香湘辣妹 (已結業)

每個月都會去一次紅磡玩具店入貨，大出血之後又係搵食既時候！今次晚餐試左經過好多次但從未食過既香湘辣妹。一打開餐廳就見到辣妹老闆娘原來有上過國內既問答節目，好有趣，而且每個菜式名都用周杰倫歌曲命名，看來辣妹係周董狂迷。菜式選擇好多，都有上網睇過下有咩推薦，由於唔太肚餓，所以叫左兩款黎試下。香芋金絲酥 $48一客五件，如果有食過放題既炸紫芋波波，咁就會知係咩味，因為佢正正就係個種味，甜甜的香芋，加埋外層炸得酥脆的金絲，好食！香辣QQ蝦 $158呢款粉絲QQ蝦真係好有家庭菜既味道，因為用左一個大既不鏽鋼器皿盛著，底下鋪滿份量不多的豉油粉絲，面頭佈滿隻隻數量不少已去殼既蝦，蝦size較細，面頭鋪滿大量蒜蓉！蝦就唔覺有咩鮮甜味，因為都比蒜蓉遮蓋晒，最好食反而係鋪底粉絲，簡單以豉油、蒜蓉拌均黎食已經好夠味，味道仲好似媽媽以前蒸扇貝放係面既粉絲！呢個價錢抵唔抵食就見人見智，我就略嫌稍貴！今次黎食無試到主打既麻辣菜式，但其他唔辣既都幾好食，只係店員感覺欠缺笑容和活力（可能長時間工作吧），店內有較多飛蟲滋擾，希望呢方面可以改善一下。

湘菜 是香辣鮮著名特別覺得小土豆煨排骨最有農家菜感覺，特別的原汁原味，薯仔好有薯味又唔太淋唔太硬，至於個骨真係令人停唔到，事關佢好入味又滑又香、肉質唔會'鞋'健康粗糧-忍者窩窩頭（$58/份）中間那裏有滿滿的辣椒跟大頭菜，夾著沒有加味道的似麥包味的窩窩頭（但唔講唔知佢好有營養由小米、玉米,蕎麥等而成），食落又幾過癮，包的中間部分是空心的，吃3個都不會太飽！說好的幸福呢-香辣QQ蝦$158/碟）它沒有太辛辣，很好吃，配有大量的香蒜夹雜粉絲，超香味，美中不足是蝦味不足，是透明的玻璃蝦，但份量超多，送多碗飯都冇難度最後都叫多碟有機菜心，佢細細條勁易食，食到家常媽媽炒的菜味，落油加蒜頭炒菜的味道。我想這就是家鄉菜的特色在於它夠簡單、真味！