喺度做乜

營業中

休息中

前日放工後去到山林道食晚飯，見到一間個名好有趣嘅cafe店，裝修都簡約精緻，決定入去食下。我同細佬叫咗兩個set dinner, 包括前菜、主菜同飲品。📌前菜：沙律我地兩份嘅前菜都叫咗沙律，沙律菜新鮮份量足，上面仲有少量芝士粉做點綴，增添口感。📌鮮忌廉野菌煙三文魚天使麵 $138質地柔軟嘅天使麵同濃郁嘅忌廉汁完美融合，煙三文魚份量充足再加上菇片，令整碟意粉口感層次豐富。📌波士頓龍蝦(半隻）配白松露忌廉手工扁麵 $158半隻肥美嘅波士頓龍蝦，肉質鮮嫩彈牙，龍蝦上更鋪滿融化咗嘅芝士！意粉入面嘅松露汁非常濃郁，松露香氣撲鼻而來，鍾意食松露嘅細佬非常享受呢碟意粉。📌朱古力牛角包窩夫 $68朱古力雪糕濃郁順滑，雪糕放喺窩夫上面本身好怕窩夫會淋哂。點知，窩夫仍然保持到酥脆嘅口感！旁邊仲有朱古力嘅最佳拍檔--香蕉作伴碟。餐廳優惠多，我地喺門口見到晚市堂食人均達$150 就可以用$1 購買每日唔同款嘅特定小食/甜品，真係好抵食。📌芭菲杯 $1我地食飯嗰日係星期二，$1有一杯賣相精緻嘅芭菲杯！裡面不同種類嘅雜果、堅果、早餐脆脆混合喺雪糕及乳酪中。味道酸酸甜甜，口感極之豐富，只係$1！

連日落雨撞上星期一，街上冇乜人與車山林道呢間西餐都唔錯㗎，希望嚟緊晚市會多返啲人啦是日餐湯係南瓜湯，佢唔係好cream嗰種，而係切切實實咁用南瓜蓉煲出嚟，飲到南瓜嘅香甜加上脆脆嘅麵包條，唔會掗胃，浸湯食更開胃忌廉天使麵煮得好好，麵條啱啱好唔會糊，完全吸晒醬汁，再多醬啲應該會糊煙三文魚好有鹹香，唔會好油膩平時食牛扒唔係西冷就肉眼，牛肋扒就比較少食，沿住骨嘅肉其實幾香口，肥瘦比例都好正side dish有好多蔬菜，有粟米、秋葵、蕃茄等等，最正係有羽衣甘藍。薯角炸到勁脆身，而且唔會滲油，口感好爽食完就加份甜品，是日推介牛角窩夫，果然壓得好香，質感又脆又有嚼口，一大球雲呢拿雪糕融落去食超過癮，加埋雜莓就perfect池跟餐有送是日飲品，有熱有凍熱就蜜桃紅茶，凍就蜜糖綠茶，唔會甜，解膩正好Follow佢地嘅page仲有豆腐雪糕送，好香豆腐味又大球