Olive Cafe (新領域廣場) (已結業)

亞囡今日又帶我去威威，葵芳購物之後，順便去了荃灣一間餐廳，主打意大利食物，有意粉，意大利飯，Pizza⋯⋯之類，選擇算多。士多啤梨驚喜果然有驚喜！好吸引！顔色搶眼。味道似士多啤梨奶昔，不過更加濃郁，好好味。香辣雞翼配蜜糖疍黃醬醃製過後好惹味，軟熟香口，不太辣，停不了連吃三隻。香煎1855肉眼扒份量是10oz，達到medium的熟度，肉軟腍，牛味香濃，伴碟炸薯外脆內軟，正呀！食飽後再在荃灣一帶走走消化一下剛才的美食。

結婚3個月喇！老公搵左一間有情調餐廳食飯！在天橋底下有好多星星燈，閃閃下！可惜落毛毛雨，唔可以坐外面！入面樓底好高，感覺都好grand！先上前菜-紅菜頭醃製三文魚味道有d似煙三文魚，配合酸瓜食，更加好食！而紅菜頭有好豐富營養價值，三文魚又有omega3，真係好適合我地食架！龍蝦湯真係好濃架！而且有好多料，有蝦、有龍蝦肉！小食方面，我食左香辣雞翼，佢個蜜糖蛋黃醬好開胃！焗蠔可以選擇不同口味，包括芝士煙肉或白汁菠菜，蠔蠔新鮮嫩滑，芝士好香！主菜到喇係香煎1855肉眼扒，快扒好大塊，成10安士重，肉經過碳爐焗過，特別香脆！五成熟最juicy！龍蝦意大利飯係我最愛！龍蝦大大隻放在飯上面，而龍蝦肉好厚又彈牙！個飯好濃味而且好淋，配搭番茄仔更好食！慶祝當然要啤一啤啦！

Happy Friday 約了朋友去佢屋企開枱，大殺四方前先去了食飯，有氣有力先可以頂過夜。這間位於荃灣的 Olive Cafe，適合一家大細或朋友聚會，八點鐘全場滿座，好彩朋友一早訂了位。先叫了支白酒，一邊飲一邊諗下食咩，普通的house wine平平地過下口癮。紅菜頭醃三文魚配酸青瓜，三文魚跟紅菜頭味道出奇地夾，三文魚的鮮味中帶點紅菜頭的甜味，配埋酸青瓜更開胃。香煎蟹餅配刁草芥末醬，蟹餅外層炸得香脆，裏面啖啖蟹肉鮮甜，是一個送白酒的小食。龍蝦湯有濃郁的蝦香，而且比較濃稠，配麵包更可口。香煎1855肉眼扒比手掌還大，表面煎至微焦，肉眼七成熟，裏面呈粉色，肉質嫩腍帶點咬口，裏面充滿肉汁，炸粗薯香脆，旁邊還有些沙律菜，清新可口。店員推介了龍蝦意大利飯，龍蝦肉爽口彈牙，意大利飯應該是用龍蝦湯去煮，所以有很香的蝦湯味，意大利飯軟綿煙韌，確實好吃。