森．湯咖哩 (已結業)

爽彈大蝦湯咖哩，蔬菜同大蝦都好新鮮，湯底咖哩香同辣度平衡得幾好👍・・・・・・・・・・・・・・・・・・・・🍛 香煎大蝦湯咖哩 HK$78.4 ・味道：叫咗小辣果然食得出辣度，大概五少辣左右。餐紙好細心有教點樣食，個湯底好香日式咖哩味，唔係普通甜味底嘅咖哩磚👍。不過食耐咗都會有啲鹹～睇落好細份但其實越食越覺得多料，蔬菜每樣都好新鮮夠甜，唔係白烚完再放落咖哩到，吸晒咖哩味好啱送飯。主角大蝦亦不錯，好彈牙有新鮮蝦香味。・口感：蔬菜軟腍吸味。大蝦彈牙，彈嘅程度係咬落去會「卜」一聲嘅彈，正🫡係個飯有啲硬，唔知係咪米粒品種唔同/特色嚟哈哈～・・・・・・・・・・・・・・・・・・・・🤰性價比：高～🤰9衝度：9衝～🤰結論： 經過幾次但因為成舊水而冇入去食，今次見到做特價入去搓搓，味道有驚喜。外賣自取可以再平啲送埋嘢飲添，可以再戰！・・・・・・・・・・・・・・・・・・・・

🍛🍛🍛初嘗湯咖哩，食出食材鮮味▫️QR code點餐及即時付款，職員會送上餐點，設加一服務費▫️新張優惠堂食8折，外賣自取7折▫️套餐+$10 （前菜&飲品）☑️前菜-醃製魷魚絲份量吾多，但幾新潮好食，甜甜地的，仲有d脆口嘅野。☑️香煎大蝦湯咖哩 🦐-$78.4湯咖喱可以選原味、小辣、中辣，我哋都選咗小辣，係好輕微嘅辣味黎，令咖喱更加惹味，建議大家選擇。而咖哩本身甜甜地，撈飯撈菜撈肉都一流。蝦有5隻，2面都煎香左，每隻都新鮮彈牙。除左蝦，呢度嘅湯咖哩仲包含咗10款時令野菜，今次就包括薯仔🥔、日本南瓜片，紅蘿蔔片🥕、茄子🍆、西蘭花🥦、車厘茄🍅、秋葵、蓮藕、粟米芯🌽、紅椒🌶️。蔬菜都好新鮮，而且有煎過再放入咖喱湯，吸收咖哩味，有菜有肉，健康好味😋。白飯是另上的，用上珍珠米，煮得剛好，叫左少飯份量都吾少。☑️ 飛驒和牛漢堡扒湯咖哩🍛 -$110.4入面嘅蔬菜都同上面嘅一樣，而飛驒和牛漢堡的確好味，牛味濃，同咖哩都好夾。☑️凍綠茶正常發揮，食下飲下清下個口。