圍威喂 (荃灣廣場) (已結業)

之前叫過外賣啲嘢都幾好食今次去堂食試吓青木瓜沙律🥗好豐富 夠清爽好味香葉肉碎煎蛋飯同我心目中預想有啲分別因為我一直以為係炒飯不過呢個都好味 個肉碎好香少少辣味菠蘿炒飯都唔錯 有菠蘿粒同雞粒我自己唔係好like提子乾迷你肉骨茶係lunch set加$18細細碗份量啱啱好撈飯一流炸蝦餅彈牙好味馬拉盞通菜都炒得幾好青咖喱雞就令人失望個汁好似湯咁稀裡面用嘅係本地茄子 唔係泰國成件事好失色餐廳比較熱 唔知係咪中央冷氣食到出晒汗 叫咗幾杯嘢飲冇影相芒果椰奶沙冰幾好

已經第二次嚟食嘅餐廳！佢係一間新式嘅越南餐廳；餐廳裝修妹潮又型格，座位舒適👍🏻食物整體來講都好好食😋 🌟必食推介🌟圍威喂！無骨海南雞 $138呢個我已經食過兩次，兩次都保持水準；份量非常之好，而且雞肉好滑，雞皮好嫩👍🏻 醬汁有三種：薑蓉、甜酸醬、醬油；伴碟就有幾塊青瓜咁😊😊馬拉盞通菜 $78屋企人大贊呢個馬拉盞通菜炒得非常之好，通菜唔會有好多根，有時食到有啲難咬到吞唔到，但呢個就唔會，馬拉盞只有少少辣味（可能有啲人感覺唔到辣添😂😂），但我覺得幾好😎青咖喱豬頸肉 $92份量適中，裏面仲有啲蔬菜，例如豆角等；但係呢個青咖喱就稍為有啲辣，如果你冇食開辣嘅，咁你會覺得呢個會好勁咁😅 但我覺得整體上好香，送飯一流👍🏻👍🏻沙嗲牛柳串 （4 串） $88好大塊牛（見圖）好抵食喎咁😂😂 沙嗲味都唔錯。手工薄餅 （2 件） $35油飯 $15值得一提，油飯係好好食，一餐飯次次都叫兩碗以上😂熱帶百香果蘇打 $24金桔話梅蘇打 $28鮮橙蘇打 $26

啱啱喺荃灣廣場睇完戲，肚空空想食吓沙嗲，行行吓見到一間叫「圍威喂」，個名好特別😍咁啱個名下面寫住東南亞特式料理，命中注定佢揀咗我，食硬佢😂帶有少女風嘅裝修，環境同燈光都俾人感覺好舒服😌咁啱坐正影相卡位，認真開心🥳打開Menu，真係好多東南亞餸菜😍仲有超過二十款，每款飲品名都改得好特別🤩我就揀咗芭堤雅的天空同埋星空蘇打！至於嘢食就揀咗經典芝麻原隻蝦多士、馬拉盞通菜、傳統泰北燒黃油春雞、沙嗲串燒（雞、豬）、牛舌串！芭堤雅的天空👉🏻藍天白雲，意境十足😍蝶豆花溝牛奶，甜味啱啱好星空蘇打👉🏻紫色配黃色，好夢幻呀🤩蝶豆花溝橙加檸檬梳打，鍾意酸味飲品嘅朋友真係不可錯過 馬拉盞通菜👉🏻炒得夠火口🔥翠綠色🥬咬落夠爽口，夠香☺️味道調得啱啱好，又唔會太鹹😋暫時喺我人生中食過最好味嘅一碟😋😋😋傳統泰北燒黃油春雞👉🏻雖然外表有少少燶燶哋，看似平平無奇，但入口就知有料到！雞皮香口、肉質嫩滑！我只係用筷子同匙羹就輕易撕開隻春雞，配埋獨有醬汁，感覺真係好似去咗泰國食燒雞😂惹味😋再配合埋碗柚子沙律，完全唔覺得油膩🤩最欣賞碗柚子沙律，每舊柚子肉都搵唔到一粒小核，清得好乾淨，唔怕食食吓有苦味，細心🥰沙嗲串燒（雞、豬各三串）