Mee...lemongrass (已結業)

之前呢個舖位果間餐廳做左好多年執左，依傢變左mee...lemongrass泰式野，咁試一試先。對於新手寫食評既我黎講唔慣相機食先🙈所以食食下先記得影相...叫左招牌無骨海南雞半隻，另加一碗油飯，油飯無乜色水但食落超好食海南雞胸位比較嚡，脾位有少少根，一般。馬拉盞炒通菜，通菜炒得乾爽，菜食落都爽口又冇渣。蔗蝦3件，蔗蝦係大大件，炸得脆口，蝦膠打得都ok，然後蔗竟然好甜，另有米粉做配菜，米粉本身無味要點汁食，米粉唔黏口ok。軟殻蟹米紙卷- 菜多過乜，入面有青椒、紅椒、黃椒、九爪菜同，而每件軟殻蟹份量少過指甲...係咪一隻蟹腳分左6件?!完全唔推薦！不過塊紙卷係幾薄身好食。最後甜品香芒椰汁糯米飯，個形好似放左隻拖鞋上枱🤣🤣🤣，個椰汁好少，食成舊糯米時好乾，糯米亦太淋，我比較鍾意食傳統糯米飯...另外叫左兩杯飲品，買一送一抵呀！四季春奶蓋個奶蓋麻麻地😢我係奶蓋fans，飲慣出面專買茶既舖頭，所以覺得呢個一般...依傢堂食有八折，八折左再加番一，即係大約9折🤣

爸爸就快生日，本來訂了自助餐但酒店通知我們因疫情關係取消了，所以就選擇了在家附近吃這家新開的餐廳。因為爸爸媽媽都很喜歡吃海南雞飯，聽說這間餐廳的海南雞飯是聞名的，所以就前來一試。先說店內的裝修及設計，地方寬敞，富現代感和清新的設計，令人坐得舒服之餘也有一點開心的感覺。設計及用料均見心思，明亮整潔，餐具更有可愛的小公雞圖案！先說晚市六點後特價的一個咖喱牛腩飯，咖喱有濃郁的椰香味，微辣幼滑，牛腩很稔及入味，用一個沙煲盛載上枱，配以煙靭的白飯，精緻得來又好吃！已$39的價錢來說，簡直可以說是超值！再說馬拉盞炒通菜。炒得很香，蒜蓉香配以馬拉盞的香味再加上爽脆的通才及微微的辣味，可以算是出色的！再說我很久沒有吃過的泰式酸辣鳳爪。這是我很喜歡的一道泰國菜，酸味、甜味、辣味配合得非常好！在這個潮濕的春天裏面，可以吃一道醒胃的涼菜，真是很幸福！而且份量是很大的！我們三個人都沒有吃完整碟，還可以打包回家！超值！再說招牌海南雞飯。那碗油飯的飯是煮得很好的，軟硬適中煙靭及帶雞油香，還有炸蒜蓉在面！是很有誠意的一碗飯！海南雞做得很嫩滑！連我對食物很有要求的媽媽也讚不絕口！最重要的還有那個美味的酸辣汁和甜豉油！

近來馬鞍山進駐了不少食店，而且質素唔差，馬鞍山美食沙漠之名相信可除了，而今次和同事去食的Mee...lemongrass同樣有質素價錢經濟。個場好大好旺場好多食客，坐無虛席需要等一陣才安排到座位。餐牌菜式選擇多，價錢唔貴六十至八十蚊咁上下，二人食二百蚊左右埋單相當化算。馬拉盞炒通菜 $64炒通菜非常惹味好有鹹香，唔算好鹹味道精準，食晒成碟通菜都可以唔洗飲啖水，唔錯食得過。招牌無骨海南雞飯 $80招牌菜點都要試下，個飯跟埋碗濃湯和碟菜，雞油飯香有味飯粒粒分明仲可加飯，雞肉起左骨食起來啖啖肉，雞肉質嫩油脂無乜，雞皮咬落有脆彈口感好特別。波士頓龍蝦喇沙 (原隻) $84賣相吸引，來到相當有驚喜超大碗看到好滿足。原隻龍蝦有大碗咁大隻，有手套提供方便進食。喇沙湯底味濃，一夾起有油麵米粉芽菜撈埋，食落口感豐富，豆卜好入味好食如果再多幾件鋪滿成碗就好了。喇沙見枱枱都有點來食，唔點確實會錯過，依家仲做緊特價好抵食，是必食之選。

呢個場翻新後，好多新食肆，又見到有新野啦！好耐無食喇沙，人等我又等，同媽咪等一陣位就入去開餐lu！叫左個豐富喇沙，Me..喇沙 - 大蝦、蜆肉、蟹柳、雞蛋、豆卜、魚蛋、魷魚$84，好多送，呢個組合超多豐富蛋白質😆，d送入哂味，大蝦魷魚幾爽口～見隔離枱成隻龍蝦放喺碗面嘅喇沙，我又叫番碗波士頓龍蝦喇沙$84。兩碗喇沙都一樣好好飲，椰香十足，呢個賣相都幾誇張，原隻龍蝦上，望到都流口水。喇沙嘅麵係馬拉嘅參參，油麵參粉絲，所以顏色配搭同味道超豐富！馬拉盞炒通菜$64，新鮮無渣，枝莖爽脆，馬拉盞惹味咸香。無錯！我就係鍾意呢種😆！攪笑地呢度有台式飲品喎！四季春奶蓋$27，茶味清香，面層芝士奶蓋同茶，係兩種唔同texture 但又好夾！