大川滬 (已結業)

位於土瓜灣的大川滬，主打川菜和滬式點心，晚市室內位置長期爆場，可見深得街坊的喜愛！老闆娘和店員都很熱情，會主動介紹菜單同埋加水，服務一流！大川滬奉客的是蕎麥茶，清幽香甜又健康，真係令人不自覺地多喝幾杯！因為沒有茶葉的成份，多喝也不怕睡不著！豆漿天然又解喝，益養豐富！椒絲腐乳通菜 $62很嫩的通菜，爽甜之餘仲要完全冇渣。除了腐乳之外，還加入了少量蒜蓉一起炒，格外惹味，好耐冇食過咁高質嘅炒菜了！川式回鍋肉 $88川式就是麻，勁麻，爽！肥肉位爽口，瘦肉位夠腍，超級惹味，愈食愈過癮的一碟，推介！上海小籠包 $38大Size的小籠包，粒粒都勁飽滿！皮薄而有彈性，肯定是鮮製的，粗暴夾起都唔會穿！內裡有勁濃香嘅肉汁，熱辣辣又好味，不愧為招牌菜！香煎鮮肉鍋貼 $40是老闆娘推介的，四隻巨型的鍋貼同樣是鮮製的。皮薄而脆口，內裡同樣勁爆Juicy，老闆娘冇介紹錯！豆沙窩餅 $40勁香蛋味，外皮夠香脆，紅豆餡香甜，好好味！柚子桂花糕老闆娘見我地咁啱傾，私人醒多碟甜品俾我地！桂花糕嘅清甜芳香，佔唔到到柚子嘅酸味係咁夾，清新度大幅提昇，利害！

好少機會經過土瓜灣， 今日揸車到附近買嘢， 晚上時分拍低架車周圍搵嘢食， 見到大川滬門面裝修得幾靚， 所以就入去試下。 這間上海菜館的菜式都幾多，價錢大眾化， 見到當晚都有很多熟客幫襯， 我就點了幾款不同的菜式，上海小籠包$38，香煎鮮肉鍋貼$40，花雕醉雞$68，川式回鍋肉$88，上海炒年糕$70，豆沙鍋餅$40， 豆漿。✨花雕醉雞～ 一上枱花雕嘅香味已經芬香撲鼻， 醉雞非常入味，肉質鮮嫩。✨上海小籠包～ 這裏的上海小籠包是我近期吃過最好吃的， 小籠包裏面嘅湯汁很好味， 這個是必點的！✨上海炒年糕～ 年糕煙煙韌韌我最喜歡吃， 炒得剛剛好不會太鹹。✨川式回鍋肉～ 少少辣非常惹味， 送飯簡直一流， 是我喜愛的上海菜之一。✨香煎鮮肉鍋貼～ 原本一碟有四隻，但是因為太肚餓的關係食食下先記得影相， 煎得金黃香脆的外層， 裏面有豐富的鮮肉汁， 配埋秘製的豆瓣醬非常好味。✨豆沙鍋餅～ 最後當然要食埋豆沙鍋餅啦， 這碟豆沙鍋餅烹調得很出色， 完全不油膩， 皮脆豆沙餡料不太甜。✨凍豆漿～ 豆味濃郁，又香滑。估唔到途經土瓜灣都會畀我發現到這間咁好味的上海菜， 下次有機會再嚟食。