小巴黎越南餐廳 (已結業)

自從食過一次呢度既香茅豬扒飯，我就愛上了❤️平時我比較喜歡食雞扒多個豬扒，因為豬扒通常比較硬，又難咬，所以好少叫，亦不容易食到好味既，所以今次特登黎食豬扒飯🐷但係呢度豬扒整到好軟身 好易咬 而且比我平時食既薄身少少,味道唔會太鹹又有香茅味，加埋蔥油一起食更加惹味 而且豬扒亦很足料，三大塊食完好滿足，唯一美中不足係蔥油如果少點油就更完美啦 因為油滲左落個飯度食到尾覺得有點膩 總結，滿足既一餐 價錢唔貴仲有好多唔同選擇😋

黎親呢度我10次有8次都係叫嗰樣野食😁只要一懷念就要黎😚室內設計唔錯座位都坐得舒適有2人餐可以揀👇熱撈檬同湯檬係唔一樣架熱撈檬用汁撈架有沙爹，咖哩同茄汁我就無咩興趣喇😢仲有其他野食既相信好多人都同我一樣食黎食去嗰兩樣😂首先講下我媽子叫既呢個烤牛肉湯檬，媽子話唔應該叫烤既實在係韌左啲😅重點黎喇😆識食當然食香茅系啦大佬呀香茅豬扒/香茅雞翼/香茅豬扒併雞翼皇牌黎喎，唔係唔試吓呀嘛😂😂我係成碟食哂😝平時無食咁多飯架我大家一定要信我😳

小巴黎越南餐廳以前有好多間分店的,但隨着香港地可能鋪租越嚟越高, 現時剩下的分店不多, 要特登去搵先知道邊度有得食比較近我應該就喺屯門分店啦, 由於都係唔熟地方所以都搵左一輪先到例牌叫返小時候最鍾意吃的香茅豬扒飯, 相信必定是店家的招牌菜, 因為這份味道沒有改變, 依然係咁好食, 豬扒肉質鬆軟, 肥瘦均勻, 自家製豬扒醬油汁惹味, 再配上蔥油鋪面, 簡直是完全和童年的時候味道一樣

拎回鄉證之前，個肚已經好肚餓喇！所以行到去新墟嗰邊就開始搵嘢食！！但行行下醒起小巴黎嘅香茅豬扒飯好抵食，所以就去咗小巴黎！！黎到餐廳中午時間都唔係太多人， 好快就安排咗位置，唔使坐二人坐四人枱添！ 唔知係唔係人手唔夠嘅關係呢，都等咗一段時間先點到嘢食！咁我哋就叫咗一個香茅豬扒飯同埋一個 牛肉河。 香茅豬扒飯都好多人點，所以都好快出餐。 咁另外既牛肉都好快出到餐。每次嚟都必食嘅香茅豬扒飯，因為豬扒兩大塊啖啖肉配埋我至愛既葱，好好食！ 豬扒仲係帶骨嘅同埋又臨，真係冇得頂！牛肉河不過不失，不過一定冇越南食嘅咁好食。最近屠房關咗，牛肉應該係冰鮮掛。