韓閣 (新都城中心二期)

營業中

休息中

今次食好耐都冇食過嘅韓國菜，呢間餐廳喺寶琳新都城，裝修偏韓式懷舊風，黐滿韓國劇集嘅海報，播住kpop歌。餐廳燈光偏暗，都有好多座位，整體算乾淨企理用QR code 落單，大部分常見嘅韓國食物都可以係餐單見到，有湯品、鐵版、拌飯、石鍋飯、冷麵、飯卷、煎餅同各種小食甜品。份量適中，而且價錢對比其他韓國餐廳都算相宜，又唔使加一_➤韓式牛肉石鍋飯🥘$62牛肉份量適中，撈埋中間嘅蛋黃同配菜，有紅蘿蔔、翠玉瓜、青瓜、芽菜，石鍋夠熱有飯焦食，不過汁唔夠多，食起上嚟有啲乾，可以自己另上韓式辣醬同配埋泡菜食➤蜂蜜牛油味炸雞半份🍗$118份量都正常，六件無骨炸雞件，大大件熱辣辣新鮮炸起，外脆內嫰，啖啖肉，外皮粉漿稍厚，淋上甜甜嘅蜂蜜牛油醬，餐廳仲好貼心提供左膠手套，方便食➤甜辣芝士年糕$58突然口痕想食芝士年糕所以就嗌左，年糕都有好多舊，煮得都幾稔軟，好煙韌有咬口，仲有幾片魚糕同半隻蛋，面頭有一整片芝士，可以趁熱嘅時候拉絲，但略嫌個醬唔夠辣，偏甜帶微辣➤香草薯條$20份量適中，炸得好脆好香口，係厚切粗薯條，表面有少少調味粉，食落鹹鹹地_🍽味道指數:★★★☆☆📷環境指數:★★★★☆🛎服務指數:★★★★☆💰抵

呢晚同朋友嚟到寶琳食韓國野 6點幾去到未見好多人 去到7點幾8點就滿座 入座用餐限時90分鐘 店內播住韓文歌 韓迷朋友聽得好開心🤭入座就送上酸酸辣辣嘅開胃小菜 食物選擇多元化 QRcode自助下單好方便👍🏻🧀芝士岩漿炒飯 💰102份量滿滿嘅芝士超吸引🧀😍炒飯入面仲有豬腩肉 攪拌之後食每啖都充滿芝士香 做到拉絲效果 趁熱食芝士會更好味😋🍗三重芝士炸雞 (半份) 💰118六件炸雞 用咗普通芝士&車打芝士&芝士粒 芝士味道豐富 但就咸咗啲 芝士飯再加芝士炸雞全部都係🧀🧀🧀食完好飽😂🍟香草薯條 💰+20叫炸雞加20蚊就有份薯條 大大份幾抵食 薯條炸得好香炸 唔洗蘸蕃茄醬都有啲咸咸嘅味道🤭🥚心多多蛋卷 💰78鍾意食蛋卷嘅我 又唔知叫邊款好 心多多一次可以食三款蛋卷就最岩我 每款有兩件可以同朋友share🤣配料係放喺蛋卷上面而唔係包喺入面 分別有<泡菜辣醬> <紫菜明太子> <芝士二重奏> 蛋卷香甜好味😉🍸香桃乳酪米酒 💰56米酒味道唔會好哽 淡淡桃香 甜甜哋 容易入口🍑

最近都幾經常去將軍澳食嘢，因為實在太多唔同類別開餐廳了😆😆而韓閣的確性價比好高，好少商場韓國餐廳價錢如此親民！🤩 最impressive係點特色飲品跟主食價只需$18～😋燒蟹膏軟殼蟹籽手卷係我成餐最鍾意嘅菜式，非常有特色，舖面的是好香嘅蟹膏+蟹籽，配焦香嘅飯粒同入面新鮮炸起、好脆口嘅軟殼蟹同瓜菜，味道幾好🍜甜辣年糕泡麵跟餃子是比較辣的湯底，所以如果不能吃太辣就記得要點小辣！湯底甜中帶比較重的辣味，其實幾過癮。特別喜歡配料餃子，食落去好香脆，而且好多粉絲在內，足料得來多菜少肉，而且一點也不油膩，水準幾好豆腐海鮮湯的湯底辣得來比較易入口，是純辣香味，入面仲好多唔同料（青口、魷魚、蜆、菜等）送飯一流！點主菜後，飲品只需$18真係好正！香草薯條只需$25，但份量好多，而且幾脆，還有好重薯仔味～難得搵到間商場傳統係又抵又幾好食，兼服務不錯，真係好愉快～

🙇🏻‍♀️服務態度非常好😆😆（即是好多人食，服務態度真係好） 😔食物質素較差（之前間餐廳好好食架😝唔知係係咪多左人食，食物質素差左😢） 🥴而坐位方面好迫，建議大家坐沙發位。