小越廚

營業中

休息中

專誠黎飲牛油果奶昔，果然無失望，順便食番碗越南撈檬！本身叫左米紙蝦卷，但咁啱賣哂，老闆俾左個扎肉卷我地。米紙好薄，餡料好多菜同蘿蔔，好清新，再點埋大大碟嘅芝麻醬，味道好夾！同朋友一人一碗撈檬，啲餸全部share食，有露雞翼、香茅豬肉、春卷，覺得最好味都係雞翼，好香，雞皮最正，雞肉又嫩滑，香茅豬肉都好入味！到今餐重頭戲，牛油果奶昔，今日黎都係為左佢（朋友又跟我飲）！超級清新，好足料，牛油果味好濃郁，係原個牛油果呀！好味到想再飲多杯！之後再試左個芒果糕，味道不錯！

兩隻貪心的小狗叫了一個蟹膏撈檬、魚露雞翼撈檬、香茅豬肉法包、春卷和烤肉串。兩碗撈檬的配料都十分豐富，尤其是蟹膏，舖滿面的！雞翼則有4大隻，只是吃不到魚露的味道？很喜歡法包。平時吃都會被硬硬的法包刮到個口損晒，難得這裡的法包雖小，但仍是外脆內軟，還加上香茅豬肉的汁，好滿足！春卷和肉串都不錯，春卷味道偏淡，肉串則較濃，兩款各有特色吧。最後的驚喜是不收加一的啊！只是位置不算很近地鐵站，但也是易找的。會再來試試其他的！

行過見到這間小店，感覺好似好正宗咁（有啲小巴黎嘅影子），梗係要入去試一試佢啦！個職員d口音好似真係西貢小姐，我立即對d食物好有期望 睇睇menu, 好多都想食，而且價錢仲好經濟！我們叫左蟹膏河粉&雞翼撈檬，賣相吸引（好似實物仲靚過Menu），雞翼好香，份量都唔細真係一試愛上！好好味呀！雞翼雖然細細隻，但係好入味好香口，好意外個檬粉都好彈牙好有味！正 老公話碗蟹膏河粉啲朱紅同埋湯底都好正！飲品方面，杯滴滴咖啡真係好香，正宗越南咖啡！另外只要加＄3就有杯凍奶茶，大大杯，奶茶又夠茶味，真係餐飲都唔會馬虎！今時今日仲有碗咁抵食嘅越南粉，真係去邊度搵呀！