」食早餐🥣，聽講冰室出名的食品有「奶茶」、「沙翁」等；最後，我叫咗一個「特餐 $38，轉多士加 $1」，套餐包括：1️⃣ 餐肉通粉2️⃣ 牛油餐包 (轉多士加1元)3️⃣ 火腿奄列4️⃣ 熱奶茶☕️整體來講：味道都唔錯，奶茶真的不錯；下次有機會先再試下佢哋嘅「沙翁」價格💰：$39 ($38 + $1 轉多士)注意⚠️：只收現金；設最低消費每位$18元

保留傳統港式冰室的味道沒有花巧沒有跟上潮流 但就堅持傳統的做法真傳統冰室真係越嚟越少希望呢種舊式味道可以繼續承傳😗雖則係舊式茶餐廳 但店員都好nice又好客落單姐姐真係好了解我呢種嫌尖客人😂超貼心和藹地問使唔使轉多士 -> 🙋🏻‍♀️要！奶茶要多奶少奶? -> 🙋🏻‍♀️少奶！三文治要唔要烘底? -> 🙋🏻‍♀️要！我經常要記住落單時要加要走的呢度都一一照顧周到 超貼心☺️特餐 | $39 (轉多士加左$1)火腿奄列 雖然簡單但好多地方食到的奄列都係乾爭爭全熟又油呢個就好高質 一點都不油膩薄薄的熟蛋外層包住裡面半熟蛋漿同滿滿火腿呢個奄列我俾💯 薄多士亦重手揸滿牛油😆另一樣普通但出色的係餐肉通粉忌廉湯超濃厚 好夠味落足忌廉煮而唔係就咁用雞湯或無味滾水hea你真係好少食到咁有誠意的茶記通粉🤩熱奶茶 叫左少奶 茶底的茶夠香醇就算少奶都唔澀咸牛肉蛋治烘底 | $38 (配熱飲)又係出色之作 咸牛肉份量多又夠香 味道勁出炒蛋炒得剛剛好 多士再烘脆一點就完美啦

「一日之計在於晨」, 一個星期的好開始當然在於一個美味的午餐! 一星期普遍都帶4日飯的我, 通常都是開心星期五先外出午餐, 不過今個星期一有事做所以就懶得帶飯盒, 早上openrice左一輪就約同事去食飯! 一向都幾中意食茶餐廳套餐, 有碗熱辣辣既粉麵+炒蛋麵包, 食得飽又有香港特色! 所以今日我叫左特餐食! $27有餐肉通粉(轉麵要加錢), 火腿奄列+餐包, 仲有飲品~餐肉通粉有2塊餐肉係通粉下面, 湯的味道有少少咸不過唔會好味精, 通粉煮得不錯, 軟硬剛剛好! 餐肉雖然不厚, 不過味道適中!火腿奄列炒得幾香! 蛋都是剛熟, 滑嫩的蛋包住火腿口感不錯! 餐包略嫌唔夠熱, 不過配炒蛋一齊食就OK!其實我地2人仲叫左個咖央多士黎試! 不過唔記得影相, 其實都係普通多士樣 中間塗左層幾厚的黃色咖央醬, 甜甜地再加脆卜卜的多士, 好味!因為沙翁好出名, 所以臨走都買左返公司當下午茶食! 倨沙翁仲大過我拳頭, 外層甜絲絲脆卜卜, 內裡軟綿綿又鬆化! 果然不錯! 只係幾大個食到好飽~見到其他人都會點午餐食, 而且又係抵食夾大份喎! 可惜去呢到要坐4個叮叮站先到, 下次有時間都可以再食!

此冰室一到午飯或假日就會大排長龍….可能好多人鍾意「冰室」情懷…其實食物的水準真係好一般…我地點了一個茶餐, 一個常餐~火腿通粉+餐包+煎雙蛋餐肉通粉+火腿奄列+餐包~個餐包就不過不失~都算係新鮮~但個火腿奄列+煎雙蛋就超油…成隻碟都係油…好彩唔係日日食…個包放在側邊, 都油曬….最好味~其實都係通粉~~個湯底好似有d忌廉湯的味道~而且d通粉唔會太稔~都幾好味~~整體來說~如果冇咁油~都係一個好味的常餐…但呢種程度的油…的確唔太適當而家的社會…已經冇乜人有時間做運動..仲要食咁多油,…真係要保重身體…不過如果要排隊, 我就唔會食~

環境：好有懷舊氣氛。服務：一般茶餐廳的服務。食物：一般冰室都有自家烘培的麵包，通常都幾好食。但呢度的餐包好硬，好似隔夜咁，十分失望。餐肉通粉不過不失。西多士就好好味。價錢：21元一個特餐，都算抵！