i CREMERiA Café (已結業)

近來因為商場既聖誕佈置令到同層位置迫得水洩不通，而我都唔例外，同公仔大影特影後，來到旁邊既i CREMEIA  Cafe休息一下，不過店內/ 外都超多人，幸好友人趁我排隊買食物時佢就預早去等位，如果唔係應該食完雪糕都未有位坐…北海道赤肉蜜瓜雪糕：店鋪皇牌之一，食材由日本直送，蜜瓜味好重，雪糕香濃又幼滑；而北海道赤肉蜜瓜非常清甜又多汁。不過，影完兩張相就立即要食喇，因為雪糕融化既速度何其快呢！高知縣沢度茶大福芭菲杯：抹茶雪糕甘香，與微甜既紅豆同吃，永遠的Perfect Match。另外，茶大福外皮厚厚，內裡為紅豆餡，口感煙煙韌韌幾得意。

次次行朗豪坊，你由地面搭扶手電梯上去既話，一定會經呢間雪糕店，而且永遠都好多人係雪糕店門口，睇圖都真係好吸引，今次立定決心試下佢。餐廳內外佢收銀處係一個位，唔好以為佢係外賣雪糕店，其實係可以話係間Cafe型餐廳，係有座位，收銀處隔開少少就係。食物選擇佢其實唔止雪糕，有正餐可以食，主打意粉類，咁我就當然係為左雪糕黎啦！高知縣沢度茶大福芭菲杯 $60見到係綠茶雪糕系列既No.1，所以就揀左呢個。雪糕份量都夠多，抹茶味超濃郁，仲會回甘，質感綿密，配料有一粒超大既大福，入面類似係芝麻餡，仲有紅豆，而最底原來仲藏左啫喱。佢仲有金箔雪糕、蜜瓜雪糕，會搵機會再試下佢！