諾亞半熟蛋糕專門店 (已結業)

是日在九龍城區午飯過後，決定前往諾亞選購蛋糕，於下午茶時段與同事們分享。一如既往，諾亞的櫥窗總是擺放了十多款各式各樣的蛋糕；眼花繚亂之際，店員親切地介紹了本季的限定出品香芋輕芝士蛋糕。反正小弟並未有任何心水，就擇此款一嚐吧。甫拆開包裝，蛋糕已傳出陣陣芋香，淡淡且清新。蛋糕的表面為一層紫色的芋泥慕絲，慕絲層厚厚兼較挺身的，滑感亦甚佳；而香芋的味道超級濃郁，口感雖然實在得像吃芋泥一樣，但未予人過份濕潤或黏口的感覺。下層為芝士蛋糕凍餅，芝士味淡淡而輕盈，與表面濃郁的香芋層十分匹配；而芝士蛋糕的質感亦算細滑軟熟，入口稍加咀嚼即溶之於口。整個蛋糕不會予人過甜的感覺，對注重健康又嗜甜的朋友，絕對是個好消息，保證一試便會上癮。

由於係屋企附近所以成日都經過, 見都幾多人買就入去買個返屋企試啦~~嘩~ 原來都幾多口味個喎!! 好多都想試呀...係選擇困難症下, 經店員介紹下, 最終就試下佢地個新口味香芋輕芝士蛋糕啦~ 除有好可愛既貓耳蛋糕盒外, 上面仲印有食用同儲存方法, 非常之窩心呀!! 仲要有乾冰保鮮兼包得靚靚甘比你攞走! 用黎送禮都夠得體呀!!返到屋企打開個盒, 盒面仲要指示你點打開品嘗你個蛋糕, 仲要附上餐具, 啱晒懶人一族既我呀!!首先將個蛋糕反翻轉佢, 之後用附有既蛋糕刀切開, 切開後見到面層係厚厚兼較挺身既香芋MOUSSE, 中間仲要有香芋蓉夾心, 非常有口感, 而底層就係輕芝士蛋糕, 香芋同芝士味都好香好濃, 而且仲好夾, 入口又夠滑, 又唔會太甜, 值得一試呀~~