一風堂 (朗豪坊) (已結業)

平時去開一風堂，食黎食去到係黑白紅，今次就試下個魚介豚骨拉麵。比起黑白紅，呢個麵條係粗身啲既，我自己就比較喜歡呢種麵條，因為食落比較有咬囗。未入囗已經香味撲鼻，至於湯頭味道鮮甜濃郁。但有時，咁濃郁既湯底會好驚食膩，好彩佢配左個柚子醬黎，剛剛好可以中和個油膩感，食落仲好清新添呀。可惜個柚子醬就少左啲，俾多少少就更好。但最可惜既係果兩塊叉燒，肉係夠大塊既，但因為太瘦太老，入囗嚡左啲，如果多少少肥肉，應該會入口鬆化啲。

去開旺角做嘢，想舒舒服服咁食一餐就梗係入大商場啦。行到入商場……見到條封左嘅超長電梯……先醒起先幾日發生嘅事……果刻個心真係離一離……都係唔好上咁高喇 近近地行左入去一風堂，坐落望下個 manual，食慣嘅人都知餐牌入面嘅選擇唔多，但今日餐牌見到 "限定" 呢兩隻字咁冇理由唔食架 好! 拉麵一上枱果下好香，飲左一啖湯，好濃嘅豬骨湯，塊义燒都ok，唔算鞋口。溫泉蛋好滑。基實我想講下右手邊個兜入面果 pat 嘢……佢係柚子秋葵醬，可以撈落個湯或者撈埋D麵一齊食，開頭用筷子篤左D擺落口，第一個味係食到柚子嘅甜酸味，但係過左2秒秋葵嘅辣就爆出黎! 好有驚喜! 撈埋D麵一齊食味道啱啱好

星期日是我的豬肉解禁日，是日暫時放下豬肉的戒口令，當日我多數是吃拉麵為主。下午在佐敦恆豐中心地庫三樓，港版「東京駅拉麵街」「Ramxn Champion」內，試食過濃味醬油湯底「半熟蛋拉麵」連餃子套餐。到了夜晚，從佐敦北上旺角，到達朗豪坊商場四樓，在美食廣場旁邊的日式拉麵店「一風堂」，是我整日拉麵之旅晚上的最後一站。「一風堂」的拉麵，是代表日本最出名拉麵之一的九州褔岡博多拉麵，以豬骨湯以及細麵為主要材料的日本拉麵店。而我今次選擇「一風堂」，而不選其他的拉麵店如「X蘭」、「武X拉麵」，原因只得一個：「一風堂」是美心旗下的食店，我還有現金券可以用，所以晚上先去試試看看。不過我對拉麵的熱衷程度，沒有其他人般熱烈，所以在「一風堂」打開餐牌，有多款博多拉麵給我選擇，又「白丸元味」，又「赤丸新味」，一下子都不知選什麼口味才好。結果我看中，「一風堂」聲稱是朗豪坊分店限定的「魚介醬油豚骨」拉麵。「一風堂」店內座位的設計，跟我年前在日本東京食店看到的幾乎一模一樣，檯上同樣有一壺冰水，給你可以隨時自酙自飲。我坐在比較近廚房的吧臺，可以即時看到廚房裡面廚師煮麵的情況，並追看自己點的拉麵製作進度。「一風堂」在