嘉寶漢堡 (已搬遷) 新店位置

一直好想試下依間本地漢堡店，估唔到咁有驚喜💗不過，店裡面座位有限，成日見大排長龍，我唔想等太耐，所以下午2 、3點先去，好好彩唔使等，剛剛有位。一入到去，先在門口近收銀位置點餐、買票，然後坐低，漢堡Ready 嘅時候有服務生會送過來。漢堡選擇都幾豐富，有牛、豬、羊丶雞同蝦漢堡。我平時好鍾意食羊，所以選咗一客「香辣孜然羊堡」（$42）試試佢，羊漢堡肉質嫩滑又juicy，好有羊味又一啲都唔騷喎～加埋特調嘅香辣洋蔥醬，好有風味🤤👍🏼加少少錢（＋$15）可以配埋小食同埋飲品。飲品除咗罐裝汽水，仲可以揀熱飲，我點左杯熱薑蜜🌟外面天氣涼涼冷冷，飲咗暖笠笠！😋小食除咗有薯條丶薯角，仲有我好like嘅「炸燒賣」💗入口脆脆酥香～正喎～除咗坐得迫少少之外（感覺特別地道👍🏼），整體都幾合我心意！

係繼續6點後禁止堂食又延期之外重有一件同樣要繼續嘅就係幫襯黃店💛今次係長期都大排長龍嘅港式人氣漢堡 🍔🍟🥤香辣孜然羊堡(含烤洋蔥) $42 +$15升級套餐漢堡包微微烤過帶牛油香，香脆而鬆軟羊漢堡味道帶些微羊羶味，淨係香味都引死人配埋佢個香辣嘅醬汁，唔係好辣帶少少甜但越食越滋味聽聞個粗薯條好好食，但都係揀佐少有嘅薯格炸得香脆但略嫌鹹佐少少呀.簡單新鮮嘅材料，一啖咬得晒嘅burger令人食落特別滿足肉類選擇多完化！無論你係想食基本啲嘅牛、雞、豬漢堡定係我叫嘅呢個比較少有嘅羊堡，重有素食朋友嘅素肉都有咁多選擇，價錢同材料味道性價比都好高

之前我地去咗尖沙咀諗住行個新商場，所以就諗住係附近食lunch~即刻開個懲罰list嚟睇下先見到哩間餐廳好多好平，一於試下佢！未行到已經見到條長長嘅人龍～我哋一路排一路見到好多人都會嚟買外賣，不過都係要等架因為現場得兩個廚師整burger見佢地都踢晒腳咁終於俾我們等到啦，餐廳係order完俾完錢，店員就會送餐~哩度係要自助搵位，適合兩個人嚟，再多啲就有難度了我哋叫咗黑松露芝士牛堡(套餐)同香辣孜然羊堡 本身係想試佢個烤布利芝士牛堡, 因為見到啲圖片好邪惡 但係去到嘅時候，已經賣哂 唔緊要啦，應該係命運叫我哋要幫襯多次！唔講咁多廢話，即刻去包！香辣孜然羊堡醃得幾惹味，又唔會烤到好乾，有驚喜！至於黑松露芝士牛堡, d芝士絕對冇同你慳！菜都多到湧出嚟，有啲難handle黑松露味勁到，一上檯就聞到!!高汁！你睇下個薯格！直稱食到我哋唔停口，跟餐只係加＄15仲要包飲品，好佛心嘅價錢！

平食漢堡🤤🤤🤤烤布利芝士牛堡 💲50（另加烤菇💲18）日式芥辣蝦堡 💲42香辣孜然羊堡 💲42漢堡套餐 +💲15（包小食+飲品）我哋揀咗炸燒賣蕃薯條(+$5)炸芝士(+$10)同雞翼(+$10)🤩✅ 漢堡配搭布利芝士市面少見🤓味道比一般芝士更濃🧀🧀同漢堡幾夾✅ 蝦堡塊蝦餅可以見到一舊舊蝦係底🤣非常足料✅ 炸燒賣好煙韌😋❌ 羊堡既醬汁遮蓋左羊既味道❌ 蕃薯條薄切而且鹽太多🍟👅Taste：3.25/5💰CP值：3.75/5🙋🏻‍♂️Service：3/5👁‍🗨Stylishness：3/5

星期六，只需要返半日，所以一收工，便直奔尖沙咀，因為我最愛的女人正在等我呢！中午，當然要食午飯，原本想在金巴利道，即韓國街品嘗簡單的韓國餐，但偶然經過這間，立刻被餐牌中的羊堡吸引，二話不說，即刻推門進去這間嘉寶漢堡。餐廳的空間不大，帶點凌亂，有一種隨意的感覺。這裡採取先付款，後取食物的形式。我選了一個羊堡，加20元要了番薯條，及可口可樂，由於太肚餓，所以再加了一個芝士漢堡。不到十分鐘，便有得食，這裡的漢堡包份量不少，以且可以明顯看出包有被烤過。羊堡散發出難以抗拒的香味，急不及待一口咬下去，真好食！可以明顯品嘗到孜然及羊味，互相配合，不太羶，多汁，配上烤洋蔥，及香辣味醬，更惹味。再食芝士漢堡，漢堡內的芝士不少，牛肉亦十分多汁，比某美式快餐店的漢堡包，好食太多了。番薯條，入口帶甜番薯的味道，亦不會太幼或太粗，可惜太遲食，所以有點淋。這間小店，令我的味覺及肚都十分滿足，埋單只需96元，但絶不比一些過江龍的漢堡店差，但性價比更高。嘉寶漢堡 人均消費100元 抵玩指數2+/3地址: 尖沙咀金巴利道78號金輝閣地下A號舖 緣份天成，初心為本。喜歡用文字分享我的味覺之旅，有興趣請follow我～緣食