Holly Brown Coffee Roasters (已結業)

週末到荔枝角 D2 Place One的市集逛逛，順便到D2 Place Two的咖啡店食午餐。咖啡店的慢煮乳豬皮煮得好脆，我們切下來時肉汁濺到手，可見慢煮仍然鎖住乳豬肉汁，我也很欣賞咖啡店選擇用蘋果蓉作佐料。我們點餐時希望美國牛肩扒能烤到五成熟，不過牛扒有部分位置偏熟。我點的鮮奶咖啡奶味雖濃，不過鮮奶蒸得過熱了。鮮奶咖啡慢煮乳豬配薯條 $258美國牛肩扒配燒汁及薯條 $218#荔枝角 #LaiChiKok #cafehopping #咖啡經濟圈 #Latte

行過D2 place諗住行下市集，扮下文青，甘作為藝. 文青又點可以爭杯咖啡呢？Holly Brown Coffee Roster 係正D2 place 門口地下，行入D2 place 實會經過。環境都算舒服，無論大枱細枱中間都有預鬆啲位，唔算侷促，一班朋友仔嘆下啡傾下計都唔錯，不過星期六日假期都幾多小朋友，如果怕嘈就要諗諗。呢度除左有供應咖啡之外，仲有各款西餐、甜品比客人揀，今次下午茶時間就試左鮮奶咖啡（$50）同埋是日精選蛋糕 — 朱古力蛋糕（$50）。咖啡係真係好香，拉花都靚，雖然無得揀豆，但佢既咖啡酸度同烘焙度都好適中同易入口，飲落入口好滑順同好nutty。比起咖啡，今次既朱古力蛋糕就比較失色，入口有啲太甜太膩但朱古力既香同苦味就唔太出，可以唔洗嘥quota。Holly Brown仲有好多好特別既gelato、彩虹色shake，晚市仲好似有任食gelato，有機會可以試下！

情人節正日食飯就一定喺貴，趁住姨仔去咗旅行，唔使預佢飯餸，所以，兩公婆預早少少出街食，當喺慶祝情人節。自從荔枝角有咗D2 Place，感覺呢區好似「活化」咗好多，食肆嘅選擇亦多咗好多。今晚揀嚟「 Holly Brown Coffee Roasters 」，一來未試過，二來又有啲五折推廣。餐廳位處商場地下，一邊鋪面向街，好易認，而且，地方大，樓底又高，空間感足，裝修帶點工業風，配合調暗咗嘅燈光，氣氛蠻好。又有一對女子組合自彈自唱，令用餐嘅感覺真喺幾好（門口有塊小黑板會寫住邊日有現場伴奏）。唯一唔好喺枱櫈編排有啲密，我哋喺4人枱拆出嚟嘅，變相同隔離嘅二人枱喺零距離，好似去咗麥記咁。除咗餐廳嘅名字加上「Coffee Roasters 」，又見佢哋擺咗部炒豆機做裝飾（我估無實際用嚟炒豆啩），所以，對其咖啡嘅產品抱有好大期望。先介紹吓有咩食先，因為成餐廳嘅燈光都比較暗，所以，影出嚟嘅餐牌效果都喺麻麻，所以，靠少少文字補充。菜式分類為早餐、湯類、頭盤、沙律、漢堡、意粉、意飯、薄餅、主菜、甜品、窩夫及飲品，選項不少。至於文初話晚市有五折優惠，其實都好條件性，詳情喺咁嘅，星期一至五6:00pm後，以人