鯛魚魚湯專門店 (已結業)

因為近日受其他魚湯米線嘅衝擊嗰晚食呢間真係覺得好好味🤤鮑魚花膠魚肚魚湯飯好足料(相信睇相都見到)仲要係俾個鍋你熱住魚湯都有淡淡的鮮味食過返尋味推墨汁墨演都好好味係比較彈牙果款仲要加埋啲豆卜絲、木耳絲令到你完全唔會覺得好dry不過佢就冇個鍋俾你熱住但佢個湯絕對夠熱甚至我覺得熱過鮑魚嗰碗烏賊佢真係原隻上好好味 好鮮🦑滑捋捋 不過小心入邊有條骨整體都中上價錢亦唔係十分貴推鮑魚花膠魚肚魚湯飯 $138🙆🏿‍♀️墨汁墨魚丸魚湯烏冬 $75🙆🏿‍♀️追加烏賊 $18🙆🏿‍♀️Coke Zero $6

天氣開始熱，我同M佬近排都無乜胃口，所以今日就清清哋食個湯飯啦！特登去到呢間位於鰂魚涌太古坊附近嘅日式鯛魚魚湯專門店，主打鯛魚魚湯，聽講鯛魚魚湯係低脂、高蛋白質仲好養顏，所以姊妹們想食得健康同越食越靚，就要早啲嚟排隊先得呀，因為呢度真係好full㗎！皇帝蟹腳海膽湯飯：限量發售嘅招牌菜，真係早到先有得食呀！上枱個時仲有個小火爐等佢可以保持溫度。用鮮鯛魚熬製出嚟嘅湯呈奶白色，味道好鮮甜又香濃，仲有少少胡椒香味，湯底一啲都唔腥，而飯底仲完全吸收晒魚湯味，真係好好味。而蟹腳仲有４塊，蟹肉厚身又新鮮，食落口啖啖肉好滿足！至於海膽差唔多有半板，份量一啲都唔少，好fresh呀！鮑魚花膠魚肚魚湯飯：同樣地用上鮮鯛魚熬湯，配上2隻鮑魚、花膠、魚肚，真係好矜貴呀！而鮑魚好煙韌彈牙，好有口感呀！至於花膠同魚肚份量唔少，完美地索晒湯底，仲要好軟腍，好味又健康嘅選擇！餃子雞翼：除咗兩個湯飯，我哋都叫咗2個小食，其中一個係餃子雞翼，先將雞翼去骨，再釀入餃子餡料，雞翼漲卜卜之餘，兩邊仲燒到有啲焦香，好Juicy呀！吉列炸豬扒：炸到金黃色又香脆，大大塊之餘肉質又夠香！配上日式醬汁或沙律醬更加令味道提升呀！