蘇媽.蘇媽馬來西亞茶餐室 (已結業)

同平時一樣都係食我最鍾意嘅下午茶今次就嗌咗三份餐第一份就係多士小食下午茶我揀咗拼三串沙嗲小食加杯馬來西亞拉茶佢嘅咖央多相當之好食，上下兩層嘅麵包比佢哋烘到相當之鬆脆，脆到直頭好似搵油炸過咁樣，配搭埋入面甜甜地嘅咖央醬，絕對唔會輸蝕比香港嘅奶油多。至於串燒方面佢嘅沙嗲醬真係相當之好食，好食到我直頭問咗阿姐一句有冇得就咁買個醬拎走，佢同平時一般界外買嘅唔同，可以食得出佢用嘅配料相當豐富，令到個層次好複雜。第二份就係雞翼蛋淮山麵喺呢度可以同大家講雞翼絕對唔係主角，佢個淮山麵相當之彈牙，唔會好淋，配合埋個佢個蝦湯底，每一啖都好似食緊蝦頭，每一啖都有蝦嘅精華喺度第三份就係最基本嘅百吉爹肉骨茶 - 三層肉食過咁多間肉骨茶呢一間始終係最出色最出色嘅一間。唔單止茶味香濃，有藥膳嘅感覺。單單係佢嘅汁已經可以送到幾碗飯。呢度仲要有個好處可以俾你無限添飲。而佢每一舊肉都相當之入味，但又唔會煮得太老、太硬。雖然未去到入口即化嘅感覺，但以佢嘅味道來講已經係相當之出色。

每次經過，都大排長龍，想試就真係要避開繁忙時段，個人得價錢合理，食物質素唔差。人太多，要同人搭枱都正常。#馬拉沙嗲串燒 叫左豬、牛、雞各兩串，燒得比較乾身#檳城福建蝦麵 湯幾好飲，豬肉肥位彈牙，唔肥膩，但油麵食落有啲濟。

久聞深水埗有一間馬拉餐廳好食得嚟又非常正宗, 作為一個熱愛馬拉嘅港人(其實只係仲意馬拉妹), 點都要嚟試下, 佢係深水埗基隆街即珠片珠仔街到, 好易搵, 因為離遠就會已經見到有一大班人係到等緊位, 當日我12:30到, 但都要等到12:50先有得入座。一間小店難得門面及店鋪裝飾都係咁乾淨企理, 抵讚, 一嚟佢就上咗一人一碗肉骨茶。肉骨茶 - 唔洗錢嘅, 一煲好就放入茶煲到, 飲晒可以叫佢refill, 無遷就香港人口味, 中藥味好重好濃, 當歸, 八角, 蒜香味濃, 好味得嚟又唔會太熱, 又暖身, 正。百吉爹肉骨茶 (豬腳彎) - 將豬拆骨起肉, 肉質好淋, 有少少咬口, 皮少膠質帶爽口, 好入肉骨茶味, 浸得剛好, 豬腳切得幾好, 唔太薄, 一口一片, 好貼心。玻璃魷魚配通菜 - 魷魚馺得剛好, 令到魷魚到玻璃狀態, 但炸蒜先同辣油至係令到佢提味嘅關鍵, 加強脆爽口感及辣油令其唔會太掛, 通菜馺得翠綠剛好, 與炸蒜及辣油同吃, 不錯吃。馬拉沙嗲串燒 - 牛、雞、豬三隻味, 馬拉人少吃豬, 但肉不是重點, 沙嗲才是主菜, 濃烈椰香味, 令燒得乾身的串燒加添嫩滑及汁醬, 加添美味。檳城香

今日我同家人三人黎到呢間食馬拉菜，聽講都幾多人等位，所以我地早少少到來都等左三十分鐘才有位，入到去地方唔係好大，環境似馬拉的一般茶室，我們急不及待就點菜了。首先係馬拉沙嗲串燒，一碟有三串，味道好有馬拉風味，沙嗲味濃，牛肉都算幾嫰，好惹味！呢個薄餅個名好得意，叫做話知你啦薄餅配咖喱，薄餅少少煙靱，大約一塊面咁大塊，配上香濃咖喱汁，簡直係絕配！我地叫左一杯桔仔話梅水和一杯凍馬來西亞拉茶，桔仔話梅酸酸甜甜好醒胃，凍拉茶入口好滑，但我覺得應該熱飲會好飲一點，因為啲凍溝淡左茶的味道。食得馬拉野就梗係唔放過佢地既椰香咖央多士啦，好有椰香味，咖央香甜，多士都好烘得好脆，好地道！呢個個名仲搞笑，叫辣死你嗎配仁噹牛肉，但其實一啲都唔辣，只係馬拉文叫法譯做中文先咁搞笑，牛肉好腍，好香好入味，椰漿飯好有椰香味，但如果好鐘意食椰漿飯既朋友可能會嫌佢唔夠，但整體都好好食！檳城白咖哩麵，入面得幾舊豬紅，半隻鹹蛋，有啲芽菜，有幾隻蝦仔，用料不是一啲貴野，勝在個白咖喱都幾香，但唔算抵食！檳城香炸滷肉卷，每碟得兩件，但佢新鮮炸起，好脆，味道有一點鹹香味，點埋個辣椒醬就會幾辣，唔食得辣就唔好點醬了。百吉爹肉骨茶用上一字骨

為咗無國界醫生, 你可以去到幾盡? 是緣今日要領無國界野外定向選手包, 黎到深水埗覓食, 無乜IDEA, 跟住OPEN RICE走, 估唔到可以揀到高分無伏既蘇媽蘇媽😍 穿過熙來釀往既深水埗大街🏢🏬🏗️越過重重人群, 黎到街市附近既蘇媽, 係下晝3點幾既TEA TIME 都係一樣一大撮人係門口等😮蘇媽蘇媽既門口似足當舖, 差在未有個「押」字係度, 黑底金漆招牌加埋左右對聯, 仲有點題式既置中活動門, 二叔公就係入面等緊你😛😛 下晝3點等枱都要十張度, 不過轉枱快, 等左20分鐘已經有得坐。大家係等既時候已經係外張既MENU极好晒食乜👍入去只需要係塊膠牌度劃好呈交比蘇二叔公😂🤣 小二先來肉骨茶兩碗, 藥味唔重, 似老火湯, 少咸啱熱天開胃🤗🤗叫咗皇帝骨, 原來係大大塊好似牛扒咁既肉黎上枱 (見識少, 佢唔同既骨類應該係對應豬🐷既唔同部位), 舖頭有4步曲指示教你點應乎個肉骨茶, 成個消費體驗真係將飲食昇級咗去買LV, GUCCI咁既環節😲😲個人就好歡喜佢將個蒜、椒、黑豉油、頭抽整得靚靚仔仔比你慢慢混😏😏混好再用佢藍字白瓷碟仔, 將啲入味豬肉同混醬痴纏起黎, 再送入胃部🍽️🍽️ 再黎係咖央多士,

其實咖央多士搵到間好食嘅基本上就會好似中咗毒咁久唔久就想番去食😆，不過我呢牌發現好多主打馬拉嘢嘅餐廳都有口碑唔錯嘅咖央多士🍞，專情過嚟試下係咪😗真係咁好食椰香咖央多士 ❤️ ($22)評分：7/10.其實呢佢哋嘅咖央的確係斑斕同椰奶味都好香，而且有啲顆粒狀嘅質感，同完全幼滑嘅又有啲唔同，但完全唔影響味道，反而幾有手工製feel 冇咁一色化嘅感覺 😉 不過多士我覺得唔夠脆😐，特別係放涼一陣之後，大大扣分，所以整體並唔算好驚喜馬拉沙嗲串燒 — 豬牛雞 ❤️ ($40/三串)評分：8/10.沙嗲好正 👍👍👍 佢隻沙嗲醬有啲沙茶風味，特別濃郁，顏色亦唔會好假，仲俾得好多添～入面一樣有顆粒狀類似花生嘅東西，有咬口 🤤 三種肉都燒得好夠火候，燒完之後呈乾身，表面微微焦黑。唯一美中不著系雞肉有少少少少太熟，冇雞肉應有嘅嫩滑口感檳城香炸滷肉卷 ❤️ ($38/兩件)評分：4/10.難吃到爆～🙁🙁🙁 唔好食嘅嘢唔好晒錢嗌，其實之前已經見到有好多人批評呢個滷肉卷，但見點三款小食飲品有得平先諗住唔掙在試埋 🤦 食咗一啖之後即刻後悔，老老實實我寧願自己嗌多份多士 😰 話係滷肉卷，其實只係柴皮嘅蔬菜粉粿 😭 基本上唔

今日行開深水埗，同男朋友諗緊有啲咩好食🤔於是我醒起一直都好想試深水埗有間馬拉菜，叫蘇媽·蘇媽！我地去到大概八點半左右，以為咁晏應該冇咩人等位😅點知都要等半個鐘到先有得食😂我地兩個人叫左椰香咖央多士、馬拉沙嗲串燒、辣死你嗎配咖哩雞肉同埋百吉爹肉骨茶（皇帝骨）。🎈椰香咖央多士 呢個椰香咖央多士好好味啊🤗裡面有一層咖央搞到成個味都好出！強烈推薦🤩🎈辣死你嗎配咖哩雞肉反而呢個辣死你嗎配咖哩雞肉，我個人就覺得普普通通，唔算太特別既！但就有好多配菜，例如花生🥜、蝦片，青瓜同脆脆既魚仔咁😂🎈馬拉沙嗲串燒呢個沙嗲汁冇得頂😎配上雞、豬同牛既串燒，好正😎但略嫌牛肉既沙嗲串燒有啲韌😰有啲難咬😣🎈百吉爹肉骨茶（皇帝骨）肉骨茶真係好好味，又唔會好大陣藥材味，反係感覺好地道！係每一次去新加坡必食的😎真係好掛住呢種感覺，我不停任飲，好似一共飲左四碗咁多，好誇張😂至於個個皇帝骨，完全係大塊既肉黎，一啲骨都冇！皇帝骨點上個個混醬，又出奇地幾好味🙆‍♀️整體黎講，我覺得都好滿意！可以係香港食到都幾正宗既馬拉菜都算係咁啦😋

近期好多人介紹, 今日(星期六)親佢十二點鐘開門前, 早15分鐘到門口頭位登入舖, 開門前都有十幾人排隊, 開舖後5分鐘已經全場爆滿. 見餐牌價錢唔係好貴, 叫咗好多嘢試 (百吉爹肉骨茶一字骨 and 豬肚, 仁o當牛肉乾撈麵, 檳城風味蝦麵, 椰香咖央多士, 馬拉沙嗲雞串, 魚仔醬撈啦啦, 玻璃魷魚配通菜, 馬來西亞拉茶(熱) ),  預咗份量會較細.叫啲嘢食好快到, 但係分量較預期仲要細.整體好味程度一般~*開鋪唔夠兩個月, 喺19號貼通告話30號將會加價, 可能見近期全日大排長龍, 有得執要執, 生意係咁做㗎咩?