Ulyssa by Aldou (已結業)

又去工廈搵食, 不過今次轉戰荔枝角一間fusion西餐加越泰菜元素~我地點左set dinner, 前菜先黎左: 香茅啤酒煮鮮大蜆, 白酒煮蜆就聽得多, 啤酒煮就真係第1次見, 點都要試下~ 蜆真係幾大隻下, 一入口本身覺得好腥, 但點埋帶有啤酒的汁就好好多, 腥味即刻冇晒, 仲伴隨鮮味, 大家記得一定要點汁呀!! 黎到主菜, 見做緊越泰菜fusion主題, 就揀左 青咖哩烤雞肉意粉, 本身上菜見冇咩汁同青色以為冇料到, 一入口青咖哩汁味都幾出, 仲辣得幾過隱添XD 意粉的軟硬度適中, 雞肉都幾嫰滑, 如果烤多少少會更香~主菜仲有 香煎紐西蘭肉眼扒配燒汁，肉質幾靚, 紋理分明, 我地點了medium, 但似3-4成熟, 有d食唔慣~Set dinner仲有2杯餐飲送～P.S: 經openrice訂座會送泰式生蝦一份 或 串燒併盤一份都幾抵! 我地仲八到原來餐廳7月中會以"寵物主題"係九龍灣國際展貿中心開新分店 Chill Inn, 好期待呀, 到時我地都去睇下先~

最近同朋友去荔枝角工廈食飯, 黎到呢間fusion菜餐廳, 一入到黎覺得環境幾有文青style同燈光昏暗幾浪漫XD, 有長台比一班朋友傾計, 亦都有燭光岩情侶撐台腳~點了set dinner, 餐湯揀左椰子雞湯, 用左泰式的煮法, 微辣帶點椰奶的甜, 有少少薑同檸檬葉的香🌿, 幾開胃, 如果再濃郁少少會更好~黎到主菜, 香煎紐西蘭肉眼扒配燒汁 (熟度medium), 燒汁調味唔錯, 肉眼扒質量幾靚, 紋理分明同juicy, 不過唔似5成熟, 似3-4成熟, 生左少少有d食唔慣~Set dinner有2杯餐飲附送, 我同朋友點左玫瑰茶, 係用左玫瑰茶包, 焗左一陣玫瑰味都幾出, 仲可以加水添飲~