Nahm, Vietnamese & Thai (已結業)

小弟無幾耐之前黎食過，今次約另一個朋友再黎食多次！今次同上次都食唔哂🙈味道係幾辣，唔係幾食得辣既朋友要留意下～呢個薯餅d蟹肉好唔平均，一係就全部都係薯蓉，一係就成口蟹肉而且蟹肉有d乾同無味，如果呢個係普通薯餅會好d～今次呢個軟殼蟹好多膏！更加好食！今次仲試左佢d飲品。呢杯野個名小弟已經唔記得左😂 但係佢係橙汁底，仲有菠蘿同荔枝肉，唔錯！

小弟呢日同朋友黎到呢間餐廳，本來都係諗住普普通通食一餐，點知有意外驚喜！餐牌上面已經寫咗佢係香辣雞生菜包，睇落好似冇咩野，但原來食落都真係幾辣！再加上d生菜本身上碟嘅時候已經有一半沾到d汁，令到呢道菜非常之辣 (唔食得辣嘅朋友請三思)! 睇落好似唔係好多咁，但係同朋友兩個人都食唔哂。呢個軟殼蟹卷一上枱嘅時候好有驚喜，因為每件軟殼蟹都好大舊！食落去雖然牛油果味唔出眾，但係芒果同軟殼蟹都幾夾！美中不足嘅係，裏面夾左少許薑，令到唔食薑嘅我味蕾有360度嘅轉變平時去餐廳食飯，見到最多嘅都係咖喱雞咖喱牛咖喱羊肉，係餐牌見到呢個綠咖喱羊架，都有諗過會唔會係伏，最終我哋決定試吓！羊架都幾多，大概有三四塊，唔算太膻。咖喱都有少少辣，但係可以接受。底下仲有好多茄子，超大碟。雖然小弟唔係成日食泰國菜，但係呢間餐廳令到我有少少鍾意咗食泰國菜。雖然呢間餐廳價錢唔算平，但係喺圓方呢個高檔商場，呢個價錢都可以接受