小曼谷泰國菜館

營業中

休息中

10幾年前已經開始食呢間小曼谷泰國菜館，由舊鋪食到新鋪，一直都覺得好正 唔單止價錢親民，味道仲係正宗泰式。呢間鋪特式之處，入去坐低已經擺低兩杯野飲，咪以為係用黎洗杯呀 其實係龍眼水，免費送的。好好飲架呢個炸蝦餅真係超級好味，外皮酥脆，入面有彈牙既蝦肉，配埋泰式雞醬一絕冬蔭功細碗$37蚊ja, 外面好少賣到咁平，味道一樣係正宗 酸酸辣辣最鍾意食炒椰菜苗，配埋馬拉盞，好地道既泰國味道呀！最後叫左個泰式炒飯，飯炒得乾身，牛肉大大片，完美既一餐

話說假期帶小朋友去黃金海岸玩水，玩完梗係要醫肚啦。但對呢頭完全唔熟，只好叫朋友介紹好味食店。一問朋友佢就介紹呢間泰國菜，佢話平靚正。帶到咁講就梗係二話不說揸車去啦。原來舖頭出面咁啱有一堆咪標位，方便揸車人士去。店面坐到大約2-30枱客人左右，店員全部係泰國人，有幾位正在準備生蝦刺身，有幾位負責將春卷皮分開。我地一行6人先坐低，店員就送上龍眼水解渴，全好飲，夏天飲一流木瓜沙律： 好香辣，好爽口，都幾大碟。泰式春卷：香口，因為睇住佢地自己包，覺得特別正泰式肉碎生菜包： 炒得好好味，辣味剛好，都好多肉菠蘿炒飯：因為我細女大愛食菠蘿炒飯，所以我冇食到就冇哂了，不過我女話好好味，不過細碟左少少。泰式炒金邊粉：酸酸地好開胃，但因為其他野食太好味，金邊粉就比下去了馬拉盞炒椰菜苗： 唔知點解同平時係九龍城嘅椰菜苗有少少唔同，但個汁炒出黎比起係九龍城嘅更好味，令到我食極唔夠，好香嘅魚露味好惹味。紅咖哩雞：呢個咖哩實在超級太好食，令我回想返2年前去泰國食過嘅咖哩，我係香港一路都搵唔返，估唔到今次食得返，好香嘅椰汁味，入面仲有豆角，泰國小茄子。因為個汁太好味，連我2個大女都食到停唔到口，搞到最後仲要再叫多個

屯門區食店唔少，小曼谷都算稱得上係屯門名物，有啲住市區嘅朋友都聽過大名，專程入黎食。基本上星期一至日晚市都咁爆場，冇得book位，唔想等嘅話最好6點前到，否則都預期要等一個鐘以上。小曼谷係泰國人開嘅，侍應都係泰國人，雖然全部都識講廣東話，但服務態度好有性格，落單最緊要快狠準。環境方面都唔好有期望，位與位之間逼到你唔能夠想像，如果啱啱shopping完一袋二袋，千其唔去黎，我唔知你啲野放邊。至於食物，真係平到笑，但唔好期望水準好高，呢度多人食主因係價錢貼地，點菜好似放題咁，埋單都唔會嚇親。爽！加上同區又冇乜泰國餐廳，所以長期滿坐。（我知，附近有一間，我覺得又貴啲，又冇咁好食）太耐無食，所以同男朋友都有少少瘋狂，不過我地係食得哂，捧住個肚走。蒜蓉包 $14/5片小小5塊，薄身，脆口，少量蒜蓉牛油，主要點黎送咖哩食。泰式辣鳳爪 $38已經唔知幾耐冇見過咁平嘅泰式鳳爪…酸辣度剛好，唔會太嗆，鳳爪數量以呢個價錢黎講唔算少，洋蔥、配菜入味，要點。串燒 $38/雞、豬呢樣要撞手神，有時會燒得太燶，變相食落較柴，但係睇睇個價錢先啦~今次不俗，雞、豬都燒得香，沙爹汁唔辣，小朋友都食到。泰式炸春卷 $25

每次一提到泰國菜，就必定想起小曼谷，因為真係性價比高，又抵又好味今日6點幾去到，等廿幾張飛，但可以岩岩第1 round食完，等左20分鐘就有位，算好快架啦入到去循例睇下個餐牌，但其實都係叫果幾樣野每次必飲，抵飲，好味道酸酸辣辣開胃口味道是不錯，細份都可以夠4個人飲用，不過可以隔左D香料先，因為不停飲也要把香料吐出來我諗最唔好食一定係呢個，因為衰左係個醬汁到，冇味，淡，稀芒果冰，較少，唔知有冇得少甜呢咖哩唔會好辣，入面細細粒既茄子仔好特別好好味好香口，醬汁都襯馬拉盞唔夠，細碟左好多2個人食咁多野當然好飽，不過就係鐘意細細碟可以試多幾款，不過菜既大小真係好唔定不過真係好抵食，樣樣都係幾十蚊就有交易同埋呢到真係講食物質素同價錢，如果要環境同服務就真係唔岩黎啦

屯門泰國菜首選這間最小二星期就食一次,不過有時等位太耐啦多人食就鐘意買外賣,生蝦刺身不可以不吃蝦爽有小小甜味最重要係個辣汁一流,濕炒牛河份量太小河粉又炒唔散一餅餅好彩味道好,炸蝦餅夠彈牙但要熱食耐左會縮細又油又咬唔開,豬頸肉夠林都係個汁最重要,炒金邊粉味太淡又乾身,馬拉盞炒椰菜苗味道超GOOD但椰菜苗太老好硬,泰式炒芥蘭炒得夠鑊氣

已經係第二次黎食喇~ 仍然都係咁多人...可能因為屯門真係唔係咁多間泰國菜館其實都唔明，咁多人鍾意食泰菜，點解咁少泰國菜館呢都知道要等架喇... 2個人，好彩唔駛等好耐，眼見有d人一家大細成6-8個人，就等到花兒也謝了喇...入到去，居然坐番上次個位喎，地方淺窄，又要玩俄羅斯方塊將d枱拍黎拍去，先勉強坐到入去上次食過生蝦喇，今次就試吓其他啦~呢個冬蔭公我覺得有d偏酸，屬於香港人煮法，同响泰國飲嘅有d唔同，不過味道都算幾好上次試過咖哩軟殼蟹，咖哩整淋晒d軟殼蟹，唔係咁好食，今次試吓食青口，又幾好味喎~有咖哩，就一定要叫埋個蒜蓉飽一齊食啦~ 好脆好香口，正﹗$12有5件，真係抵﹗呢個菜都幾多油同馬拉盞幾重手，味就好夠喇... 不過好似唔太健康呢個青魚好好味呀﹗雖然都等左起碼15分鐘，不過真係燒得好香口，啱啱好，配埋個醬汁好正﹗呢度泰啤先係$12一支，仲平過响泰國飲，所以有人就一口氣飲左2支喇...我就叫左個西瓜冰，夠晒凍食到成十點都仲有好多人响出面等位，因為佢真係又好味又抵食囉﹗

朋友打電話來相約去小曼谷開飯, 立刻應承啦!! 一行四人去到都預計要等位, 好食既沒有所謂啦!! 最後都係等了大約20分鐘(算快架la!!)生蝦 - 每一次來都要食, 鮮甜;馬拉盞炒椰菜苗 - 味道岩岩好, 送飯一流;炸蝦餅 - 好香口, 好彈牙;鐵板蠔仔煎蛋 - 如果蠔仔多少少就更加好;明爐烏頭配酸梅湯底 - 平時好少食魚的我都會食, 湯底好好味!!埋單都係HK$230/4人老實一句, 環境座位就真係不是很寛, 這就是另有一番味道, 不過就真係好抵食, 要等都係值得既.