餃子屋

營業中

休息中

今次嚟到荃昌商場嘅餃子屋喇！呢間餃子屋其實都開左好耐架喇，由小鋪位搬左大鋪位，有唔少人都為左佢而嚟荃灣，每次嚟食都要拎飛至少等15分鐘架！之前第一次嚟食果陣，等左足足一個鐘頭半，因為真係超級好食！！！雖然轉左大鋪位，但座位位置都係好窄。我最中意食佢呢到嘅煎芝士豬肉餃子🥟（6隻)，唔好以為六隻好少，佢每一隻嘅size係等於出面嘅兩倍，我通常食到第三隻已經好飽，因為芝士豬肉好流，但佢嘅芝士分量好足，豬肉好入味，餃子皮煎完後好煙銀咁，好perfect match!佢每一份煎餃子都會配一碗老火靚湯-魚膠淮山煲豬骨湯，果碗湯完全唔係味精湯，好似屋企煲果啲湯咁，好正好好飲😍而我地另外仲嗌左一碗咖喱薯仔豬肉餃湯（6隻)，佢個咖哩係唔辣，你唔會諗到咖哩可以同個湯咁夾，最精華嘅就係佢嘅辣菜甫，每一份餃子就會送一小份菜甫俾你，食完仲會好想食架，每次好想再買外賣菜甫返屋企食🤣🤣🤣埋單最後都係$78，真係好抵又好食架！

我要去佛羅倫斯小鎮 (有些名牌賣不去的貨就送來這outlet) 買很久之前在尖沙咀看中的紫色毛球，就來了平時不會到的新界地區，順道來一下荃灣試試舊同事介紹的餃子屋～ 其實這食市的商場都好多商店可逛，只係不是我看得上的東西囉🙈 我點了傳統煎餃子套餐加$8要了上海麵，4款餃子每款2隻就8隻餃子，套餐配的老火湯因麵變大碗左，我推介這個魚膠淮山煲豬骨湯，白滑香甜不油膩，我覺得好好飲😋 韭菜同芹菜餃超香🤤 看相就知餃子勁足料、爆多餡😍 舊同事喜歡香口所以推介了煎餃，但我食完就覺得煎餃太膩，我下次打算食風味3拼湯餃🤤 上海麵滑身之餘，應該比米線有咬口，睇下自己喜歡什麼口感選囉⋯⋯ 麵加香辣菜脯食就更香口惹味～ 坐位較逼，食完唔會因為坐得舒適就繼續坐，客人食完就走，店舖可以做多幾轉客😂

好多人排隊，連攞位都好唔容易先入到去等咗半個鐘有多先入到去，真係要試下有咩吸引力可以令咁多人排隊等位時順便望下有咩食，好多款餃子揀，有啲款出面少見，最後揀咗韭菜豬肉湯餃、韭菜豬肉煎餃，芹菜豬肉湯餃、京蔥羊肉煎餃。煎餃附送魚膠淮山煲豬骨湯，好鮮甜呢個湯真係不得了！好濃豬骨味，睇佢煲到奶白色就知落重料！真係一啲味精都冇！淨係呢碗湯都值門票價啦！京蔥羊肉餃，外皮脆卜卜，一咬爆汁爽口，內有洋蔥、京蔥、羊肉。食到蔬菜嘅甜味韭菜豬肉煎餃，外皮香脆，外脆內軟，一咬爆汁！ 韭菜豬肉湯餃啲湯汁一咬即爆，加埋湯，好夾，肉味濃，比煎餃好食芹菜豬肉湯餃，四款入面最好食芹菜比韭菜爽口，清甜，加埋豬肉鮮味，配搭一絕！附送嘅菜脯都唔簡單，夠香辣，菜脯夠爽脆！可見小店用心經營，以民為本個人較推薦湯餃，連湯一齊食，好夾

餃子~係我其中一種愛嘅食物!愛食到連我媽咪都成日話我係咪出世果陣，喺醫院同北方佳麗調轉左?!屋企無人好似我咁鍾意食餃子😂😂😂又一個長週嘅星期六，放工揾食係例牌要做嘅事!千辛萬苦喺公司行到去荃昌，遠望已經有好多人等緊位，為左食唯有等!💪💪💪又係小店所以好少位，舒適度冇得講究，食飽即走，唔好阻住下位!😉😉😉等位期間已經睇定食咩!聽聞呢度個湯底好出色~魚膠淮山煲豬骨，第一次緊係食湯餃子!叫左傳統餃子三拼: 韮菜豬，雲耳白菜豬，雲耳椰菜豬各2隻，每碗跟一小碟辣菜甫。個湯真係好濃，最初唔知仲怕魚膠會有鯹味，點知好味到飲晒!講返d餃子，皮薄餡多，每隻都好足料，叫左6隻連湯，份量啱啱好!

自己一個係荃灣唔知食咩好突然好想食餃子就搵openrice見到呢間話好多人排隊估計又係d鮮為人知但又好好味係屋邨商場既隱世小店即刻去試試佢去到果然有好多人排隊+等外賣好在一個人 又唔係繁忙時間 即刻入得嗌左3隻粟米香菇湯餃 3隻香菇木耳雞肉湯餃($34)等左10分鐘到就黎喇嘩 隻隻餃都好大粒 好滿足跟餐仲會送菜脯 好爽!粟米香菇湯餃d菇好香好好味d粟米又煮到好林 唔會一粒粒好硬咁兩樣夾埋估唔到咁好食香菇木耳雞肉就無粟米香菇咁香咁好味但d雞肉味都好出個湯底係老火豬骨湯 好正 飲哂仲要有埋蘿蔔 無味精 呢個價錢淨係比個湯底都值番！下次要再encore