峇里堂

有6款印尼特式飯品可揀 仲有串燒同其他地道小食(咖央多士 燒豬bagel 海鮮煎⋯)甜品有個珍多公雞冰冰都好似幾有特色😚.▫️香濃惹味醬燒雞髀飯 $59是 我就係比隻雞脾吸引黎的🤤🤤成個碗咁大隻🤭 雞肉好嫩滑同啖啖肉燒得剛好 加左一大pat醬 食落更香濃個醬除左有香料味 仲甜甜地咁幾特別 花生微豆?咁既香味 食落開胃惹味記得記得加$8轉金貝飯用左薑黃香茅等香料烹製飯粒粒粒分明之餘 本身味道已經夠濃香襯埋個醬真係好鬼正😍.▫️招牌巴東牛展肉飯 $69同樣係滿滿既醬 巴東醬相對無咁特別就好似平時食既咖哩咁唔算好辣 味道濃郁 輕鬆用黎撈晒成碗飯牛展肉好軟嫩 沾滿汁好滋味🤤每碗仲有秋葵蕃茄仔做伴菜～.▫️rose latte $37估唔到竟然有得飲啡😳好似好耐無飲rose latte就試下 都唔錯入口奶滑綿密 咖啡夾雜住淡淡玫瑰香.總結，好少可食到印尼野 我覺得可以try下而且定價又唔貴😍 重口味之選🙈金貝飯好有特色 一定要試!! 配埋個醬真係香好多😚我自己比較鐘意雞脾個醬味道比較特別同真係好香濃惹味😚重點係啖啖肉嘛😛

落地大玻離對住柏麗購物大道，光猛之餘又有啲綠蔭，非常舒服。餐廳人數唔多，枱同枱之間相隔遠，總括而言，坐得舒服，傾計又舒服。*香濃惹味醬燒雞髀飯 $57Nasi Ayam Panggang 印尼燒雞髀飯~惹味醬係印尼甜風味，做完資料收集後，我諗醬汁係蒜蓉薑蓉印度香料打成醬料，再加入鹹甜豉油糖羅望子醬，令到醬汁帶層次嘅甜，唔係死甜嘅甜醬汁。雞髀煮左好耐所以好入味，但唔似燒雞，比較似滷雞髀，而且肉質有啲嚡，冇雞髀嘅滑嫩感。白飯超級大碗，撈甜嘅惹味醬會食唔停口。雙色咖央多士 $36Roti Bakar Srikaya 雙色一紅一黑非常IG-able，方包烘到少少熱，但完全冇水份，乾到好似沙漠咁，咖央醬薄薄一層，香味椰香味淡，完全俾牛油味蓋過咗。

由佐敦向住尖沙咀方向行, 有一幢幾層都係餐廳嘅樓, 今日同老公搭𨋢上3樓li間入到去就勁峇里lifestyle嘅餐廳(逢星期二係休息…第一次見😅), 環境好大好舒服呢.🍹峇里式豬筋骨飯 (HKD56)Menu一張過, 食物係好家庭式嘅飯, 串燒, 小菜仲有甜品. 食完li個飯之後, 完全一改之前喺峇里旅行食過嘅峇里菜感覺: li個峇里式豬筋骨飯真係超•好•味! 醬汁好正之外, 豬筋骨嘅肉係一下就骨ga! D醬配珍珠香飯好惹味😋.🍹香濃惹味醬燒雞髀飯 (HKD56)老公li個燒雞髀飯個Ayam醬仲好食, 完全入唒味, d雞肉嫩得不得了! 大隻雞髀🍗幾乎蓋唒個碗.🍹羊肉串燒 (HKD36)店員拎黎時提我地趁熱食最好味, 我地梗係即刻食啦! D羊肉真心嫩, 腍軟惹味, 完全唔係平時食嗰d用牙力咬開嘅, 個人認為必食之選.🍹嗌左menu第一頁飯就可以優惠價揀特飲, 想講杯鮮椰汁紅豆冰 (HKD24)真係好抵, 香濃椰汁又勁多紅豆, 杯鮮青檸梳打都係加18蚊咋.

時間已經去到2:00，估唔到尖沙咀樓上鋪嘅峇里堂會全場滿座，好彩留咗位，咁就可以舒舒服服咁嘆番個下午茶雞髀又成個碗咁大隻，我就加咗$8轉做黃色嘅金貝飯，金背飯係一種由香茅、檸檬葉、薑黃等香料，混合新鮮椰汁，烹調前後需時6小時，蒸成嘅香料飯，加上餐廳用高級珍珠米，飯粒粒粒分明，非常有咬口，香而不油膩，呢$8真係物超所值印尼咖喱果然冇得彈，佢獨有香料嘅味道真係其他咖喱都比唔上，呢隻印尼咖喱係香得來一啲都唔辣估唔到呢度連燒賣都有得食，配埋印尼嘅醬汁非常惹味最後仲叫咗呢款甜品添，黑色嘅多士索晒焦糖既味道，而白色椰子味嘅雪糕球有濃烈既椰子味，椰子控切勿錯過