三多炸肶 (已結業)

知道最近有間炸脾店出晒名，的確令我呢股炸脾熱重燃。旺角開既分店的確享盡地理，難怪未到七點嚟到已經要等位。店內播住Eason既歌，需要知道陳奕迅的歌是陪我長大 ：「童年你與誰渡過，炸脾天天吃幾多」炸脾的確係童年回憶，自己會傻到去大家樂食炸脾飯。以為淨係做炸脾，原來呢度好多野食，魚蛋燒賣，薯條腸粉，仲有飯麵，真係點止炸脾咁簡單。炸脾 + 大大杯爆檸 $48炸脾可以配套餐轉特飲，凍檸茶既味道，中間有粒粒彈珠，為凍檸茶生息不少。至於炸脾，今日的確為左佢而來，沒有令我失望。生炸既雞脾，童年既味道，咬落去脆既感覺，裡面雞肉既嫩滑，一再回味。沙嗲豬頸肉撈公仔麵 $45沙嗲既味道來得家常，好有屋企煮沙嗲餸既感覺。呢個沙嗲味既香又濃，配合豬頸肉撈公仔麵，十分惹味。椒鹽雞軟骨 $50$50既雞軟骨的確唔算係優惠價，不過質素絕對拍得住出面餐廳。雞軟骨夠香脆，又唔會炸得過火，熱辣辣加上椒鹽，真係食唔停口。香辣肉碎炒腸粉 $35炒腸粉好份量多，夠豐富，香辣肉碎滿滿的充滿於整碟腸粉，辣味十分刺激，腸粉又彃牙。炸花枝丸 $45都幾邪惡，因為要用好多油去炸，所以先可以得出金黃色，食落外脆內軟。黑牛 $32又一經典之作

終於等到三多係旺角開分店了！！！即刻拉埋姐妹一齊去試 順便聚下有至爆套餐 炸肶+爆檸 $48！另外叫左懷舊黑牛 超正 大大杯朱古力雪糕上有朱古力粒粒炸肶大大隻 新鮮炸到金黃色 即炸10分鐘我地加左少少辣 肉質好滑 感覺懷舊😍重有好傳統嘅薯仔鮮果沙律 粒粒薯仔加上適量嘅沙律醬 真係好好味重有推介嘅香辣肉碎炒腸粉 腸粉夠滑少少辣 加上有芽菜 增加左口感 超正特別一提 店員會提供手套方便我地食肶超細心 抵讚！

今晚我們行過旺角山東街見到有間新開張嘅「三多炸肶」有一幅好大嘅招牌廣告寫著：「食鷄脾唔食皮係一種罪！」！我們覺得好特別，而且我們平日好少食鷄皮，但見到呢個招牌廣告，所以就吸引咗我們入咗去買嚟食！由於有好多款式，我們唔知食邊款，店員就非常親切有禮咁向我們推介話除咗有他們嘅招牌炸鷄脾之外，仲有炸鷄全翼、炸脾沙律、香辣肉碎炒腸粉同沙嗲豬扒撈公仔麵！招牌炸鷄脾係用紙袋包裝著，鷄脾係用支竹籤串著，唔駛直接拎著熱辣辣嘅鷄脾，而且附送埋膠手套，真係非常細心！炸鷄脾炸得相當金黃鬆脆，一口咬落去感覺鷄皮極之香脆薄身，無厚厚嘅一層炸粉包著，食落別有一番風味，而且有啖肉汁，肉質超級嫩滑，唔會炸到過火令到肉質變「嚡」同變「韌」！香辣肉碎炒腸粉同平日食開嘅唔同，用他們自家嘅創意煮法去整，腸粉相當煙韌彈牙，用香辣肉碎去炒，令到味道更加惹味！沙嗲豬扒撈公仔麵嘅公仔麵好爽口彈牙，豬扒嘅肉質相當鬆化軟滑，沙嗲醬汁亦都他們自家調製，味道好惹味，唔會好鹹，再加埋啲椰菜絲同紅蔔蘿絲一齊食，感覺好清新爽口，完全唔會有好油膩嘅感覺！另外仲有幾款他們自家創作嘅特色飲品！其中一款柯檸係用鮮橙汁加上香濃嘅奶香，開頭以為橙同奶係唔可以撈