Fika

營業中

休息中

🍽餐廳係坑口村口，細細間既小店，有種親民既感覺，黎食既客人聽得出都唔係第一次來，都係熟客仔👍🏻 🥑牛油果蟹肉脆餅🌮（$88／4塊）- 牛油果蓉同蟹肉混合，食落幾有蟹味，加上有啲紅椒碎粒係入面同埋少少三文魚籽係面，令佢多左口感同fresh既感覺，個底既脆餅係薄薄帶點咸味，有點煙韌，如果脆餅再脆口啲又或者換上脆多士可能更好🫢 🌽粟米南瓜湯🥣（$28）- 係好濃嘅粟米湯，再帶點南瓜味，creamy口感！ 🍟香濃黑松露醬配粗薯條🍄（$58）- 即炸嘅薯條好香脆，有少少鹽同黑椒係面，啖啖薯仔味，點埋濃濃既黑松露醬，好味！ 🥩炭燒加拿大豬鞍配糖漬蕃茄沙律🥗-豬鞍好厚身連骨，係醃咗慢煮過，肉質一啲都唔鞋，而且好粉嫩，加上炭燒過外層，令佢做到外層脆且香口，內軟又juicy既口感。配左bbq汁更加有味道。配菜有鷹嘴豆🫘蓉同埋糖漬蕃茄🍅沙律菜， 酸酸甜甜幾fresh。 整體來說餐廳幾有家庭小店既感覺，員工都好親切，環境既舒適，星期六日來應該更加chill~😎🏡

“A moment to slow down and appreciate the good things in life.” 「放慢腳步，欣賞生活中的美好事物」今晚就同朋友放慢腳步，來到這間舒適的小餐店，慢慢食慢慢傾，享受兩人相處的時間，的確是美好的事。餐廳地方不大，但好有情調，整體企理，簡簡單單的擺設，優雅舒適。有套餐、單點、甜品和飲品，因為朋友已食咗嘢，所以今晚只選了一份主菜和兩份小食。是日例湯係西蘭花忌廉湯（$28），店員話日日新鮮製作，的確好fresh。質感豐厚綿密，滿有西蘭花香，仲有啲薑的辛辣，飲落唔漏滯。朋友想飲啤酒，就點咗兩款香口嘢送酒。香濃黑松露醬配粗薯條（ $58）炸得金黃香脆，我最鍾意就點滿黑松露沙律醬，嗰醬好好味，好香濃！牛油果蟹肉脆餅啖啖蟹肉，加埋幾粒魚三文籽，更鮮美，牛油果醬就好黏滑，混入一些蔬菜粒，跟超級脆口的脆餅同食，雙重滋味！炭燒西班牙黑毛豬梅頭烤日本甜薯（ $298）用心之作！黑毛豬梅頭好有炭燒香，風味十足！肉質腍嫩，好鮮香；夾雜着脂肪，好油潤，正！加啲自家製燒汁，中和咗油膩感，好夾！配菜有青香爽嫩的京蔥和粉綿甜美的手指薯，兩款我都喜歡。傾下食下，唔