Mr. Right (已結業)

難得放假返元朗，當然要同媽咪行下街啦~ 決定去千色廣場附近的<Mr. Right>食左lunch先， 餐廳利用落地玻璃，令環境空間感非常大， 外邊是花草樹木，加上呢日天氣非常好，令人身心放鬆~ 雖然lunch時間好多人，但因為枱與枱之間的間距大， 所以坐得好舒適，亦唔會好嘈~ Lunch Set包左主食、沙律、餐湯同飲品 價錢由60大洋起，非常抵食! 我地叫左2個set一齊share食~ <沙律>是一般沙律菜，不過就用左健康的橄欖油同柚子醋，口感清新，岩晒夏天食~ 是日餐湯<洋蔥湯>，非常香濃~ 主食點左最愛的<香煎帶子牛油果燴意大利飯>  光賣相已經非常吸引，有3粒大大粒的帶子， 煎至金黃色，口感彈牙， 意大利飯軟硬適中，上面仲有芝士塊， 味道香濃creamy~ <美國安格斯牛肉漢堡>  巨大的漢堡，個包好鬆軟， 中間夾住厚實的安格斯牛肉漢堡， 咬一啖感到好滿足，而配的薯條又大又粗~ 飲品我地選擇左健康的<橙汁&蘋果汁>， 兩母女一邊食一邊傾下計，非常寫意~

元朗西菁街一向有好多食市，今日行到最入試咗呢間，由於在街尾，地方闊落，除咗門口外，另一邊仲有一大排窗，十分開陽Set Lunch 包沙律同湯Salad 望落去只是普通嘅菜沙律，一般菜沙律嘅dressing 多數都是用橄欖油同醋，點知，一食落口，有驚喜，好清新，好Fresh，係柚子dressing 當日嘅湯係番茄湯，係thick soup ，偏酸，十分開胃香煎帶子牛油果燴意大利飯 ($98)賣相吸引，仲有大大塊cheese，3隻煎至金黃色嘅帶子，入面仲軟綿綿的，一定比咗好多心機煎；意大利飯軟硬適中，個汁有好濃郁嘅牛油果味，好creamy，仲加入一粒粒牛油果同三色椒，所以比平時食嘅risotto清新，不覺得膩香煎比目魚配明太子忌廉汁 ($98)各食材好似三文治咁一層層放好，最低層係薯茸，好creamy，之後嗰層就係黃瓜、翠肉瓜、蘆筍同車里茄，全部都好新鮮，清甜爽脆，最上一層就係比目魚，好厚身，外皮煎至金黃色，卜卜脆，肉質嫩滑又juicy，醬汁微辣，好夾最後，仲有芒果雪糕做甜品，當然唔少得茶或咖啡，隻杯仲好靚！

如果痴痴的等某日 終於可等到一生中最愛......... 今日就同我嘅Mr. Right嚟呢間名字咁浪漫嘅餐廳餐廳位於corner位 ，落地大玻璃，裏面相當寬敞， 裝修時尚， 木枱配鋼椅， 型格! 我就坐喺對住大玻璃嘅位， 對住出面綠油油嘅樹木， 好舒服呀! 叫咗兩個set lunch， 先來個田園風味沙律， 沙律菜好新鮮， 最正係嗰啲沙律汁， 原來係用柚子蜜溝沙律醋， 唔怪之得咁酸酸甜甜，咁好味今日餐湯係忌廉椰菜花湯， 好香，一啲都唔杰。叫咗香煎帶子牛油果燴意大利飯， 帶子厚肉， 煎得金黃， 意大利飯可能配合香港人嘅口味 ，唔係太生，味道好香再來一個燒美國黑安格斯肉眼扒配燒汁， 牛肉味好濃郁， 生熟程度啱啱好 ，配埋粗身薯條， perfect餐飲都一啲都唔失禮， 咖啡香濃幼滑， 凍檸茶夠清澈。喺呢度坐得實在太寫意啦， 傾下講下， 唔覺時間過得咁快， 趕時間要走 ，連甜品都食唔切。 不過唔緊要， 絕對會有下次

嚟元朗郊遊前，先嚟呢間好似幾靚嘅餐廳食個lunch先。門面幾好，窗旁有一排木檯櫈，利用自然光影相一定靚爆，但可惜晏咗嚟，差不多滿晒，冇得坐了，好在另一邊嘅裝飾都好特別，檯與檯之間都好闊落，講是非都唔驚隔離檯聽到。星期六嘅2點，仲有set lunch食，由$58至$148不等，包湯、沙律、主菜、甜品及飲品，抵！番茄湯我覺得太杰身，而且偏酸，雖然開晒胃，但係都係甜啲嘅番茄啱我多啲沙律睇落冇乜特別，但係唔落醋，落柚子汁反而感覺清新香煎帶子牛油果燴意大利飯 ($98)賣相有心思；3隻帶子煎得金黃色，入面軟綿綿；意大利飯合哂我心水，軟硬適中，唔似傳統嗰啲勁芝士勁膩，牛油果味道雖然唔係好濃郁，但係口感就非常creamy，整體就算食完之後都唔會覺得好膩，感覺比傳統risotto輕盈好多香煎比目魚配明太子忌廉汁 ($98)好厚身嘅魚，最底層係好邪惡嘅薯茸呀！！！！魚皮勁脆，脆到本身想食risotto先，但都係忍唔住要食咗魚先！魚身煎得好香，肉質勁嫩滑唔鬆散，食落啖啖肉又juicy，同乾身又脆嘅魚皮有好大嘅對比，正！醬汁鹹鹹微辣又唔太creamy，撈埋薯茸食更加不得了啦；中間嘅瓜菜及最愛嘅蘆筍都好新鮮，