甜館

營業中

休息中

食完先見到Openrice 好多人話啲店員態度差，不過就全部都係2019年嘅事🥱 今日去嘅時候，店員同埋個伯伯都好nice❤️ 💛魔鬼三重奏 ($74)成Set都係朱古力🍫 好幸福🥰 佢嘅心太軟焗得啱啱好，流心流得好靚😼朱古力雪糕嘅外形成粒麻糬波波咁，勁cute!朱古力奶凍相對淡味，可以試下夾埋啲雪糕一齊食，但就唔建議夾埋心太軟一齊食，個對比會好大🤔最濃味： 心太軟>雪糕>奶凍平時如果成餐Set都係朱古力嘅話有時會有啲Dry 意外地今次呢個冇🍫👍🏻💛日式紅豆小丸子伴雪糕 ($39)🐡：紅豆味好突出，但唔會遮蓋咗個自選曲奇雪糕嘅味，小丸子好煙韌😋👍🏻💭伯伯好多時都親力親為，想親自幫手落單，親手包裝外賣同埋收錢，見到佢都好緊張會計錯數，所以計咗兩次💰 大家食甜品都係想relax一下，不妨比多少少耐性同時間伯伯做嘢😙

住左o係馬鞍山9年，竟然到近幾個月先知有呢間甜品店既存在，真慚愧 夜晚8點鐘去到，竟然仲未開門 不過老闆都好有禮貌咁叫我地o係出面等一等，10分鐘後就入得成間店得五、六張檯，坐滿晒都唔夠20人，怪之得佢一定要人齊晒先入得啦 傳說中既態度惡劣老闆娘我又覺得無咩點喎，攞餐牌同落單時都好有禮貌，可能o岩o岩開鋪？叫左一個芒果小丸子拼雜果。芒果汁底唔錯，芒果唔酸，夠冰凍，亦都唔似有加料糖漿D小丸子做得比許留山既好，起碼無黏埋一舊，煙煙靱靱咁口感幾討好雜果就...... 不提也罷，下次淨叫小丸子算了魔鬼三重奏 - 朱古力奶凍＋朱古力雪糕＋心太軟心太軟的確係整得唔錯，怪唔得有咁多人慕名而來 一切開佢，D朱古力漿真係湧晒出來，未食落口個視覺觀感已經驘晒D朱古力味道好濃，唔太甜，個皮薄薄地同埋係脆的，食晒成個都唔太滯朱古力雪糕食唔出係咩牌子，不過都幾好味又有朱古力粒粒o係入面，應該唔係cheap野可能由於食完心太軟，個奶凍變到無晒味道，下次再食呢個要記住食左奶凍先!