偉偉川菜 (利發大廈)

營業中

休息中

🥰 同事 “巫師” 識飲識食, 強烈推介 “偉偉川菜”, 今日年卅晚約戰8人江湖飯局.😱 餐廳位於銅鑼灣渣甸坊舊商場, 沿樓梯上, 見到改衫店, 服裝店等, 架步相當有趣, 到達二樓, 見到 “偉偉川菜”, 細細嘅商舖門口, 我哋被安排坐斜對面單位嘅另一個用餐區, 大約20個位, 零裝修.🥢 今餐點咗 “巫師” 推介嘅 “鮮椒牛肉”, “鮮椒魚”, 同埋谷友推介嘅 “辣子肥腸”, 其他飯友再亂點幾碟.🐂 鮮椒牛肉. 牛肉唔會 “太虧”, 椒香樸鼻, 必點!🐟 鮮椒魚. 魚肉結實滑溜, 可以飲埋湯, 十分讚! 🤗 辣子肥腸. 香辣臭脆, 又係必點!🐥 辣子雞. 相對普通. 🐖 魚香肉絲. 甜甜哋, 唔知想點, 唔啱口味.🌿 蒜蓉萵筍. 優質, 正常發揮.🌶 泡椒血旺. 食咗一舊, 不俗.🏘 今晚嘅用餐區, 正舖斜對面.🤗 總結: “開飯嘞” 食評好壞參半. 服務還好, 手機落單, 上菜速度正常. 主打菜式屬超水準, 其餘菜式有機會中伏, 但足夠吸引回頭客. 推介鮮椒魚, 鮮椒牛肉, 辣子肥腸, 香而不太辣, 平衡, 一流. 小店經營, 以呢個價錢, 對服務環境冇乜投訴, 今晚包唒副廳,

成日捐窿捐罅搵嘢食，總會見識到好多新玩意，到底係意外驚喜定係驚嚇真係好睇運氣 😥 今次我好彩，發掘到呢間零環境但超好食嘅偉偉川菜，已經極速 Encore 咗，一定要同大家推薦！！打定個底先，餐廳喺與希慎一街之隔嘅渣甸坊商場仔，位置極隱蔽要啲時間搵吓 👣 環境真係連企理都稱唔上，座位逼狹地下濕𣲷𣲷分分鐘仲要坐走廊，但味道係 120 分 des 💯 其實唔係好想分享，好驚食唔到 😭 不過為咗表達對大家嘅愛……希望手下留情畀我食吓 😽一坐低咩都唔好講，嗌咗個招牌鮮椒牛肉 ($𝟭𝟯𝟴) 先，因為暫時真係超越咗人生食過所有餐廳嘅炒牛肉，好 Specific 哈哈 😆 望落係一碟普通嘅青辣椒炒牛肉，用上湖南特產嘅新鮮線椒同指天椒，入口比一般尖椒刺激，口感亦較爽脆 🌶 牛肉切成小片後猛火爆炒，肉質無比軟腍，帶少許筋膜增添微微咬口，一食就知唔係坊間常見以梳打粉乸過，特意造出嚟嗰種嫩滑口感 🥩 朋友問「唔係用梳打粉點解可以咁滑？」唯一答案就係用嘅材料真係好靚好新鮮，絕對唔係雪藏凍貨能夠相比擬 👍🏻辣而不嗆嘅線椒圈同細嫩多汁嘅牛肉鑊氣十足，明明只係用豉油簡單調味，但𢳂一羮已經可以撈一碗飯，牛肉食極都仲有好