老厝邊

營業中

休息中

📍#老厝邊#MFJ荃灣 #MFJ台灣菜人均消費: HKD94揾揾下揾到間 Bookmark 咗嘅台灣菜 @lao_cuo_bian_ ，排5分鐘左右就有位！排隊時順便點餐，食物種類都係台灣菜大路嘢，價位$60-$70左右⭐️香香酥炸雞排便當 $66一上枱都有啲嚇親，塊雞排大過塊臉！雞排都幾厚但幾Juicy，咬落酥脆可口，正！佢都配菜都好正，有肉碎炒豆，瓜同芽菜，好好味！份量真係麻甩佬份量，勁抵食！⭐️珍珠熟成奶茶 +$15珍珠奶茶要加$15，但點都要試下嘅！叫咗少甜又幾好味，佢茶味比較濃，飲落好香⭐️超濃芋泥蛋餅 $40見人地推介就試下！芋泥好Creamy好濃味，加上芝士幾有口感，但味道有咸有甜咁未必人人啱塊炸雞排係真係好有台灣感 😍 份量大而且食物質素都幾唔錯，而且食落好有住家飯嘅感覺，幾好幾好！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #taiwanesecuisine #tai

自從發掘到呢間喺大角嘴嘅餐廳原來喺荃灣廣場附近有分店後，每星期都食一次，想快啲食哂menu裡面嘅嘢之前食過紅燒同麻辣牛肉麵、大腸麵線、起司肉鬆蛋餅，同埋起司薯餅蛋餅。今次就試咗香香酥炸雞排便當、滷肉飯（大）、同埋encore起司肉鬆蛋餅，再加柳丁綠茶（甜度30%、冰塊100%）。除咗散叫，都可以叫餐首先嚟係我點嘅滷肉飯（大）。望落都幾對板，但食落就覺得一般。飯係好食嘅，但由肉到蛋到醃菜都好淡口，比較適合清淡人士。香香酥炸雞排便當，雞排大大塊，好脆，夠熱亦juicy，不過雞排似乎冇乜醃過，食落冇味，係靠脆漿嘅調味。如果你好追求台灣味嘅可能會覺得可惜。飯喺雞排下面，要夾開雞排先食到飯，有啲狼狽。配菜反而味道唔錯～呢個係男友要求encore嘅item，有溶咗嘅芝士嘅濕度令肉鬆冇咁卡喉，係唔錯嘅配搭嚟。點埋醬油膏超好食😋呢杯又係男友encore item，柳丁同綠茶proportion好好，兩樣嘅味都飲到，好清新解渴～～服務方面，人手都足夠。一入去見我孭一袋拎一袋，已經即刻俾個籃我擺嘢。留意返餐廳只收現金～～

老厝邊，我唔識讀😂主打台灣便當、牛肉麵、蛋餅小食。裝修行懷舊風，木枱木凳，有啲似台式cross over港式。我覺得最得意係便當個盤，有啲似台灣飯堂(?)嘅感覺。*香香酥炸雞排便當 $66手掌咁大塊雞排，完全遮住咗個飯，外皮薄又香脆，又唔會甩皮甩骨，雞排厚肉且嫩滑，一咬落去爆汁咁款，調味偏向濃味，鹹香胡椒香。白飯有啲滷肉汁，但整體白飯好濕好腍。仲有三種小菜，炒豆角、炒萵苣、豆芽滷蛋，中規中矩。酥炸排骨便當 $63排骨都好大塊，但質素比唔上雞排，酥炸脆皮有！但肉質乾，未至於嚡口，但感恩嘅係佢冇落鬆肉粉🥺白飯、小菜都有齊~仙草凍鮮奶 $27 (午餐套餐 -$10)叫咗微糖微冰，甜度適中，仙草比較硬，冇動L嘅感覺，質地似涼粉，微微甘苦。超濃芋泥起司蛋餅 $40蛋餅皮薄且煙韌，加層薄蛋漿，入面就係爆漿流晒嘅芋泥芝士。芋泥超芋😂濃厚順滑，芝士份量都唔執輸，爆餡拉絲！但芋頭x芝士唔係咁啱我口味。薯餅起司蛋餅 $32同皮唔同餡，所以我都冇影相🙈個人覺得薯餅夾蛋餅多啲，味道上更加夾芝士同埋蛋餅，薯餅炸到脆卜卜，口感上比芋泥更豐富。

曾經在大角咀光顧過老厝邊，對她們大大塊的雞排記憶猶新。沒想到原來她們在荃灣也有分店，於是便帶太太來試試位置（8/10）：餐廳位於大壩街王少清中學對面，地點有點入但不算難找，由荃灣西站B出口步行約10分鐘環境（8/10）：裝修有舊式中菜館風味，還設少量閣樓座位，面積不算大，座位尚算不塞迫，環境不差服務（8/10）：侍應態度友善，下單上菜有效率，餐具乾淨放在餐桌上，而餐廳收銀枱有提供消毒潔手液食物（8/10）：主打台式主食、小食及飲品，基本上會在台灣料理點的菜式都會有，味道屬中上水平，價廉物美午市來到當然選點最實惠的午市套餐，餐廳採A（主食）+B（飲品）的選項，有17款之多，我們點了兩份套餐加一份小食：香香酥炸雞排便當 - $66炸雞排酥軟香脆，而且相當大塊，完全覆蓋白飯，配菜有香辣粉絲、大豆芽菜、半隻滷水蛋及大白菜，份量豐富味道亦不錯眷村紅燒牛筋牛肉麵 - $75餐廳主打台灣麵，當然要試試。湯底有濃厚的牛肉香，麵質幼滑彈牙，牛展充滿牛味而且香滑，牛筋稔身而爽口，加入小棠菜及蘿蔔作配菜，整體味道合格香炸魷魚 - $35太太加點一份香炸魷魚的小食，炸得香脆惹味，有啖啖魷魚香仙草凍鮮奶 – 套

好掛住台灣既風味 同朋友係荃灣食飯 而間老厝邊成日lunch時間都好多人今日終於都成功食到啦下午有套餐揀 重要減10蚊最愛既珍珠奶茶甜度冰都有得自己揀夏天真係好熱 更係要飲下凍飲珍珠好彈牙 唔係霖吱吱奶茶香醇朋友揀左個香香酥炸雞排一上枱好大碗 塊雞扒係大塊分量十足 鋪滿成碗飯脆薄 肉質嫰重要係有汁 咬一啖都流汁出黎食2舊都已經好飽 塊雞排真係好大塊 幸好佢有剪開 放便食炒四季豆好香 好甜培根起司蛋餅一定要親熱食呀 培根油香芝士重要係拉絲蛋皮簿簿一層 而且蛋味濃 沾埋佢個汁更好食香辣牛肉麵湯底濃而且夠麻辣 甜中帶辣牛肉大大舊 有口感 都係幼麵 都幾吸湯配上小棠菜同白蘿蔔 不過個湯係越食越辣 都幾過癮老厝邊都幾有台灣既味道真想去台灣好想去旅行