金坊泰國美食

營業中

休息中

呢間餐廳真係好受歡迎😳午餐晚餐都成日滿🙈但佢嘅價性比真係幾高😌個冬陰公好正😍唔單只有兩隻大蝦，但上枱嘅時候仲有火係下面😌令個湯隔一陣飲都仲係暖立立😋個馬拉盞炒通菜夠哂惹味😆仲有個椰青都好清甜😍食辣野飲佢一流😎

中秋節佳節，又係時候同屋企人做節。阿媽開始年紀大，唔想佢太操勞，但阿媽又唔想正日出去同人逼，所以今年出去食，提早做節。阿媽想食泰國菜，細佬推薦「金坊泰國美食」。 佢話之前食過，味道都唔錯。什錦拼盤 $99拼盤有蝦餅、魚餅、春卷、香葉包雞，每款各兩件，啱晒想試唔同小食嘅我哋。最愛蝦餅同魚餅，炸得鬆脆大大件，爽口彈牙。什錦串燒 $88串燒有豬、牛、雞，每款各兩串。上枱時香氣撲鼻，食落帶微微焦香。串燒燒得啱啱好，唔韌。再配上濃郁嘅花生醬食，就更加正~海南雞 $90/半隻食泰國野，梗唔少得海南雞。雞肉肉質好滑，配上甜辣泰式汁，好好食~馬拉盞炒通菜 $75最鍾意馬拉盞炒菜，特別惹味。通菜食落又脆又嫩，好新鮮。馬拉盞海鮮炒粉絲 $76呢個就比較遜色一啲，因為味道偏鹹，但粉絲爽口彈牙。蝦醬炒飯 $72蝦醬嘅香唔係個個鍾意，但阿媽就好愛。飯炒得夠乾身，粒粒分明。蝦都算大隻，而蝦醬令成個炒飯更加鮮，更加美味。