喜記蟹將軍 (iSQUARE國際廣場) (已搬遷) 新店位置

喜記出名食蟹就係人都知，不過大家亦知道佢價位唔算平，但最近就發現喜記出左個非常超值嘅四人龍蟹宴套餐，七餸一飯/麵，有龍蝦有蟹有鵝有蜆包晒茶芥小食加一都係$998，即係除返開都係每人$250，去茶樓食都唔得，所以之前就同屋企人黎食當提早做冬。鮮淮山酸薑酸酸地幾開胃。秘製豉椒炒蜆炒蜆用左比較大隻嘅花甲，食落夠厚肉又唔會黏牙，不過空口食就鹹左少少，用黎餸飯就正！椒鹽波士頓龍蝦波士頓龍蝦都幾大隻同厚肉，肉質結實彈牙，椒鹽味夠惹味。喜記正宗炒辣蟹套餐裡面的炒蟹可以揀炒辣蟹或薑蔥炒蟹，不過識食一定揀炒辣蟹。炒辣蟹可以揀辣度，我地揀左少辣，其實辣椒都係放喺烤蒜粒中間，所以蟹肉其實只係bb辣。蟹肉唔會太乾，鹹鹹辣辣好惹味，炸蒜粒夠乾身，小辣都已經幾夠辣，用黎餸飯真係一流。燒汁野菌牛柳粒牛柳夠腍份量都對版，用三色椒同洋蔥一齊炒，燒汁甜甜地味道都唔錯。金銀蛋菜心套餐原本係莧菜，因為冇貨所以轉左做菜心，菜心莖唔會太硬，清清地都唔錯。鹵水鵝鹵水鵝係例牌，但份量都唔算少，鵝皮下仲連住少少肥膏，鵝肉鹵得入味之餘又唔會太鹹。懷舊鴛鴦飯鴛鴦飯唔會太大碟，食完七個餸再食埋個飯啱啱好，紅汁有肉絲，白汁有蝦仁。番薯糖水雖然

媽咪好鍾意食呢間店嘅炒蟹架，侍應會幫手剥蟹蚶，換碟次數又多，趁住有特價我又黎食個4-6人龍蟹宴，全包盛惠一千蚊都唔洗，包羅萬有嘅菜式，超級抵食！先黎個鮮淮山酸薑，健康開胃～椒鹽波士頓龍蝦同避風塘炒辣蟹，勁香口！份量唔少，連龍蝦軟殼，經過椒鹽炸過之後，都變得好食好脆，殼肉之間嘅肉汁...媽呀！好食到暈呀！經過以往經驗，今次炒辣蟹揀嘅辣度係微辣，少辣多香脆嘅避風塘炸蒜，埋住嘅蟹肉，超級惹味！秘製豉椒炒蜆，甜甜辣辣，d肉仲好大粒，個個都食到Lam Lam 脷！掛住食蟹忙到差d唔記得食燒汁野菌牛柳粒，又腍又惹味！仲有香甜嘅金銀蛋莧菜、入味滷水鵝（例牌），蟹油炒麵。繼續keep住家庭聚餐list頭幾位。

今日同屋企人係尖沙咀shopping 完想食蟹，就搵到呢間係iSQUARE入面嘅喜記蟹將軍🦀環境格局類似茶樓，裝潢帶中國古色氣派4-6人套餐由$1699特價至$998，最重要係有我地今日想食嘅蟹😜✨鮮淮山酸薑✨開胃前菜，不會太過酸，而酸甜味正好開胃🌌秘製豆豉炒蜆🌌美國大蜆配豆瓣醬等調味，味道甜甜地，大蜆無沙，蜆質地嫩🌠椒鹽波士頓龍蝦🌠椒鹽鋪滿龍蝦，香噴噴，原隻龍蝦啖啖肉，帶鮮甜，少少辛辣✨避風塘炒辣蟹✨呢味蟹炒得非常惹味，避風塘炸蒜脆而香，加上椒鹽的咸香味與啖啖肉的巨蟹非常夾😋👍🏻🌠鹵水鵝(例牌)🌠鹵水鵝最重要係個汁，而個汁帶少少甜，鵝入味，幾好🌌蟹油炒麵🌌炒麵色澤漂亮，賣貌已經睇得出炒得好食，蟹油炒麵帶甜香，麵質幼而韌度適中🎇金銀蛋炒時蔬🎇蔬菜是必須的，菜吸收上湯精華，令其更加香甜，不錯✨燒汁野菌牛柳粒✨牛柳粒炒得比較重口味，青椒、洋蔥及雞脾菇等材料染上牛肉香最後仲送多碗番薯糖水作終結總括而言，呢個套餐都幾抵食，以咁嘅價錢食到3款海鮮以及5款其他餸菜，實屬抵食之選😁