French Lab (已結業)

九龍灣樓上鋪法式風情餐廳French Lab，店內裝修有品位，店員服務好，食物水準高。香煎牛柳炸菇配薯蓉（HKD 128）炸菇非常香脆，菇仲有汁，外脆內軟，牛柳7成熟，牛味十足，非常嫩滑，底部配上薯蓉份量剛剛好。油封鴨髀太陽蛋配黑松露意大利飯（HKD 108）封油鴨髀鴨肉好嫩滑，但系鴨皮煎得好香脆，我自己好少食鴨，因為我最怕鴨騷味，暱個油封鴨肉髀一Ｄ都唔騷，好好食，黑松露意大利飯濃濃奶油味配個太陽蛋，非常好食😋蘑菇牛肉漢堡包配薯條（HKD 118）漢堡扒好厚，咬落去好多肉汁，有炭燒香味超級好味，個包好脆，配Ｄ醬汁蘑菇酸黃瓜生菜，好好食，薯條大大條好掂。另外店內提供免費凍檸檬茶，茶水，熱飲非常貼心。

近排係九龍灣個客度做野，要四出係工廠區覓食，見到呢間門口同裡面既裝修同擺設都流露著一種簡約既法式情懷，工廠大廈真係臥虎藏龍。海鮮喇沙闊條麵 $118兩隻帶子熟度剛好，好腍；虎蝦煎得金黃，而青口味道明顯係先用酒煮過，好用心。Pasta 有口感，配搭既喇沙sauce好好味，fusion感滿滿的，忍唔住要撈曬個汁嚟食。咁有創意又咁好味，係第二度食唔到，真係值得一試！香煎牛柳炸菇配薯蓉 $128咁厚身牛柳出奇地超級超級腍！幾乎冇筋，完全無渣。好耐冇食過咁高質既牛，真係好驚喜。員工同老闆娘全部都好有禮貌，店內坐得舒服，從此九龍灣美食名單又多一間！

九龍灣工廈原來有間隱世法國西餐!更有露台花園雅座 好有慢活感質素都好不錯 以法國菜來說價錢都相宜還提供免費果茶 味道好清香解膩♪(´ε｀ )Menu更有法國菜好出名的油封鴨脾喔～.◽西班牙黑毛豬卡邦尼意粉 $108口感柔滑濃郁仲好creamy🥰夾雜左鹹香的煙肉碎和黑毛豬 味道更香口 意粉質地煙韌帶蛋香!.◽香煎牛柳炸菇配薯蓉 $128牛牛肉質軟嫩 牛柳本身啖啖肉充滿肉感牛味濃郁仲好juicy‪⸜( ˶'ᵕ'˶)⸝ 配埋醬汁更香濃好特別地用炸菇作配菜 香脆之餘豐富口感