寢宮

營業中

休息中

一聽到寢宮呢個名，感覺似係食中菜，點知望真d原來入面大有乾坤一行入去就覺得好似酒吧格局，又有桌球枱，而且仲有可以比你坐比你玩既搖搖櫈，用來打卡一流呀叫左2個dinner set, 首先食個頭盤，新鮮青瓜沙律，配埋紅白蘿蔔絲同埋烘多士粒，口感又脆又爽而且好fresh餐湯飲得出絕對唔係用粉開出黎，而且非常足料香蒜辣椒檸檬汁炒蝦 - $128叫左dinner set 之後想加d 小食，侍應哥哥話呢款佢自己都鍾意食，相信下佢，大大隻鮮甜爽滑大蝦配埋辣椒汁檸檬汁，刺激味蕾，醒神又開胃蒜辣雞翼條 - $88雞皮炸至金黃色，賣相已令人垂涎，炸粉厚度適中，食落不算油膩，配埋惹味蒜辣粒，令人一食難忘美國肉眼牛扒配燒肉汁 - $328一塊靚既牛扒係唔洗太熟架，所以叫左5成就剛剛好，d鮮嫩肉汁鎖晒喺入面，一切開香氣瞬間爆發，口滑更加係嫩滑無比香煎盲鰽魚柳保雲絲 - $258鍾意食煎魚既朋友一定唔可以放過呢個盲鰽喇，煎得香脆之餘又唔會dry, 值得一提係上面既香脆甜薯片同埋香芋薄片，非常有心思最後飲埋餐茶就走喇

好朋友今天生日，點都要同佢去食餐飯兼飲返杯去賀一賀佢。🎉🎉🎉搞手選左位於尖沙咀諾士佛臺其中一間叫〈寢宮〉的Bar & Restaurant一齊食飯飲嘢，玩返晚。上到去環境非常舒服，有好多嘢玩又有波睇之餘，坐嘅位置都好舒適，絕對適合成班朋友坐喺度傾返晚，好寫意。〈Flower Market〉蝶豆花飲品送來嘅時候因為未加入檸檬汁和蜂蜜而呈現淺藍色，當倒進酸性的檸檬汁產生化學反應後就會慢慢漸變成非常漂亮的紫色，味道酸酸甜甜，靚得嚟亦好好飲。〈Up To You〉初初還以為是類似廚師發辦的飲料，但原來所謂的Up to you就是以微苦的咖啡作為基調，另附上糖漿，牛奶，朱古力漿和帶花蜜香味的whiskey，隨你自己喜好喜歡加多少就加多少，老公對此讚不絕口。傾到咁上下開始有啲肚餓，所以我哋都各自點左份餐同埋叫左兩個小食一齊share。隨餐會有沙律同埋餐湯。沙律雖然衹是普通新鮮爽脆嘅蔬菜，但加上咗適量嘅芝士同埋小量嘅醬汁就變得美味而不單調。今天的餐湯是粟米馬鈴薯忌廉湯，滿滿嘅粟米味加上忌廉嘅幼滑和馬鈴薯嘅香甜，好飲！！〈蒜香雞翼條〉香脆惹味既雞翼拆成單骨後每條獨立去烹調，一口一條，吃得優雅不〈論盡〉

上次朋友黎過話啲野食唔錯同地方幾舒服, 所以帶左我黎試下.可能我地比較早, 所以比左梳化位我地.地方問算好大, 都擺左幾樣娛樂設施比大家玩.我叫左杯西施, 係橙汁底加左Rum酒, 同水蜜桃果泥, 甜甜既酒好好飲。朋友就叫左杯王昭君, 佢話酒味比較重, 帶點酸味.香草青醬雞肉芝士意式飯球, 炸到香脆既米飯夾雜住雞肉, 包住濃烈既芝士, 又特別又好味.蒜辣雞翼條, 將雞翼分半易熟又方便進食, 炸粉薄而且炸到好脆, 少少辣幾惹味.沙律無加調味, 健康食法.青豆湯, 好濃縮但又好少草青味, 第一次飲好覺得好特別.慢煮脆鴨脾配鵝肝, 塊皮脆脆地, 肉質鮮嫩, 味道適中.香煎盲鰽魚柳保雲蘇, 得一次食保雲蘇呢個煮法, 麵包糠面非常香脆, 魚肉仲保持到嫩滑.