老上海飯店 (已搬遷) 新店位置

位於地庫嘅老上海飯店，係老正興嘅舊鋪，有相當懷舊情懷，伙計一般都上了五十歲，說話速度跟語氣都係同招牌『老上海』好襯。清水大閘蟹有六両重，肉鮮有黄膏、合時宜!鱔糊甜了少許，可能是上海菜吧。蒓菜魚片湯，用大條花鱼起肉，蒓菜口感好特別、滑滑地，湯味清淡，正!擔擔麵就一般，麵質不太韌但欠缺花生香味。高力豆沙比較實，唔夠鬆化。

朋友生日揀食上海菜, 最後決定呢間老字號, 不過價錢貴咗d, 同食物水平相差小小.素鵝 - 腐皮包住d 雲茸, 清清地, ok.海蜇頭 - 唔太爽, 無咩o趙口, 唔係咁好味.龍井炒蝦仁 - d 蝦細細隻帶少許爽口, 不過無龍井嘅清香.京蔥牛肉 - 個汁好惹味, 牛肉又腍, 唔差.雲腿津白 - 一般水準.片皮鴨 - 出奇地好鍾意呢度做嘅呢個片皮鴨, 除咗佢嘅刀功了得, 連帶鴨身嘅肥膏都片走埋, 所以食起o黎個片皮鴨好脆. 而且佢嘅薄餅亦都做得唔錯, 真係互相輝映.小籠包 - 個皮都算薄, 餡都ok, d 湯咬開都流晒出o黎.生煎包 - 煎得唔夠香口, 味道一般.鍋貼 - 同生煎包一樣都係煎得唔係好夠火喉, 差d.拔絲蘋果 - 第一次食拔絲蘋果, 因為多數都係做拔絲香蕉既. 人家用冰水過, 佢哋就用忌廉加冰, 過完之後, 外皮糖漿好脆, 又帶點淡淡忌廉味, 唔錯.高力豆沙 - 做得唔夠鬆軟, 一般啦!