泰妹餐廳 (The Wave) (已結業)

午市呢度成日都爆，夜晚好彩都多位叫咗個兩人餐，餐飲嚟先左邊嘅係加$12嘅菠蘿冰，唔係想像中嘅黃色菠蘿沙冰，但係菠蘿粒勝在夠新鮮，中和返甜味套餐包嘅青檸梳打味道好refreshing椰子雞湯好大煲，兩個人食，裝到5碗雖然本身已經煮熱煮好，但係都用個火熱住用料都幾豐富，有好多雞肉，菇類同車厘茄比起其他椰子雞湯，呢度嘅湯椰汁味較濃，加上微酸，仲有啲香茅味，整個鍋好香馬拉盞炒芥蘭好惹味，芥蘭幼嫩唔老，醬汁爆炒入味小食拼盤好豐富，啲炸物好新鮮滾熱辣魚餅好重香茅味，蝦餅好結實彈牙米紙卷炸完，完全係泰式春卷，入面嘅肉碎同配料好搭班蘭葉包雞入面嘅雞肉係預先醃好，炸完味道好有泰國風味乾炒河粉鑊氣十足，好似係曼谷街邊舖頭食嘅一樣有蝦球，魷魚，青口，蟹棒，用料足，加上蛋片，雜菜一齊炒，一片片薄薄嘅河粉非常入味最後嘅甜品拼盤好靚，有3種顏色嘅糕點綠白色嘅係班蘭椰汁味，粉紅色同紫色都好特別，糕點嘅質感似大菜糕，食落係爽口清新嘅

每日食咩都係一個重大嘅議題，而2019嘅第一餐Lunch揀左去食泰國野，今次揀左喺附近The Wave嘅泰妹。喺隔離係新搬過黎嘅M記，食飯時間兩邊都好多人。Lunch嘅餐牌有飯、面兩set海南雞飯，雖然未去到必食，但鐘意食海南雞嘅都可以一試。印尼炒飯，偷食左兩啖都幾好味。下次應該會試呢個。冬蔭海鮮炒公仔面，我就食咗呢個，夠晒冬蔭味冬蔭海鮮湯金邊粉泰式乾炒河+$18嘅魚餅，呢個又估唔到都幾ok題外話可能因為Lunch太多人，要等30分鐘先上菜，可能下次叫外賣會好D

前排去完泰國，睇番D旅行相忍不住要食番餐泰國菜！搜尋🔍到官塘THE WAVE有間泰國餐廳，即刻約朋友星期六放工食lunch，之後重可以一齊行陣outlet 添！一上電梯已經見到泰妹！係開放式格局！但原來不淨只得開放式個邊，右邊重有室內座位！色彩繽紛，走年輕風格，有別一般傳統的泰國餐廳。午市餐牌分飯類、麵類，可以跟餐加$18選小食一款，包一杯飲品泰式去骨海南雞飯雞肉又鮮又嫰，油飯充滿油香，不過不知點解醬汁會用外賣兜，我見其他枱係用碟～但不重要啦，好味就得！泰式蝦炒金邊粉金邊粉夠足料，炒得好濕潤，我不鐘意乾爭爭食到頂胃，呢個啱晒我口味，索曬D汁酸酸甜甜好開胃！魚餅&蝦餅魚餅和蝦餅細細件，同樣附上泰式甜酸醬。蝦餅入口好勁香茅味！蝦餅炸得香口，口感扎實！飲埋杯野真係飽到上心口，即刻要行街消化下！