euro go go

營業中

休息中

平時係13樓食西餐又貴又一般，但呢一間真係唯一間會令我想去朗豪坊食既首選🥰小食-蒜蓉包第一次食，雖然食到成口都係蒜蓉味又臭，但佢真係焗得岩岩好，好爽脆👍🏻飲品-朱古力雖然邪惡但有少女心。蜜桃茶甜絲絲😏小食-次次去到必叫雞翼，無論係香辣雞翼定係蜜糖雞翼都係好滋味👍🏻因為係焗嘅關係，熱辣辣雖然燙嘴但佢既香味真係令我忍唔住即刻放落口。一路食佢啲汁一路流令到我全枝叉都係佢濃郁既香油味🤤🤤真係必叫😱意粉-我必食既係白汁火腿香腸意粉或吞拿魚意粉今次叫左白汁火腿香腸意粉，好鍾意佢啲白汁夠多啖啖意粉都被滿滿白汁醬包圍住。

菠菜汁龍脷柳闊條麵($64)-汁嘅份量啱啱好，麵唔會太乾，龍脷柳都有好多塊，味道都好出色，呢個闊條麵都係大力推薦之一！千島海鮮pizza(half$50)-其實自己本身唔係好中意食薄批，但呢個千島海鮮嘅味道係好食到完全翻唔到轉頭，好juicy之外，料都好足，大家一定要叫呢個啊！芝士蒜蓉包($40)-有4塊，仲要每塊都好大，上面仲有滿滿嘅芝士，蒜蓉味都好重，包又夠鬆軟，強力推薦！香辣雞翼($44)-辣度啱啱好，唔食得辣嘅朋友都可以試下，因為佢個汁真係好好味！忌廉朱古力($30)-上面有好多cream，個人認為朱古力有小小甜，但都可以接受到。

下午餐時段同朋友黎食euro go go，嗌咗必食嘅蜜糖雞翼，香辣雞翼同埋千島海鮮pizza。兩個雞翼餐配蜜桃茶同芒果茶。香辣雞翼+凍飲(下午茶餐)$50蜜糖雞翼+凍飲(下午茶餐)$50蜜糖雞翼超好食！勁多蜜糖！個皮有啲焦糖feel，入面仲有肉汁feel，食落一啲都唔會覺得佢焗得乾！😍100分！！香辣雞翼都好食，但我個人唔係太中意佢嘅辣汁味，類似係TABASCO個種，所以扣左少少分。每份雞翼有5隻，一個人做下午茶餐剛剛好👍🏻。 千島海鮮pizza味道都唔錯，但個pizza皮有d薄，個人中意食厚少少嘅pizza。最後！兩杯嘢飲都好飲！但兩者比較的話，芒果茶隻味會好飲d，有多啲芒果味，蜜桃個杯，蜜桃冇咁出。總括，蜜糖雞翼+芒果茶最正！

放工等埋個frd食飯 見到佢時已經8點幾 佢又唔想食太多野 就諗起朗豪坊間euro gogo 😌野食唔會太大份 種類多 價錢都ok平 平時去食都幾爆位要等 今次去可能比較夜 都有幾張空枱 唔洗等位 🤓直接坐低 揀野食 俾錢 等staff 送野食過黎 開餐🍴嗌左個香蒜蜆肉意粉🍝 個意粉食落陣味有d奇怪 🤢偏乾身 不過蜆肉好多e點值得一讚👍🏼另外嗌左個香辣雞翼 之前食開蜜糖雞翼 真係冇得輸 好好食 今次個fd想試香辣 就試一試🍴個辣醬都唔錯 幾惹味同多汁 食完都會想繼續食 但個人比較喜歡蜜糖版本😬（雞翼一份係有5隻ge ）最後蜜桃茶係euro gogo 必飲既飲品❤️今餐2個人一共食左150$幾左右 如果想食野價錢唔貴又唔想食太多份量 euro gogo係一個唔錯選擇