阿爺八鮮鍋 (已結業)

朋友推介呢間任食打邊爐，果然好高質素，最近新裝修，有新Menu，有刺身新鮮海鮮加上多款式選擇！ 時間有成2.5 個鐘 可以慢慢食到飽🤣 每人$398 加一，如果加任飲就$20～ 一開始會送一碟刺身、一壺燉湯、一盤海鮮、任食嘅雞煲，之後先打邊爐！海鮮同埋肉質素好高！刺身有三文魚、象拔蚌、赤貝、大蝦等等，質素正常，算新鮮，作為頭盤～ 燉湯好足料好香，飲落好舒服，老火湯！之後就係韓式芝士雞煲，有齊晒兩款芝士，可以拉絲，芝士多到食唔晒🤭 雞肉厚身，可以任添，不過兩個人食曬都幾飽，留返個肚食海鮮打邊爐～ 我揀咗豬骨湯底，真係有一大嚿豬骨🤣 揀一個比較清淡嘅湯底，先食到海鮮嘅鮮味～ 之後放晒所有海鮮、牛肉，個湯底非常好飲，好似海鮮濃湯咁，我都飲翻碗🤭 呢個海鮮拼盤好豐富，有新鮮鮑魚、大蝦、蟹、龍蝦、帶子😋 蟹好多膏、龍蝦非常新鮮帶膏、大蝦🦐好大舊、鮑魚都新鮮！鮑魚😋食落非常彈牙，夠新鮮！啖啖肉！帶子好大隻！大蝦用串串好，鮮甜！仲有冇影到嘅龍蝦🦞，非常高質，啖啖肉，掛住食嚟唔切影相就食晒🤣 之後介紹值得再叫嘅任食配菜！No1 鮮牛肉 估唔到係咁新鮮，淥完之後撈起上嚟，牛肉依然非常鮮嫩，重牛肉味！推介

阿爺八鮮鍋平時比較食得多係牛肉放題，今次黎到旺角呢間專食海鮮放題既火鍋店，仲要價錢都係400蚊左右，平時咁鐘意海鮮既我，一定要食返夠本。佢地個放題係包2.5小時任食，會有個雞煲，海鮮龍蝦拼盤，燉湯，炸物/刺身！+$20就會有飲品放題！今次雞煲叫左泰式酸辣雞煲，雞煲份量唔算大，雞肉好嫩滑，而且超入味！酸酸辣辣既泰式汁加埋超開胃，冇諗過咁樣煮都好好食！海鮮拼盤有蝦、膏蟹、帶子、龍蝦同鮑魚，呢啲都超新鮮，鮑魚超肥厚，帶子又巨型！至於炸物係俾2位入座既，而刺身係比4位入座，燉湯係老火湯，飲落好清甜，唔係啲味精湯！重頭戲梗係講下有咩海鮮係任叫，其實種類相當多，蟹、鮑魚、蟶子、象拔蚌片、廣島蠔，仲有白鱔、龍躉肉等等都可唔可以任食！ 比起牛肉我會覺得呢到海鮮好食啲，牛肉都有幾款選擇，仲有啲蝦滑、手打丸類選擇！如果唔食得海鮮既朋友，其實都仲有好多野可以食！呢度啲海鮮都好大隻好厚肉，絕對會食到好飽好滿足！而且都新鮮！如果你係海鮮狂魔，好拆得，咁一定圍到本🤣我地兩個人最後食左$900左左右，海鮮任食既話算好抵，同埋如果可以5:00/或者9:00入座，價錢會再平啲！