小雨天 (華都中心)

營業中

休息中

長假期第2 日, 一起身已經LUNCH TIME, 老公話想食上海麵, 而我想食餃子, 平日食開果間餐廳變左食泰菜, 仲諗緊要唔要去葵涌廣場果間小雨天, 好彩記得仲有荃灣都有小雨天。荃灣呢間小雨天地方較新、較大同乾淨, 感覺幾好! 不過呢, 呢間餐廳唔似葵涌廣場果間食完先埋單, 反而係要出去付款點食物先。本身小雨天好多野食, 有飯有麵, 有小窩米線, 連咖哩都有! 真係唔怕冇野岩食呀! 出去點完野食, 等左都成10 分鍾食物先到。後來聽到職員講, 餃子係要等大約10 分鍾既。骨湯韭菜豬肉餃子上海麵 - 呢個老公點既, 麵質不錯, 湯底唔會好油, 份量夠大。過橋韭菜豬肉餃子 (8 粒) - 身為韭菜餃既粉絲, 小雨天既餃子係比較出眾既, 每次黎我都會點。皮唔會太厚, 韭菜同豬肉比例剛好, 味道調較得岩岩好。另外, 餃子SIZE 都係比較大粒, 食8 粒已經好夠飽。凍檸茶 - 不得不提呢度既凍檸茶係比較大杯的, 好抵飲。

前日（20-7-2019 Sat）晚，因爸爸回鄉，我同老公唔想自己煮嘢食，於是落街食，佢記得呢喥有小雨天，我問係咪台灣菜?個名似係。佢答唔係，食餃子嘅，覺得唔錯，於是走嚟，我哋坐低後睇餐牌，睇完叫亞姐落單，但呢喥係自己出去收銀買飛，返埋位等送餐。我哋要咗$44.00嘅骨湯韭菜豬肉餃子上海麵同$45.00嘅招牌豬軟骨湯飯。好快，招牌豬軟骨湯飯到嚟，見到大大份，我嗅到好勁白胡椒味，心諗，唉！又係辣。老公夾起豬軟骨，好大件，食吓先，佢冇白胡椒味，大概只係原味，呢啲應該係煲熟咗撈起，然後至加返去白胡椒湯喥;而個湯嘅辣度冇之前喺潮州仔飯堂食到咁辣（嗰個食評:https://www.openrice.com/zh/hongkong/review/%E5%94%94%E8%AD%98%E6%AC%A3%E8%B3%9E-e3467632），但都係辣。而骨湯韭菜豬肉餃子上海麵呢？都等咗一段時間，我估餃子係有單先至煮熟佢，而要豬肉熟透，係要一段時間，果然，我見有職員拎淨餃子俾其他食客，然後我嗰碗到嚟，睇見又係大大份，餃子已經脹卜卜又大大粒，重要有6粒咁多，而骨湯呢？竟然又係辣，即係呢喥只有一種白胡椒豬骨