古早台居

營業中

休息中

自從旺角T.O.P開咗呢個美食廣場之後，我間中都會幫襯，貪佢地點夠晒方便，地鐵一出唔需要經地面就已經直達，今日就試吓呢間相對地比較人頭湧湧嘅古早台居。酥炸豬扒麵湯底夠濃，酥炸豬扒超大塊。豬扒上碟時已經切成小件，方便進食。酥炸豬扒肥瘦平均，所以食起上嚟充滿肉汁又鮮嫩。台灣麵份量十足，而且仲有唔同種類嘅蔬菜，營養夠均衡。香酥大雞扒肉燥飯嘅雞扒同樣都係大大份，肉操飯亦都非常香口，而且仲有我最鍾意嘅滷水蛋，呢個價錢真心抵食。酥炸甜不辣入口煙煙韌韌，甚有咬口，而且炸得乾身，不帶半點油膩感。配合泰式甜辣醬一齊食，確係一個唔錯嘅小食。各款飯麵主食都可以半價加購台式飲品，半價後十幾蚊就有一杯，既然咁抵，我哋當然唔執輸，分別揀咗大甲芋泥鮮奶同珍珠奶茶，兩杯都甚有質素，芋泥鮮奶就更有啖啖嘅芋泥，口感一流！

旺角T.O.P basement全層foodcourt, 睇下有邊d餐廳先, 咦~ 好多高質小店(梗係唔係麥記, 吉野家li d hea野吧!) 我地揾左位之後target左li間抵食台灣菜.🧋香酥大雞扒肉燥飯鹽酥雞扒可算係食親台灣菜必點嘅item, li度嘅鹽酥雞炸到外脆內嫩, 媲美台灣夜市炸野風味; d肉燥除左碎肉之外, 我仲食到切粒粒嘅豬肉, 飯底更加係好大份嘅, 好抵食又高汁!🧋紅燒牛肉麵傳統台灣Starchy闊身麵, 湯底夠哂甜, 充滿牛肉精華, 估唔到店家嘅牛肉非常高質, 切得又厚身大塊又多片, 又一抵食好味推介.🧋青蘋果綠茶識飲一定係加珍珠呀, 跟飯仲要平咁多.🧋珍珠奶茶根據我朋友縱橫台灣咁多年經驗, li杯珍奶無論茶底, 奶味都貼哂地道台灣味道, 加上香QQQ珍珠同埋平咁多嘅重點, encore-able👌🏻.